അസീമാനന്ദ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
അസീമാനന്ദ
ജനനംനബകുമാർ
കമർപുകർ, ഹൂഗ്ലി, പശ്ചിമ ബംഗാൾ, ഇന്ത്യ
ദേശീയത ഇന്ത്യ
മറ്റ് പേരുകൾജിതൻ ചാറ്റർജി, ഓംകാർനാഥ്
മാതാപിതാക്കൾബിഭൂതിബൂഷൺ സർക്കാർ, പ്രമീള സർക്കാർ

ഇന്ത്യയിലെ വിവിധ സ്ഫോടനങ്ങളുമായി ബന്ധപ്പെട്ട് അറസ്റ്റിലായ മുൻ ആർ.എസ്.എസ് നേതാവാണ് അസീമാനന്ദ അഥവാ സ്വാമി അസീമാനന്ദ. അജ്മീർ സ്ഫോടനം, മലേഗാവ് സ്ഫോടനം (2006), സംഝോത എക്സ്പ്രെസ്സ് സ്ഫോടനം, മക്കാമസ്ജിദ് സ്ഫോടനം എന്നീ സംഭവങ്ങളിൽ പ്രതിയായി സി.ബി.ഐ 2010 നവംബർ 19-ന് അറസ്റ്റ് ചെയ്തു.

ഡിസംബർ 18-ന് തീസ്‌ഹസാരി കോടതിയിൽ ജസ്റ്റിസ് ദീപക് ദബസിനുമുമ്പാകെ കുറ്റസമ്മതമൊഴി നൽകി[1][2][3]. ഈ കുറ്റസമ്മതമൊഴി 2011 ജനുവരി 15-ന് തെഹൽക പുറത്തുവിട്ടു[4][5]. 2010 ഡിസംബർ 24-ന് എൻ.ഐ.എയ്ക്ക് കൈമാറ്റം ചെയ്യപ്പെട്ട അസീമാനന്ദ, പിന്നീട് തന്റെ മൊഴി നിഷേധിച്ചിരുന്നു. 2014 ഫെബ്രുവരിയിൽ കാരവൻ മാഗസിനുമായുള്ള അഭിമുഖത്തിൽ കോടതിയിൽ നൽകിയ മൊഴിയിൽ ഉറച്ചുനിൽക്കുന്നതായി വ്യക്തമാക്കി. തങ്ങളുടെ പ്രവർത്തനങ്ങൾക്ക് ആർ.എസ്.എസ് നേതൃത്വത്തിന്റെ പിന്തുണയുണ്ടായിരുന്നതായും മോഹൻ ഭഗവതിന്റെ അനുമതിയോടെയാണ് സ്ഫോടനങ്ങൾ നടത്തിയതെന്നും അഭിമുഖത്തിൽ വ്യക്തമാക്കുന്നു[6]. തുടർന്നുണ്ടായ വിവാദങ്ങളെ തുടർന്ന് അഭിമുഖത്തിന്റെ ശബ്ദരേഖ കാരവൻ മാസിക പുറത്തുവിടുകയുണ്ടായി[7].

ജീവിതരേഖ[തിരുത്തുക]

ബാല്യം[തിരുത്തുക]

പശ്ചിമബംഗാളിലെ ഹൂഗ്ലി ജില്ലയിൽ കമർപുകർ എന്ന പ്രദേശത്ത് ബിഭൂതിഭൂഷൺ-പ്രമീള ദമ്പതികളുടെ മകനായി ജനിച്ചു. നബകുമാർ, ജിതൻ ചാറ്റർജി, ഓംകാർനാഥ് എന്നീ പേരുകളിൽ വിളിക്കപ്പെട്ടിരുന്നു അസീമാനന്ദ[8]. ശ്രീരാമകൃഷ്ണ പരമഹംസൻ, വിവേകാനന്ദൻ എന്നിവരിൽ ആകൃഷ്ടനായിരുന്ന ജിതൻ വിദ്യാഭ്യാസകാലത്ത് ആർ.എസ്.എസ്സുമായി ബന്ധപ്പെട്ട് പ്രവർത്തിച്ചുതുടങ്ങി. 1977-ൽ ആർ.എസ്.എസ് സംഘടനയായ വനവാസി കല്യാൺ ആശ്രമത്തിന്റെ മുഴുസമയ പ്രവർത്തകനായി മാറി. ഗുരുവായിരുന്ന പരമാനന്ദാണ് അദ്ദേഹത്തിന് അസീമാനന്ദ എന്ന നാമം നൽകിയത്[9].

ആദിവാസികൾക്കിടയിൽ[തിരുത്തുക]

1988-ൽ അന്തമാനിലേക്ക് മാറിയ അസീമാനന്ദ വനവാസി കല്യാൺ വഴി ആദിവാസികൾക്കിടയിൽ പ്രവർത്തിച്ചുവന്നു[10][പ്രവർത്തിക്കാത്ത കണ്ണി]. 1993-ൽ വനവാസി കല്യാണിന്റെ ജംഷഡ്പൂർ കേന്ദ്രത്തിലേക്ക് മാറിയ അസീമാനന്ദ രണ്ടുവർഷങ്ങൾക്ക് ശേഷം ഗുജറാത്തിലെ ഡംഗ് ജില്ലയിൽ പ്രവർത്തനമാരംഭിച്ചു. അവിടെ ശബരിക്ഷേത്രം നിർമ്മിച്ചു[9]. ആർ.എസ്.എസ് ആശീർവാദത്തോടെ 2006-ൽ ശബരീകുംബമേള സംഘടിപ്പിച്ചു[11].

അറസ്റ്റ്[തിരുത്തുക]

2007 ഏപ്രിൽ 29-ന് അറസ്റ്റിലായ ദേവേന്ദ്ര ഗുപ്തയിൽ നിന്നും ലഭിച്ച വിവരങ്ങളെത്തുടർന്നാാണ് അസീമാനന്ദയും സുനിൽ ജോഷിയും രാജസ്ഥാൻ എ.ടി.എസ് നിരീക്ഷണത്തിലായിരുന്നു. തുടർന്ന് 2010 നവംബർ 19-ന് ഹരിദ്വാർ ആശ്രമത്തിൽ നിന്നും അസീമാനന്ദയെ സി.ബി.ഐ അറസ്റ്റ് ചെയ്തു. അജ്മീർ, മക്കാമസ്ജിദ്, സംഝോത എക്സ്പ്രെസ്സ് എന്നീ സ്ഫോടനങ്ങളിലുള്ള പങ്കാളിത്തമായിരുന്നു ഇദ്ദേഹത്തിന്റെ പേരിലുള്ള ആരോപണം[12][13].

കുറ്റസമ്മതവും അനന്തരഫലങ്ങളും[തിരുത്തുക]

തെഹൽക്കയുടെ വെളിപ്പെടുത്തലനുസരിച്ച്, അസീമാനന്ദ 2010 ഡിസംബർ 16-ന് ന്യായാധിപനുമുമ്പിൽ ഹാജരായി തനിക്ക് കുറ്റസമ്മതം നടത്തണമെന്ന് ആവശ്യപ്പെട്ടു. അതിന്റെ അനന്തരഫലങ്ങൾ സൂചിപ്പിച്ച ന്യായാധിപൻ ബാഹ്യസ്വാധീനങ്ങളൊഴിവാക്കാൻ രണ്ട് ദിവസത്തെ ജുഡീഷ്യൽ കസ്റ്റഡിയിൽ വെച്ചു. ഡിസംബർ 18-ന് ഹാജരായ അസീമാനന്ദ അഞ്ചുമണിക്കൂർ നീണ്ട വെളിപ്പെടുത്തൽ നടത്തുകയും സ്ഫോടനശൃംഖലയിൽ തന്റെയും മറ്റ് സംഘ്പരിവാർ നേതാക്കളുടെയും പങ്കാളിത്തം സ്ഥിരീകരിക്കുകയും ചെയ്തു[4]. അസീമാനന്ദ എഴുതിയ കത്തിൽ മാലേഗാവ് സ്ഫോടനത്തിൽ അന്യായമായി തടവിലുണ്ടായിരുന്ന ഒരു മുസ്‌ലിം യുവാവിന്റെ അനുഭവമാണ് തന്റെ മനംമാറ്റത്തിന് കാരണമെന്ന് വ്യക്തമാക്കി[14].

എന്നാൽ 2011 മെയ് 12-ന് തന്റെ വെളിപ്പെടുത്തൽ സമ്മർദ്ദഫലമായിരുന്നെന്ന് അസീമാനന്ദ അവകാശപ്പെട്ടു[15]. 2011 ജൂണിൽ അസീമാനന്ദക്കെതിരെ എൻ.ഐ.എ സംഝോത സ്ഫോടനത്തിലും, 2007-ലെ അജ്മീർ സ്ഫോടനത്തിലും കുറ്റം ചുമത്തി[16][17]

അവലംബങ്ങൾ[തിരുത്തുക]

  1. Vinay Kumar (2011-01-08). "News / National : Swami Aseemanand's confession reveals Hindutva terror activities". Chennai, India: The Hindu. ശേഖരിച്ചത് 2011-11-19.
  2. "Swami Aseemanand, as I know him - Rediff.com India News". Rediff.com. 2011-01-18. ശേഖരിച്ചത് 2011-11-19.
  3. "Is Swami Aseemanand a Terrorist?". Breakingnewsonline.net. 2011-01-19. ശേഖരിച്ചത് 2011-11-19.
  4. 4.0 4.1 "India's Independent Weekly News Magazine". Tehelka. ശേഖരിച്ചത് 2011-11-19.
  5. "കവർസ്റ്റോറി". മാധ്യമം ആഴ്ചപ്പതിപ്പ് ലക്കം 675. 2011 ജനുവരി 18. ശേഖരിച്ചത് 2013 മാർച്ച് 09. Check date values in: |accessdate= (help)
  6. "What Aseemanand allegedly said about Narendra Modi, RSS and terror". NDTV. ശേഖരിച്ചത് 2014-02-06.
  7. "Swami Aseemanand claims RSS chief Mohan Bhagwat knew about conspiracy to bomb civilian targets". The Caravan. 2014-02-05. ശേഖരിച്ചത് 2014-02-05.
  8. My son has been framed, says Aseemananda’s mother
  9. 9.0 9.1 "Terror has a new colour". The Asian Age. 2011-01-16. ശേഖരിച്ചത് 2011-11-19.
  10. "Andaman Sheekha, the True Mirror of A & N Islands". Andamansheekha.com. ശേഖരിച്ചത് 2011-11-19.
  11. "Sangh's new Kumbh to take Hindutva offensive to the Dangs". Indianexpress.com. 2005-09-21. ശേഖരിച്ചത് 2012-11-17.
  12. "Terror probe: CBI arrests Aseemanand in Haridwar". Indian Express. 2010-11-20. ശേഖരിച്ചത് 2011-11-19.
  13. "Aseemanand confessed role in Samjhauta blast, claims probe". Indian Express. 2011-01-07. ശേഖരിച്ചത് 2011-11-19.
  14. "Aseemanand's confession before CBI voluntary - India News - IBNLive". Ibnlive.in.com. ശേഖരിച്ചത് 2011-11-19.
  15. "Confessed involuntarily and under duress: Samjhauta blast accused Aseemanand - Times Of India". Articles.timesofindia.indiatimes.com. 2011-05-12. ശേഖരിച്ചത് 2011-11-19.
  16. "Aseemanand, four others charged in Samjhauta blast case - Economic Times". Articles.economictimes.indiatimes.com. 2011-06-20. ശേഖരിച്ചത് 2011-11-19.
  17. "NIA files charge sheet against Aseemanand in Ajmer dargah case". Indian Express. 2011-07-19. ശേഖരിച്ചത് 2011-11-19.
"https://ml.wikipedia.org/w/index.php?title=അസീമാനന്ദ&oldid=3102687" എന്ന താളിൽനിന്ന് ശേഖരിച്ചത്