ഡെകെയ്ൻ

ഇംഗ്ലീഷ് വിലാസം

https://ml.wikipedia.org/wiki/Decane

C₁₀H₂₂ എന്ന രാസസൂത്രമുള്ള ആൽക്കെയ്ൻ ഹൈഡ്രോകാർബണാണ് ഡെകെയ്ൻ. ഇതിന് 75 ഘടനാപരമായ ഐസോമറുകൾ സാധ്യമാണെങ്കിലും, ഈ പേര് സാധാരണയായി CH₃(CH₂)₈CH₃ എന്ന ഘടനാസൂത്രമുള്ള സാധാരണ-ഡെക്കേനിനെ (" n -decane") സൂചിപ്പിക്കുന്നു. എന്നിരുന്നാലും, ഇതിന്റെ എല്ലാ ഐസോമറുകളും സമാന സ്വഭാവസവിശേഷതകൾ പ്രകടിപ്പിക്കുന്നു. ഈ ഐസോമറുകളെല്ലാം കത്തുന്ന ദ്രാവകങ്ങളാണ്. ഗ്യാസോലിൻ (പെട്രോൾ), മണ്ണെണ്ണ എന്നിവയുടെ ഘടകമാണ് ഡെകെയ്ൻ. മറ്റ് ആൽക്കെയ്നുകളെപ്പോലെ, ഇത് ഒരു നോൺ-പോളാർ ലായകമാണ്. വെള്ളത്തിൽ ലയിക്കില്ല, എളുപ്പത്തിൽ കത്തുന്നതുമാണ്. ഇത് ഇന്ധനങ്ങളുടെ ഒരു ഘടകമാണെങ്കിലും, മറ്റ് ആൽക്കെയ്നുകളിൽ നിന്ന് വ്യത്യസ്തമായി ഒരു രാസ ഫീഡ്സ്റ്റോക്ക് എന്ന നിലയിൽ ഇതിന് വലിയ പ്രാധാന്യമില്ല.

പ്രതികരണങ്ങൾ

മറ്റ് ആൽക്കെയ്നുകളെപ്പോലെ ഡെക്കേൻ ജ്വലനത്തിന് വിധേയമാകുന്നു. ധാരാളംഓക്സിജന്റെ സാന്നിധ്യത്തിൽ ഇത് കത്തുകയും ജലവും കാർബൺ ഡൈ ഓക്സൈഡും രൂപപ്പെടുകയും ചെയ്യുന്നു .

2 C₁₀H₂₂ + 31 O₂ → 20 CO₂ + 22 H₂O.

ഓക്സിജൻ കുറഞ്ഞ സാഹചര്യത്തിൽ കത്തുമ്പോൾ, കാർബൺ മോണോക്സൈഡും രൂപം കൊള്ളുന്നു.