"കാതറിൻ ട്രീസ" എന്ന താളിന്റെ പതിപ്പുകൾ തമ്മിലുള്ള വ്യത്യാസം
'{{Infobox person | name = കാതറിൻ ട്രീസ | image = | imagesize = | alt = | caption = | birth_name = ...' താൾ സൃഷ്ടിച്ചിരിക്കുന്നു |
(വ്യത്യാസം ഇല്ല)
|
07:44, 21 ഒക്ടോബർ 2013-നു നിലവിലുണ്ടായിരുന്ന രൂപം
കാതറിൻ ട്രീസ | |
|---|---|
| ജനനം | കാതറിൻ ട്രീസ അലക്സാണ്ടർ 10 സെപ്റ്റംബർ 1989 |
| മറ്റ് പേരുകൾ | കാതറീൻ, കാതറൈൻ |
| തൊഴിൽ | അഭിനേത്രി, മോഡൽ |
മലയാളി വംശജയായ ഒരു തെന്നിന്ത്യൻ അഭിനേത്രിയും മോഡലുമാണ് കാതറിൻ ട്രീസ. മലയാളം, തെലുങ്ക്, കന്നട എന്നീ ഭാഷകളിലെ ചലച്ചിത്രങ്ങളിൽ അഭിനയിച്ചിട്ടുണ്ട്.
വ്യക്തിജീവിതം
കാതറിൻ ജനിച്ചത് കോട്ടയത്താണെങ്കിലും ദുബൈ നഗരത്തിലാണ് വളർന്നത്.[1][2] ദുബൈയിൽ പ്ലസ് ടു പഠനം പൂർത്തിയാക്കിയ ശേഷം ഇന്ത്യയിലേയ്ക്ക് മടങ്ങിയ കാതറിൻ ബംഗലൂരുവിലാണ് ഉപരിപഠനം നടത്തിയത്. ബംഗലൂരുവിലെ സെന്റ് ജോസഫ്സ് കോളേജിൽ നാലു വർഷത്തോളം വിദ്യാർത്ഥിനിയായിരുന്നു കാതറിൻ.[3][4]
വിദ്യാഭ്യാസത്തിന് പ്രാധാന്യം കൊടുക്കുന്ന കുടുംബമായിരുന്നെങ്കിലും ചെറുപ്പം മുതലേ പാഠ്യേതര പ്രവർത്തനങ്ങളിൽ നിപുണയായിരുന്ന മകളെ കാതറീന്റെ വിശാലഹൃദയരായ മാതാപിതാക്കൾ പ്രോൽസാഹിപ്പിച്ചു. പാട്ട്, നൃത്തം, സംവാദം, ഐസ് സ്കേറ്റിംഗ്, പിയാനോ വായന എന്നിവയിൽ കാതറിൻ പഠനകാലത്തു തന്നെ പരിശീലനം നേടി.[1][5] ദുബൈയിൽ ജീവിച്ച കാലത്ത് എമിറേറ്റ്സ് പരിസ്ഥിതി സന്നദ്ധപ്രവർത്തകയുമായിരുന്നു കാതറിൻ. പതിനാലാമത്തെ വയസിൽ തന്നെ കാതറിൻ മോഡലിംഗ് ആരംഭിച്ചിരുന്നു.[6] ഇന്ത്യയിലേയ്ക്ക് തിരിച്ചെത്തിയശേഷം ചെന്നൈ സിൽക്സ്, ജോസ്കോ ജ്വലേഴ്സ്, ഡെക്കാൺ ക്രോണിക്കിൾ, ഫാസ്റ്റ് ട്രാക്ക് മുതലായവയ്ക്ക് വേണ്ടി പരസ്യമോഡലായി. പ്രമുഖ ഫാഷൻ ഡിസൈനറായ പ്രസാദ് ബിദ്ദപ്പയോടൊപ്പം വിവിധ നഗരങ്ങളിൽ നടത്തപ്പെട്ട ഫാഷൻ ഷോകളിലും കാതറിൻ ഈ കാലയളവിൽ പങ്കെടുത്തു.[7][6]
അഭിനയജീവിതം
2010-ൽ ശങ്കർ ഐ.പി.എസ്. എന്ന കന്നട ചിത്രത്തിലൂടെയാണ് കാതറിൻ അഭിനയരംഗത്തേയ്ക്ക് കടന്നുവന്നത്.[3] കന്നടയിലെ ആദ്യ ചിത്രത്തിനു ശേഷം പൃഥ്വിരാജ് നായകനായ "ദ ത്രില്ലർ" എന്ന ചിത്രത്തിലെ നായികാവേഷത്തിലൂടെ മലയാളസിനിമാരംഗത്തെത്തിയ കാതറിൻ പിന്നീട് "ഉപ്പുകണ്ടം ബ്രദേഴ്സ് ബാക്ക് ഇൻ ആക്ഷൻ" എന്നൊരു മലയാളചിത്രത്തിൽ കൂടി അഭിനയിച്ചു.[8] 2011-ൽ "വിഷ്ണു" എന്നൊരു കന്നട ചിത്രത്തിലും അഭിനയിച്ചിരുന്നു.[4]
മലയാളത്തിൽ "റോമിയോ ആൻഡ് ജൂലിയറ്റ്സ്" എന്ന പേരിലും തെലുങ്കിൽ "ഇദ്ദരമ്മായിലതോ" എന്ന പേരിലും ഒരേ സമയം റിലീസ് ചെയ്ത അല്ലു അർജുൻ ചിത്രത്തിൽ മുഖ്യ സ്ത്രീകഥാപാത്രങ്ങളിലൊന്ന് അഭിനയിച്ചത് കാതറിൻ ആയിരുന്നു.[9] 2013 ജൂണിൽ റിലീസ് ചെയ്ത ചിത്രത്തിലെ ആകാശ എന്ന കഥാപാത്രം കാതറീന് വമ്പിച്ച നിരൂപകപ്രശംസ നേടിക്കൊടുത്തു. "ആകാശ എന്ന കഥാപാത്രത്തിന് കൃത്യമായി യോജിക്കുന്ന അഭിനേത്രിയാണ് കാതറിൻ ട്രീസ" എന്നാണ് ടൈംസ് ഓഫ് ഇൻഡ്യ റിപ്പോർട്ട് ചെയ്തത്.[10]
ചലച്ചിത്രങ്ങൾ
| വർഷം | ചലച്ചിത്രം | വേഷം | ഭാഷ | മറ്റു വിവരങ്ങൾ |
|---|---|---|---|---|
| 2010 | ശങ്കർ ഐ.പി.എസ് | ശില്പ | കന്നട | |
| 2010 | ദ ത്രില്ലർ | മീര | മലയാളം | |
| 2011 | ഉപ്പുകണ്ടം ബ്രദേഴ്സ് ബാക്ക് ഇൻ ആക്ഷൻ | വിനില സത്യനേശൻ | മലയാളം | |
| 2011 | വിഷ്ണു | മീനാക്ഷി | കന്നട | |
| 2012 | ഗോഡ്ഫാദർ | സുജാത | കന്നട | ഏറ്റവും നല്ല സഹനടിയ്ക്കുള്ള ഫിലിംഫെയർ അവാർഡ് നാമനിർദ്ദേശം (കന്നട) |
| 2013 | ചമ്മക്ക് ചല്ലോ | സുനൈന | തെലുങ്ക് | |
| 2013 | ഇദ്ദരമ്മായിലതോ/റോമിയോ ആൻഡ് ജൂലിയറ്റ്സ് | ആകാശ | തെലുങ്ക്/മലയാളം | |
| 2013 | പൈസ | നൂർ | തെലുങ്ക് | ചിത്രീകരണം പുരോഗമിക്കുന്നു |
| 2014 | കാളി | തമിഴ് | ചിത്രീകരണം പുരോഗമിക്കുന്നു |
അവലംബങ്ങൾ
- ↑ 1.0 1.1 1.2 "Riding high". The Hindu. Retrieved 7 November 2012.
- ↑ "Catherine, the new girl on the block". nowrunning.com. Retrieved 7 November 2012.
- ↑ 3.0 3.1 "Catherine Exclusive Interview". Retrieved 7 November 2012.
- ↑ 4.0 4.1 "THUNDER THIES CATHERINE IS WONDER TOO!". Retrieved 7 November 2012.
- ↑ "Iddarammayilatho actress Catherine Teresa exclusive interview". Times of India. 17 April 2013. Retrieved 8 September 2013.
- ↑ 6.0 6.1 "Catherine Tresa rocks the bikini look!". Southscope.in. 8 August 2012. Retrieved 8 September 2013.
- ↑ "Catherine Heroine In S Narayan Movie". Retrieved 7 November 2012.
- ↑ "Delectable Catherine again!". Indiaglitz. Retrieved 7 November 2012.
- ↑ "Katherine Teresa replaces Richa Allu Arjun's Iddarammayilatho". Oneindia. Retrieved 7 November 2012.
- ↑ "Iddarammayilatho Telugu movie review highlights". Times of India. 31 May 2013. Retrieved 8 September 2013.