ഇലത്താളം

കേരളത്തിലെ അനുഷ്ഠാനകലകളില്‍ വളരെയധികം ഉപയോഗിച്ചു വരുന്ന ഒരു വാദ്യോപകരണമാണ് ഇലത്താളം. കഥകളി പോലുള്ള കേരളത്തിലെ ക്ഷേത്രകലകളില്‍ ഇലത്താളം ഒരു അവിഭാജ്യ ഘടകമാണ്. തായമ്പകയിലും മറ്റു ചെണ്ടമേളങ്ങളിലും, പഞ്ചവാദ്യത്തിലും മേളക്കൊഴുപ്പിനു വേണ്ടി ഇലത്താളം ഉപയോഗിച്ചു വരുന്നു.

വൃത്താകൃതിയിലുള്ള രണ്ടു ഭാഗങ്ങള്‍ ഉള്ള ഈ വാദ്യം നിര്‍മ്മിച്ചിരിക്കുന്നത് ഓടു കൊണ്ടാണ്. വൃത്തത്തിന്റെ നടുവിലുള്ള സുഷിരത്തിലൂടെ ചരടിട്ടു കെട്ടി ഇരു കൈയിലും പിടിച്ച്, രണ്ടു ഭാഗങ്ങളും കൂട്ടിയിടിച്ചും ഉരസിയുമാണ്‌ ഇലത്താളം വായിക്കുന്നത്.

ഇലത്താളത്തിന്റെ ചെറിയ രൂപം മാര്‍ഗ്ഗംകളി പോലുള്ള രംഗകലകളില്‍ ഉപയോഗിക്കുന്നുണ്ട്.