ആന്റിന്യൂട്രിയന്റ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
ഫൈറ്റിക് ആസിഡ് (ചിത്രത്തിലെ ഡിപ്രോട്ടോണേറ്റഡ് ഫൈറ്റേറ്റ് അയോൺ ) ഭക്ഷണത്തിൽ നിന്ന് ധാതുക്കൾ ആഗിരണം ചെയ്യുന്നതിനെ തടസ്സപ്പെടുത്തുന്ന ഒരു ആന്റിന്യൂട്രിയന്റാണ്.

പോഷകങ്ങൾ ശരീരം ആഗിരണം ചെയ്യുന്നതിനെ തടസ്സപ്പെടുത്തുന്ന പ്രകൃതിദത്ത അല്ലെങ്കിൽ സിന്തറ്റിക് സംയുക്തങ്ങളാണ് ആന്റിന്യൂട്രിയന്റുകൾ എന്ന് അറിയപ്പെടുന്നത്. [1] പോഷകാഹാര പഠനങ്ങൾ ഭക്ഷണ സ്രോതസ്സുകളിലും പാനീയങ്ങളിലും സാധാരണയായി കാണപ്പെടുന്ന ആന്റിന്യൂട്രിയന്റുകളിൽ ശ്രദ്ധ കേന്ദ്രീകരിക്കുന്നു. ആന്റിന്യൂട്രിയന്റുകൾ മരുന്നുകൾ, ഭക്ഷ്യ സ്രോതസ്സുകളിൽ സ്വാഭാവികമായി ഉണ്ടാകുന്ന രാസവസ്തുക്കൾ, പ്രോട്ടീനുകൾ, അല്ലെങ്കിൽ പോഷകങ്ങളുടെ അമിത ഉപഭോഗം എന്നിങ്ങനെ വിവിധ തരത്തിൽ ആവാം. വിറ്റാമിനുകളും ധാതുക്കളും ബന്ധിപ്പിക്കുന്നതിലൂടെയോ അവയുടെ ആഗിരണം തടയുന്നതിലൂടെയോ എൻസൈമുകളെ തടയുന്നതിലൂടെയോ ആന്റിന്യൂട്രിയന്റുകൾ പ്രവർത്തിച്ചേക്കാം.

ചരിത്രത്തിലുടനീളം, മനുഷ്യർ ആന്റിന്യൂട്രിയന്റുകൾ കുറയ്ക്കാൻ വിളകൾ വളർത്തിയിട്ടുണ്ട്, അസംസ്കൃത ഭക്ഷ്യവസ്തുക്കളിൽ നിന്ന് അവയെ നീക്കം ചെയ്യുന്നതിനും പോഷകങ്ങളുടെ ജൈവ ലഭ്യത വർദ്ധിപ്പിക്കുന്നതിനുമായി പാചക പ്രക്രിയകൾ മനുഷ്യർ വികസിപ്പിച്ചെടുത്തിട്ടുണ്ട്, പ്രത്യേകിച്ച് മരച്ചീനി പോലുള്ള പ്രധാന ഭക്ഷണങ്ങളിൽ.

മെക്കാനിസങ്ങൾ[തിരുത്തുക]

ധാതുക്കൾ ആഗിരണം ചെയ്യുന്നത് തടയുന്ന പ്രവർത്തനം[തിരുത്തുക]

കാൽസ്യം, മഗ്നീഷ്യം, ഇരുമ്പ്, ചെമ്പ്, സിങ്ക് തുടങ്ങിയ ധാതുക്കളുമായി ശക്തമായി ബന്ധപ്പെടാനുള്ള കഴിവ് ഫൈറ്റിക് ആസിഡിന് ഉണ്ട്. ഇത് പ്രെസിപ്പിറ്റേഷന് കാരണമാകുകയും അതുവഴി ധാതുക്കൾ കുടലിൽ ആഗിരണം ചെയ്യാൻ ലഭ്യമല്ലാതാവുകയും ചെയ്യുന്നു. [2] [3] പരിപ്പ്, വിത്തുകൾ, ധാന്യങ്ങൾ എന്നിവയുടെ പുറംതൊലിയിൽ ഫൈറ്റിക് ആസിഡുകൾ സാധാരണമാണ്. മിനറൽ ചേലേഷനും പരിസ്ഥിതിയിലേക്ക് പുറപ്പെടുവിക്കുന്ന ബൗണ്ട് ഫോസ്ഫേറ്റുകളും കാരണം ഇതിന് കൃഷി, മൃഗങ്ങളുടെ പോഷണം, യൂട്രോഫിക്കേഷൻ എന്നിവയിൽ വലിയ പ്രാധാന്യമുണ്ട്. ഫൈറ്റേറ്റ് (പോഷകം ഉൾപ്പെടെ) കുറയ്ക്കാൻ മില്ലിങ് ഉപയോഗിക്കാതെ, [4] ഹിസ്റ്റിഡിൻ ആസിഡ് ഫോസ്ഫേറ്റ് തരം ഫൈറ്റേസുകൾ ചേർത്ത് മൃഗങ്ങളുടെ തീറ്റയിൽ ഫൈറ്റിക് ആസിഡിന്റെ അളവ് സാധാരണയായി കുറയ്ക്കുന്നു. [5]

ഒക്‌സാലിക് ആസിഡും ഓക്‌സലേറ്റുകളും പല ചെടികളിലും ഗണ്യമായ അളവിൽ കാണപ്പെടുന്നു, പ്രത്യേകിച്ച് റബർബാബ്, ചായ, ചീര, പാലക്ക്, പർസ്‌ലെയ്ൻ എന്നിവയിൽ . ഓക്സലേറ്റുകൾ കാൽസ്യവുമായി ബന്ധിക്കുകയും മനുഷ്യശരീരത്തിൽ അതിന്റെ ആഗിരണം തടയുകയും ചെയ്യുന്നു. [6]

ഗ്ലൂക്കോസിനോലേറ്റുകൾ അയോഡിൻ ആഗിരണം ചെയ്യുന്നത് തടയുന്നു, ഇത് തൈറോയ്ഡ് ഗ്രന്ഥിയുടെ പ്രവർത്തനത്തെ ബാധിക്കുന്നു, അതിനാൽ അവയെ ഗോയിട്രോജൻ ആയി കണക്കാക്കുന്നു. ബ്രോക്കോളി, ബ്രസ്സൽസ് മുളകൾ, കാബേജ്, കടുക്, മുള്ളങ്കി, കോളിഫ്ലവർ തുടങ്ങിയ സസ്യങ്ങളിൽ ഇവ കാണപ്പെടുന്നു. [6]

എൻസൈം തടസ്സം[തിരുത്തുക]

ട്രിപ്സിൻ, പെപ്സിൻ, കുടലിലെ മറ്റ് പ്രോട്ടീസുകൾ എന്നിവയുടെ പ്രവർത്തനങ്ങളെ തടയുന്ന പദാർത്ഥങ്ങളാണ് പ്രോട്ടീസ് ഇൻഹിബിറ്ററുകൾ, ഇത് ദഹനത്തെയും തുടർന്നുള്ള പ്രോട്ടീന്റെ ആഗിരണത്തെയും തടയുന്നു. ഉദാഹരണത്തിന്, സോയാബീനിൽ കാണപ്പെടുന്ന ബോമാൻ-ബിർക്ക് ട്രൈപ്സിൻ ഇൻഹിബിറ്റർ. [7] പയർവർഗ്ഗങ്ങളിൽ കാണപ്പെടുന്ന ചില ട്രൈപ്സിൻ ഇൻഹിബിറ്ററുകളും ലെക്റ്റിനുകളും ദഹനത്തെ തടസ്സപ്പെടുത്തുന്നു. [8]

കൊഴുപ്പ് ഉൾപ്പെടെയുള്ള ചില ലിപിഡുകളുടെ ജലവിശ്ലേഷണത്തെ ഉത്തേജിപ്പിക്കുന്ന ഹ്യൂമൻ പാൻക്രിയാറ്റിക് ലിപേസ് പോലുള്ള എൻസൈമുകളെ ലിപേസ് ഇൻഹിബിറ്ററുകൾ തടസ്സപ്പെടുത്തുന്നു. ഉദാഹരണത്തിന്, പൊണ്ണത്തടി ചികിത്സയിൽ ഉപയോഗിക്കുന്ന മരുന്ന് ആയ ഓർലിസ്റ്റാറ്റ് ഉപയോഗം മൂലം കൊഴുപ്പിന്റെ ഒരു ശതമാനം ദഹിക്കാതെ ദഹനനാളത്തിലൂടെ കടന്നുപോകുന്നു. [9]

അന്നജത്തിന്റെയും മറ്റ് സങ്കീർണ്ണ കാർബോഹൈഡ്രേറ്റുകളുടെയും ഗ്ലൈക്കോസിഡിക് ബോണ്ടുകളെ തകർക്കുന്ന എൻസൈമുകളുടെ പ്രവർത്തനത്തെ അമൈലേസ് ഇൻഹിബിറ്ററുകൾ തടയുന്നു, ഇത് ലളിതമായ ഷുഗറിന്റെ റിലീസും ശരീരത്തിലെ അതിന്റെ ആഗിരണവും തടയുന്നു. ലിപേസ് ഇൻഹിബിറ്ററുകൾ പോലെ, അവ ഭക്ഷണ സഹായിയായും പൊണ്ണത്തടി ചികിത്സയായും ഉപയോഗിക്കുന്നു. അവ പലതരം ബീൻസുകളിൽ ഉണ്ട്; വാണിജ്യപരമായി ലഭ്യമായ അമൈലേസ് ഇൻഹിബിറ്ററുകൾ വെളുത്ത കിഡ്നി ബീൻസിൽ നിന്ന് വേർതിരിച്ചെടുക്കുന്ന വസ്തുവാണ്. [10]

മറ്റുള്ളവ[തിരുത്തുക]

ആവശ്യമായ പോഷകങ്ങൾ അമിതമായി കഴിക്കുന്നതും പോഷക വിരുദ്ധ ആന്റിന്യൂട്രിയന്റ് പ്രവർത്തനത്തിന് കാരണമാകും. ഭക്ഷണത്തിലെ നാരുകൾ അമിതമായി കഴിക്കുന്നത് കുടലിലൂടെയുള്ള ട്രാൻസിറ്റ് സമയം കുറയ്ക്കുക വഴി മറ്റ് പോഷകങ്ങൾ ആഗിരണം ചെയ്യുന്നത് കുറയ്ക്കും. എന്നിരുന്നാലും, ഈ പ്രഭാവം പലപ്പോഴും പ്രായോഗികമായി കാണപ്പെടുന്നില്ല, ആഗിരണം ചെയ്യപ്പെടുന്ന ധാതുക്കളുടെ കുറവ് പ്രധാനമായും നാരുകളുള്ള ഭക്ഷണത്തിലെ ഫൈറ്റിക് ആസിഡുകൾ കാരണമാകാം എന്ന് പറയുന്നു. [11] ഇരുമ്പ് അടങ്ങിയ ഭക്ഷണങ്ങൾക്കൊപ്പം കാൽസ്യം കൂടുതലുള്ള ഭക്ഷണങ്ങൾ ഒരേസമയം കഴിക്കുന്നതു, കാൽസ്യത്തിന് തടയാൻ കഴിയുന്ന ഇരുമ്പ് ട്രാൻസ്പോർട്ട് പ്രോട്ടീൻ hDMT1 ഉൾപ്പെടുന്ന ഒരു അവ്യക്തമായ സംവിധാനം വഴി ഇരുമ്പിന്റെ ആഗിരണം കുറയ്ക്കും. [12]

അസംസ്കൃത മുട്ടയുടെ വെള്ളയിൽ സജീവമായ രൂപത്തിൽ കാണപ്പെടുന്ന ആന്റി ന്യൂട്രിയന്റാണ് അവിഡിൻ. ഇത് ബയോട്ടിനുമായി ( വിറ്റാമിൻ ബി 7) വളരെ ദൃഢമായി ബന്ധിക്കുന്നു [13] ഇതുമൂലം മൃഗങ്ങളിലും അങ്ങേയറ്റത്തെ സന്ദർഭങ്ങളിൽ, മനുഷ്യരിലും ബി 7 ന്റെ കുറവ് [14] ഉണ്ടാകാം. [15]

ആന്റിന്യൂട്രിയന്റുകളുടെ വ്യാപകമായ രൂപമായ ഫ്ലേവനോയ്ഡുകൾ, ടാനിനുകൾ ഉൾപ്പെടുന്ന ഒരു കൂട്ടം പോളിഫെനോളിക് സംയുക്തങ്ങളാണ്. [16] ഈ സംയുക്തങ്ങൾ ഇരുമ്പ്, സിങ്ക് തുടങ്ങിയ ലോഹങ്ങളെ ചേലേറ്റ് ചെയ്യുകയും ഈ പോഷകങ്ങളുടെ ആഗിരണം കുറയ്ക്കുകയും ചെയ്യുന്നു, [17] കൂടാതെ അവ ദഹനത്തിനെ സഹായിക്കുന്ന എൻസൈമുകളെ തടയുകയും പ്രോട്ടീനുകളെ പ്രെസിപ്പിറ്റേറ്റ് ചെയ്യുകയും ചെയ്യും. [18]

സസ്യങ്ങളിലെ സാപ്പോണിനുകൾ ആൻറി ഫീഡന്റുകൾ പോലെ പ്രവർത്തിച്ചേക്കാം [19] [20] അവയെയും ആന്റിന്യൂട്രിയന്റുകളായി തരംതിരിക്കാം. [21]

കാണപ്പെടലും നീക്കംചെയ്യലും[തിരുത്തുക]

വിവിധ കാരണങ്ങളാൽ മിക്കവാറും എല്ലാ ഭക്ഷണങ്ങളിലും ആന്റിന്യൂട്രിയന്റുകൾ ചില തലങ്ങളിൽ കാണപ്പെടുന്നു. എന്നിരുന്നാലും, ആധുനിക വിളകളിൽ, ഒരുപക്ഷേ വളർത്തൽ പ്രക്രിയയുടെ ഫലമായി അവയുടെ അളവ് കുറയുന്നു. [22] ജനിതക എഞ്ചിനീയറിംഗ് ഉപയോഗിച്ച് ആന്റിന്യൂട്രിയന്റുകൾ പൂർണ്ണമായും ഇല്ലാതാക്കാനുള്ള സാധ്യത ഇപ്പോൾ നിലവിലുണ്ട്; പക്ഷേ, ഈ സംയുക്തങ്ങൾക്ക് ഗുണകരമായ ഫലങ്ങളുണ്ടാകാമെന്നതിനാൽ, അത്തരം ജനിതകമാറ്റങ്ങൾ ഭക്ഷണങ്ങളെ കൂടുതൽ പോഷകപ്രദമാക്കും എങ്കിലും ആളുകളുടെ ആരോഗ്യം മെച്ചപ്പെടുത്തില്ല. [23]

മുളപ്പിയ്ക്കൽ, പാചകം, പുളിപ്പിക്കൽ, മാൾട്ടിംഗ് തുടങ്ങിയ പല പരമ്പരാഗത ഭക്ഷണനിർമ്മാണ രീതികളും ഫൈറ്റിക് ആസിഡ്, പോളിഫെനോൾസ്, ഓക്സാലിക് ആസിഡ് തുടങ്ങിയ ചില ആന്റിന്യൂട്രിയന്റുകൾ കുറയ്ക്കുന്നതിലൂടെ സസ്യഭക്ഷണങ്ങളുടെ പോഷകഗുണം വർദ്ധിപ്പിക്കുന്നു . [24] ധാന്യങ്ങളും പയർവർഗ്ഗങ്ങളും ഭക്ഷണത്തിന്റെ പ്രധാന ഭാഗമാകുന്ന സമൂഹങ്ങളിൽ ഇത്തരം സംസ്കരണ രീതികൾ വ്യാപകമായി ഉപയോഗിക്കപ്പെടുന്നു. [25] [26] അത്തരം സംസ്കരണത്തിന്റെ ഒരു പ്രധാന ഉദാഹരണം മരച്ചീനി പൊടി ഉൽപ്പാദിപ്പിക്കുന്നതിന് ഫെർമെന്റേഷൻ ചെയ്യുന്നത് ആണ്. ഫെർമെന്റേഷൻ കിഴങ്ങിലെ വിഷവസ്തുക്കളുടെയും ആന്റിന്യൂട്രിയന്റുകളുടെയും അളവ് കുറയ്ക്കുന്നു. [27]

ഇതും കാണുക[തിരുത്തുക]

അവലംബം[തിരുത്തുക]

  1. ↑ Cammack, Richard; Atwood, Teresa; Campbell, Peter; Parish, Howard; Smith, Anthony; Vella, Frank; Stirling, John, eds. (2006). "Aa". Oxford dictionary of biochemistry and molecular biology. Cammack, Richard (Rev. ed.). Oxford: Oxford University Press. p. 47. doi:10.1093/acref/9780198529170.001.0001. ISBN 9780198529170. OCLC 65467611.
  2. ↑ Ekholm, Päivi; Virkki, Liisa; Ylinen, Maija; Johansson, Liisa (Feb 2003). "The effect of phytic acid and some natural chelating agents on the solubility of mineral elements in oat bran". Food Chemistry. 80 (2): 165–70. doi:10.1016/S0308-8146(02)00249-2.
  3. ↑ "Phytic acid interactions in food systems". Critical Reviews in Food Science and Nutrition. 13 (4): 297–335. 1980. doi:10.1080/10408398009527293. PMID 7002470.
  4. ↑ "Phytate: impact on environment and human nutrition. A challenge for molecular breeding". Journal of Zhejiang University Science B. 9 (3): 165–91. March 2008. doi:10.1631/jzus.B0710640. PMC 2266880. PMID 18357620.
  5. ↑ "In silico characterization of histidine Acid phytase sequences". Enzyme Research. 2012: 845465. 2012. doi:10.1155/2012/845465. PMC 3523131. PMID 23304454.{{cite journal}}: CS1 maint: unflagged free DOI (link)
  6. ↑ 6.0 6.1 "Naturally occurring food toxins". Toxins. 2 (9): 2289–332. September 2010. doi:10.3390/toxins2092289. PMC 3153292. PMID 22069686.{{cite journal}}: CS1 maint: unflagged free DOI (link)
  7. ↑ Tan-Wilson, Anna L.; Chen, Jean C.; Duggan, Michele C.; Chapman, Cathy; Obach, R. Scott; Wilson, Karl A. (1987). "Soybean Bowman-Birk trypsin isoinhibitors: classification and report of a glycine-rich trypsin inhibitor class". J. Agric. Food Chem. 35 (6): 974. doi:10.1021/jf00078a028.
  8. ↑ "Effects of antinutritional factors on protein digestibility and amino acid availability in foods". Journal of AOAC International. 88 (3): 967–87. May 2005. doi:10.1093/jaoac/88.3.967. PMID 16001874.
  9. ↑ "Orlistat, a new lipase inhibitor for the management of obesity". Pharmacotherapy. 20 (3): 270–9. March 2000. doi:10.1592/phco.20.4.270.34882. PMC 6145169. PMID 10730683.
  10. ↑ "Bean amylase inhibitor and other carbohydrate absorption blockers: effects on diabesity and general health". Journal of the American College of Nutrition. 28 (3): 266–76. June 2009. doi:10.1080/07315724.2009.10719781. PMID 20150600.
  11. ↑ "Effects of dietary fibers on magnesium absorption in animals and humans". The Journal of Nutrition. 133 (1): 1–4. January 2003. doi:10.1093/jn/133.1.1. PMID 12514257.
  12. ↑ "Regulatory effects of Cu, Zn, and Ca on Fe absorption: the intricate play between nutrient transporters". Nutrients. 5 (3): 957–70. March 2013. doi:10.3390/nu5030957. PMC 3705329. PMID 23519291.{{cite journal}}: CS1 maint: unflagged free DOI (link)
  13. ↑ "Egg and egg-derived foods: effects on human health and use as functional foods". Nutrients. 7 (1): 706–29. January 2015. doi:10.3390/nu7010706. PMC 4303863. PMID 25608941.{{cite journal}}: CS1 maint: unflagged free DOI (link)
  14. ↑ "Observations of the "egg white injury" in ants". PLOS ONE. 9 (11): e112801. 2014-11-13. Bibcode:2014PLoSO...9k2801P. doi:10.1371/journal.pone.0112801. PMC 4231089. PMID 25392989.{{cite journal}}: CS1 maint: unflagged free DOI (link)
  15. ↑ "Human biotin deficiency. A case history of biotin deficiency induced by raw egg consumption in a cirrhotic patient". The American Journal of Clinical Nutrition. 21 (2): 173–82. February 1968. doi:10.1093/ajcn/21.2.173. PMID 5642891.
  16. ↑ "Overview of dietary flavonoids: nomenclature, occurrence and intake". The Journal of Nutrition. 133 (10): 3248S–3254S. October 2003. doi:10.1093/jn/133.10.3248S. PMID 14519822.
  17. ↑ "Chelation of Cu(II), Zn(II), and Fe(II) by tannin constituents of selected edible nuts". International Journal of Molecular Sciences. 10 (12): 5485–97. December 2009. doi:10.3390/ijms10125485. PMC 2802006. PMID 20054482.{{cite journal}}: CS1 maint: unflagged free DOI (link)
  18. ↑ "Tannins and Their Complex Interaction with Different Organic Nitrogen Compounds and Enzymes: Old Paradigms versus Recent Advances". ChemistryOpen. 6 (5): 610–614. October 2017. doi:10.1002/open.201700113. PMC 5641916. PMID 29046854.
  19. ↑ "Metabolic and functional diversity of saponins, biosynthetic intermediates and semi-synthetic derivatives". Critical Reviews in Biochemistry and Molecular Biology. 49 (6): 439–62. 2014. doi:10.3109/10409238.2014.953628. PMC 4266039. PMID 25286183.
  20. ↑ "Biological activities and distribution of plant saponins". Journal of Ethnopharmacology. 94 (2–3): 219–43. October 2004. doi:10.1016/j.jep.2004.05.016. PMID 15325725.
  21. ↑ "Changes in nutrient and antinutrient composition of Vigna racemosa flour in open and controlled fermentation". Journal of Food Science and Technology. 52 (9): 6043–8. September 2015. doi:10.1007/s13197-014-1637-7. PMC 4554638. PMID 26345026.
  22. ↑ GEO-PIE Project. "Plant Toxins and Antinutrients". Cornell University. Archived from the original on June 12, 2008.
  23. ↑ "Breeding for micronutrients in staple food crops from a human nutrition perspective". Journal of Experimental Botany. 55 (396): 353–64. February 2004. doi:10.1093/jxb/erh064. PMID 14739261.
  24. ↑ "Traditional food-processing and preparation practices to enhance the bioavailability of micronutrients in plant-based diets". The Journal of Nutrition. 137 (4): 1097–100. April 2007. doi:10.1093/jn/137.4.1097. PMID 17374686.
  25. ↑ "Nutritional improvement of cereals by fermentation". Critical Reviews in Food Science and Nutrition. 28 (5): 349–400. 1989. doi:10.1080/10408398909527507. PMID 2692608.
  26. ↑ "Starchy legumes in human nutrition, health and culture". Plant Foods for Human Nutrition. 44 (3): 195–211. November 1993. doi:10.1007/BF01088314. PMID 8295859.
  27. ↑ "Biochemical changes in micro-fungi fermented cassava flour produced from low- and medium-cyanide variety of cassava tubers". Nutrition and Health. 18 (4): 355–67. 2007. doi:10.1177/026010600701800405. PMID 18087867.

കൂടുതൽ വായനയ്ക്ക്[തിരുത്തുക]

  • Shahidi, Fereidoon (1997). Antinutrients and phytochemicals in food. Columbus, OH: American Chemical Society. ISBN 0-8412-3498-1.
"https://ml.wikipedia.org/w/index.php?title=ആന്റിന്യൂട്രിയന്റ്&oldid=3953935" എന്ന താളിൽനിന്ന് ശേഖരിച്ചത്