തുറമുഖം

വിക്കിപീഡിയ, ഒരു സ്വതന്ത്ര വിജ്ഞാനകോശം.
ഇറ്റലിയിലെ കാപ്രി ഹാർ‌ബർ.

കപ്പലുകൾക്കും മറ്റു നൗകകൾക്കും പക്ഷുബ്ധമായ കടലിൽ നിന്നും സംരക്ഷണമേകിക്കൊണ്ട് നിർത്തിയിടാനും, യാത്രക്കാരുടെയും ചരക്കുകളുടെയും കയറ്റിറക്കം നടത്താനും സൌകര്യമുള്ള ജലാശയ ഭാഗങ്ങളെയാണ് തുറമുഖങ്ങൾ എന്ന് പറയുന്നത്. തുറമുഖങ്ങൾ പ്രകൃതിദത്തമായി ഉള്ളവയോ കൃത്രിമമായി നിർമിച്ച്ചവയോ ആകാം. സ്വാഭാവിക തുറമുഖങ്ങൾക്ക്‌ പ്രകൃതിജന്യമായ സംരക്ഷണം സമീപസ്ഥമായ കര ഭാഗങ്ങൾ നൽകുമ്പോൾ, മണ്ണടിച്ചിൽ, വേലിയേറ്റ/വേലിയിറക്കങ്ങൾ എന്നിവയിൽ നിന്നും സംരക്ഷണമേകിക്കൊണ്ട് കൃത്രിമ തുറമുഖങ്ങൾക്ക്‌ കടൽ ഭിത്തികളും മറ്റു നിർമിതികളും ആവശ്യമാണ്‌. കേരളത്തിലെ ഏറ്റവും പ്രധാന തുറമുഖമായ കൊച്ചി ഒരു സ്വാഭാവിക തുറമുഖമാണ്.

പ്രകൃതിദത്ത തുറമുഖങ്ങൾ[തിരുത്തുക]

പ്രകൃതിദത്ത അഥവാ സ്വാഭാവിക തുറമുഖങ്ങൾക്ക് പുരാതന കാലം മുതൽ തന്നെ നാടുകളുടെ ഗതാഗത, വാണിജ്യ മേഖലകളെ അഭിവൃദ്ധിപ്പെടുത്തുക വഴി സാമ്പത്തിക സൈനിക രംഗങ്ങളിൽ ഏറെ പ്രാധാന്യമുണ്ടായിരുന്നു. മാത്രമല്ല അവകൾക്ക് സമീപമായി പല മഹാനഗരങ്ങളും രൂപപ്പെടുകയും ചെയ്തിട്ടുണ്ട്. ന്യൂ യോർക്ക്‌, സാൻ ഫ്രാൻസിസ്കോ, സിഡ്നി, ഹാലിഫാക്സ്, പേൾ ഹാർബർ തുടങ്ങി ഇന്ത്യയിൽ മുംബൈ, വിശാഖപട്ടണം കേരളത്തിലെ കൊച്ചി ഇവയെല്ലാം സ്വാഭാവിക തുറമുഖങ്ങൾക്ക് ഉദാഹരണങ്ങളാണ്.

അവലംബം[തിരുത്തുക]

http://en.wikipedia.org/wiki/Harbor#Natural_harbors

"http://ml.wikipedia.org/w/index.php?title=തുറമുഖം&oldid=1732885" എന്ന താളിൽനിന്നു ശേഖരിച്ചത്