മംഗോളിയര്
വിക്കിപീഡിയ, ഒരു സ്വതന്ത്ര വിജ്ഞാനകോശം.
| മംഗോളിയര് |
|---|
    |
| ആകെ ജനസംഖ്യ |
|
10 million |
| സാരമായ ജനസംഖ്യയുള്ള പ്രദേശങ്ങള് |
 China (5.8 million) Mongolia (2.4 million) Russia (0.5 million) |
| ഭാഷകള് |
| Mongolic languages |
| മതങ്ങള് |
| Predominantly Tibetan Buddhism and Shamanism with minorities of Christianity, Islam, Atheism |
| അനുബന്ധവംശങ്ങള് |
| Khalkha, Daurs, Buryats, Evenks, Dorbots, Kalmyks, Oirats, Chahars, Tumeds, Ordoses, Bayad, Dariganga, Urianhai, Uzemchin and Zakhchin. |
മംഗോളിയര് ഇന്നത്തെ മംഗോളിയ, റഷ്യ, ചൈന എന്നീ ദേശങ്ങള് കേന്ദ്രമായി ഉയര്ന്നു വന്ന ജനവിഭാഗമാണ്. ഒരു കാലത്ത് ഏഷ്യയുടെ ഭൂരിഭാഗവും കിഴക്കന് യൂറോപ്പ് പൂര്ണ്ണമായും അടക്കിഭരിച്ചിരുന്ന വന്ശക്തിയായി ഇവര് വളര്ന്നിരുന്നു. ഇന്ന് ലോകത്താകമാനം 85 ലക്ഷത്തോളം മംഗോളി വംശജരുണ്ട്. മംഗോളിയാണ് ഇവരുടെ ഭാഷ. ചൈന, റഷ്യ എന്നീ രാജ്യങ്ങള്ക്കിടയിലുള്ള മംഗോളിയന് റിപബ്ലിക്കാണ് ആധുനിക നൂറ്റാണ്ടില് മംഗോളിയരുടെ ഏകരാജ്യം. ഇവിടെ 27 ലക്ഷത്തോളം മംഗോളിയരുണ്ട്. എന്നാല് ചൈനയിലെ സ്വയം ഭരണ പ്രദേശമായ ഇന്നര് മംഗോളിയയിലാണ് ഏറ്റവുമധികം മംഗോളി വംശജരുള്ളത്. 50 ലക്ഷത്തോളം വരും ഇവിടത്തെ അംഗസംഖ്യ. റഷ്യയിലെ വിവിധ പ്രദേശങ്ങളിലായി പത്തു ലക്ഷത്തോളം മംഗോളിയര് വേറെയുമുണ്ട്.
പതിനാറോളം ഗോത്രങ്ങളുടെ സങ്കലനമാണ് മംഗോളി വംശം. ഖാല്ഖാ, ദാവൂര്, ബുറിയത്, എവെങ്ക്, ദോര്ബോത്, കാല്മിക്, ഒരിയത്, കസാഖ്, ചഖാ, ടുമെഡ്, ഒര്ദോസ്, ബയദ്, ദരീഗംഗ, യുരീന്ഹ, ഉസെംചിന്, സാഖ്ചിന് എന്നിവയാണ് പതിനാറു ഗോത്രങ്ങള്. മൂന്ന് നാല് നൂറ്റാണ്ടുകളില് ശക്തമായിരുന്ന സഞ്ചാര ജനതതിയായ ഹൂണന്മാരില് നിന്നാണ് മംഗോളിയന് വംശവും ഉല്ഭവിച്ചതെന്നു കരുതപ്പെടുന്നു. അഫ്ഗാനിസ്ഥാനിലെ ഹസാരാ വംശജരും മംഗോളിയന് ജനവിഭാഗങ്ങളില് നിന്നും ഉടലെടുത്തതാണെന്നാണ് അനുമാനം.
ഉള്ളടക്കം |
[തിരുത്തുക] ചരിത്രം
ക്രിസ്തുവിനു ശേഷം അഞ്ചോ ആറോ നൂറ്റാണ്ടുകള്ക്കുള്ളില് ഹൂണന്മാരില് നിന്നും ഉടലെടുത്ത ജനവിഭാഗമായിരുന്നെങ്കിലും മംഗോളിയരെ ചരിത്രത്തില് പ്രാധാന്യത്തോടെ രേഖപ്പെടുത്തുന്നത് ജെങ്കിസ് ഖാന്റെ കാലത്തോടെയാണ്. അതുവരെ പരസ്പരം വിഘടിച്ചു നിന്നിരുന്ന നിരവധി ഗോത്രങ്ങള് മാത്രമായി ചിതറിക്കപ്പെട്ടിരുന്നു ഇവര്. 1206-ഓടെ ജങ്കിസ് ഖാന്റെ കീഴില് അണിനിരന്ന ഇവര് മികവുറ്റ സൈനികശക്തിയായി മാറി. 1227-ല് ജെംഗിസ് ഖാന്റെ മരണസമയത്ത് വിശാലമായ ഒരു ഭൂപ്രദേശത്തിന്റെ അധിപനായിരുന്നു അദ്ദേഹം. അദ്ദേഹത്തിന്റെ പിന്ഗാമികള് വിസ്തൃതമായ ഒരു സാമ്രാജ്യം സ്ഥാപിച്ഛു. ഏഷ്യന് വന്കരയുടെ ഭൂരിഭാഗവും കിഴക്കന് യോറോപ്യന് പ്രദേശങ്ങളും വിശാല റോമാ സാമ്രാജ്യത്തിന്റെ പ്രദേശങ്ങളും ഇവര് അടക്കിവാണു. റഷ്യയുടെ ഭാഗങ്ങള്, കിഴക്കന് യുറോപ്പ്, ചൈന, പശ്ചിമേഷ്യ എന്നിവയൊക്കെ വിവിധസമയങ്ങളില് ഈ സാമ്രാജ്യത്തിന്റെ ഭാഗമായിരുന്നു[1].
അംഗസംഖ്യയില് ഇരുപതു ലക്ഷം മാത്രമേ ഉണ്ടായിരുന്നെങ്കിലും ലോകചരിത്രത്തിലെ ഏറ്റവും വിശാലമായ സാമ്രാജ്യം കെട്ടിപ്പടുത്തവരാണ് മംഗോളിയര്. ഭൂമിയിലെ മനുഷ്യാവാസ യോഗ്യമായ പ്രദേശങ്ങളുടെ മൂന്നില് രണ്ടു ഭാഗവും ജെങ്കിസ് ഖാന്റെ നേതൃത്വത്തില് ഇവര് വരുതിയിലാക്കി. 35 ദശലക്ഷം ചതുരശ്ര കിലോമീറ്റര് വിസ്തൃതിയില് പത്തു കോടിയോളം ജനങ്ങളെ ഇവര് കാല്ക്കീഴിലാക്കി.
[തിരുത്തുക] പിന്ഗാമികള്
ഇന്ത്യയിലെ മുഗള് ചക്രവര്ത്തിമാര് മംഗോളിയരുടെ പിന്ഗാമികളാണ്.
[തിരുത്തുക] മറ്റ് ലിങ്കുകള്
[തിരുത്തുക] ആധാരസൂചിക
- ↑ Social Science, Our Pasts-II, NCERT Text Book in History for Class VII, Chapter 7, Tribes Nomads and Settled Communities, Page 101, ISBN 817450724
 |
ഈ ലേഖനം അപൂര്ണ്ണമാണ്. ഇതു പൂര്ത്തിയാക്കുവാന് സഹകരിക്കുക. |
