മജോറെല്ലെ ഗാർഡൻ

Coordinates: 31°38′34″N 8°00′11″W / 31.64278°N 8.00306°W / 31.64278; -8.00306
വിക്കിപീഡിയ, ഒരു സ്വതന്ത്ര വിജ്ഞാനകോശം.
(Majorelle Garden എന്ന താളിൽ നിന്നും തിരിച്ചുവിട്ടതു പ്രകാരം)
Majorelle Garden
Jardins Majorelle
Majorelle Garden
Map
സ്ഥാപിതം1923
സ്ഥാനംRue Yves Saint Laurent, Gueliz, 40090 Marrakesh, Morocco
നിർദ്ദേശാങ്കം31°38′34″N 8°00′11″W / 31.64278°N 8.00306°W / 31.64278; -8.00306
TypeArt museum, garden
Key holdingsBerber Museum, Musée Yves Saint Laurent
CollectionsBerber art, Islamic art, Haute couture
FounderJacques Majorelle
വെബ്‌വിലാസംhttps://www.jardinmajorelle.com/en/

മൊറോക്കോയിലെ മാരാക്കേച്ചിലെ ഒരു ഹെക്ടർ (രണ്ടേക്കർ) ബൊട്ടാണിക്കൽ ഗാർഡനും കലാകാരന്മാരുടെ ലാൻഡ്സ്കേപ്പ് ഗാർഡനും ആണ് മജോറെല്ലെ ഗാർഡൻ (ഫ്രഞ്ച്: ജാർഡിൻ മജോറെല്ലെ, അറബിക്: حديقة ماجوريل ഹദീഖത് മ്മാജുറിൽ, ബെർബർ ഭാഷകൾ: ⵓⵔⵜⵉ ⵎⴰⵊⵓⵔⵉⵍ urti majuril). ഫ്രഞ്ച് ഓറിയന്റലിസ്റ്റ് കലാകാരനായ ജാക്വസ് മജോറെല്ലെ 1923-ൽ ആരംഭിച്ച് ഏകദേശം നാൽപ്പത് വർഷമെടുത്താണിത് സൃഷ്ടിച്ചത്. കൂടാതെ 1930-കളിൽ ഫ്രഞ്ച് വാസ്തുശില്പിയായ പോൾ സിനോയർ ഒരു ക്യൂബിസ്റ്റ് വില്ലയായി ഇത് രൂപകൽപ്പന ചെയ്തു. 1923 മുതൽ 1950-കളിൽ വിവാഹമോചനം വരെ ഈ സ്വത്ത് കലാകാരന്റെയും ഭാര്യയുടെയും വസതിയായിരുന്നു. 1980-കളിൽ, ഫാഷൻ ഡിസൈനർമാരായ യെവ്സ് സെന്റ് ലോറന്റ്, പിയറി ബെർഗെ എന്നിവർ ഇത് പുനഃസ്ഥാപിക്കുന്നതിനായി പ്രവർത്തിച്ചു. ഇന്ന്, പൂന്തോട്ടവും വില്ല സമുച്ചയവും പൊതുജനങ്ങൾക്കായി തുറന്നിരിക്കുന്നു. വില്ലയിൽ ബെർബർ മ്യൂസിയവും 2017 ൽ സമീപത്തായി യെവ്സ് സെന്റ് ലോറന്റ് മ്യൂസിയവും തുറന്നു.

ചരിത്രം[തിരുത്തുക]

മജോറെല്ലെ ഗാർഡന്റെ കള്ളിച്ചെടി ശേഖരം, പശ്ചാത്തലത്തിൽ വില്ല

ആർട്ട് നോവൗ എബെനിസ്റ്റെ (കാബിനറ്റ് നിർമ്മാതാവ്) നാൻസി ലൂയിസ് മജോറെല്ലിന്റെ മകൻ ഫ്രഞ്ച് കലാകാരനായ ജാക്വസ് മജോറെല്ലെ(1886-1962)യാണ് മജോറെൽ ഗാർഡൻ രൂപകൽപ്പന ചെയ്തത്. ഒരു യുവ ചിത്രകാരൻ എന്ന നിലയിൽ, ഗുരുതരമായ രോഗാവസ്ഥയിൽ നിന്ന് സുഖം പ്രാപിക്കാൻ ജാക്വസ് മജോറെല്ലെ 1917-ൽ മൊറോക്കോയിലേക്ക് പോയി. കാസബ്ലാങ്കയിൽ കുറച്ചുകാലം ചിലവഴിച്ച ശേഷം, അദ്ദേഹം മാരാകേഷിലേക്ക് യാത്ര ചെയ്തു. തന്റെ സമകാലികരെപ്പോലെ, അവിടെ കണ്ടെത്തിയ ഊർജ്ജസ്വലമായ നിറങ്ങളോടും തെരുവ് ജീവിതത്തോടും പ്രണയത്തിലായി. വടക്കേ ആഫ്രിക്കയിലും മെഡിറ്ററേനിയനിലും ചുറ്റി സഞ്ചരിച്ച ശേഷം, ഒടുവിൽ അദ്ദേഹം മാരാക്കേഷിൽ സ്ഥിരതാമസമാക്കാൻ തീരുമാനിച്ചു.[1]

മജോറെൽ അദ്ദേഹത്തിന്റെ ജീവിതകാലത്ത്, പ്രശസ്ത ഓറിയന്റലിസ്റ്റ് ചിത്രകാരൻ എന്ന നിലയിൽ പ്രശസ്തി നേടി. മാരാകേഷിന് ചുറ്റുപാടും ബെർബർ ബേൺ ഹൗസുകളിലും അദ്ദേഹം കണ്ട നിറമുള്ള ടൈലുകളിൽ നിന്ന് പ്രചോദനം ഉൾക്കൊണ്ട് ബോൾഡ് കോബാൾട്ട് നീലയുടെ പ്രത്യേക ഷേഡ് പൂന്തോട്ടത്തിലും അതിന്റെ കെട്ടിടങ്ങളിലും വ്യാപകമായി ഉപയോഗിച്ചു. അദ്ദേഹത്തിന്റെ പേരിലാണ് ബ്ലൂ മജോറെല്ലെ - മജോറെല്ലെ ബ്ലൂ അറിയപ്പെടുന്നത്.[2][3] മരിക്കുന്നതിന് മുമ്പ് മജോറെൽ തന്റെ പേരിലുള്ള നിറത്തിന് പേറ്റന്റ് നേടി.

1923-ൽ, ആന്ദ്രേ ലോംഗ്‌വില്ലുമായുള്ള വിവാഹം കഴിഞ്ഞ് വെറും നാല് വർഷത്തിന് ശേഷം, മജോറെൽ മരാക്കേച്ചിലെ ഒരു ഈന്തപ്പനത്തോട്ടത്തിന്റെ അതിർത്തിയിൽ സ്ഥിതി ചെയ്യുന്ന നാലേക്കർ സ്ഥലം വാങ്ങി മൂറോക്കൻ ശൈലിയിൽ ഒരു വീട് പണിതു. 1931-ൽ, പ്രോപ്പർട്ടിക്കായി ഒരു ക്യൂബിസ്റ്റ് വില്ല രൂപകൽപ്പന ചെയ്യാൻ അദ്ദേഹം ആർക്കിടെക്റ്റ് പോൾ സിനോയറിനെ ചുമതലപ്പെടുത്തി. ക്രമേണ, അദ്ദേഹം കൂടുതൽ ഭൂമി വാങ്ങി. തന്റെ കൈവശം 10 ഏക്കറോളം ആക്കി. വസതിക്ക് ചുറ്റുമുള്ള മൈതാനത്ത്, മജോറെൽ ഒരു ആഡംബര പൂന്തോട്ടം നട്ടുപിടിപ്പിക്കാൻ തുടങ്ങി. അത് ജാർഡിൻസ് മജോറെല്ലെ (മജോറെല്ലെ ഗാർഡൻ) എന്നറിയപ്പെടുന്നു. പൂന്തോട്ടം അദ്ദേഹത്തിന്റെ ജീവിത വേലയായിത്തീർന്നു. ഏകദേശം നാൽപ്പത് വർഷത്തോളം അദ്ദേഹം അതിന്റെ വികസനത്തിനായി സ്വയം സമർപ്പിച്ചു.[4]

പൂന്തോട്ടത്തിന്റെ നടത്തിപ്പിന് ചെലവേറിയതായി തെളിഞ്ഞു, 1947-ൽ മജോറെൽ അറ്റകുറ്റപ്പണികളുടെ ചെലവ് കുറയ്ക്കാൻ രൂപകൽപ്പന ചെയ്ത പ്രവേശന ഫീസ് ഉപയോഗിച്ച് പൂന്തോട്ടം പൊതുജനങ്ങൾക്കായി തുറന്നുകൊടുത്തു.[5] ചില സമയങ്ങളിൽ, പൂന്തോട്ടത്തിന് ധനസഹായത്തിനായി അദ്ദേഹം ഭൂമിത്തുണ്ട്‌ വിറ്റു. 1950-കളിലെ വിവാഹമോചനത്തെത്തുടർന്ന്, വീടും സ്ഥലവും വിൽക്കാൻ മജോറെൽ നിർബന്ധിതനായി. ഇതിനുശേഷം തോട്ടം അവഗണനയിലാകുകയും ജീർണാവസ്ഥയിലാവുകയും ചെയ്തു. 1980-കളിൽ ഫാഷൻ ഡിസൈനർമാരായ യെവ്സ് സെന്റ് ലോറന്റും പിയറി ബെർഗെയും ചേർന്ന് പൂന്തോട്ടവും വില്ലയും വീണ്ടും കണ്ടെത്തി. അവർ അത് പുനഃസ്ഥാപിക്കാനും സംരക്ഷിക്കാനും തുടങ്ങി.[6] 2008 വരെ വില്ല ഈ ജോഡിയുടെ ഉടമസ്ഥതയിലായിരുന്നു. 2008-ൽ യെവ്സ് സെന്റ് ലോറന്റ് മരിച്ചതിനുശേഷം അദ്ദേഹത്തിന്റെ ചിതാഭസ്മം മജോറെൽ ഗാർഡനിൽ വിതറി.[7]

2010 മുതൽ, പ്രോപ്പർട്ടി ഫൗണ്ടേഷൻ പിയറി ബെർഗെ - യെവ്സ് സെന്റ് ലോറന്റ്-ന്റെ ഉടമസ്ഥതയിലാണ്. ലാഭേച്ഛയില്ലാതെ പ്രവർത്തിക്കുന്ന ഒരു ഫ്രഞ്ച് സ്ഥാപനമാണിത്. 2011 മുതൽ ഇത് കൈകാര്യം ചെയ്യുന്നത് മാരാകേഷിലെ ഒരു അംഗീകൃത ലാഭേച്ഛയില്ലാത്ത സംഘടനയായ ജാർഡിൻ മജോറെല്ലെ ആണ്.[8] 2017 സെപ്റ്റംബറിൽ മരിക്കുന്നത് വരെ പിയറി ബെർഗെ ഗാർഡൻസ് ഫൗണ്ടേഷന്റെ ഡയറക്ടറായിരുന്നു.[9]

An example of Majorelle Blue from the house in the garden

പൂന്തോട്ടങ്ങളും മ്യൂസിയങ്ങളും[തിരുത്തുക]

പൂന്തോട്ടങ്ങളും കെട്ടിടങ്ങളും ഒരു സമുച്ചയമായി മാറുന്നു. അവിടെ പ്രത്യേക കെട്ടിടങ്ങൾ വിവിധ മ്യൂസിയങ്ങൾക്കും സന്ദർശകർക്ക് താൽപ്പര്യമുള്ള പ്രദർശനങ്ങൾക്കും സമർപ്പിക്കുന്നു. രണ്ടര ഏക്കർ വിസ്തൃതിയുള്ള പൂന്തോട്ടത്തിൽ ദിവസവും പൊതുജനങ്ങൾക്കായി തുറന്നിരിക്കുന്നു കൂടാതെ കള്ളിച്ചെടികളുടെയും ശിൽപങ്ങളുടെയും ഒരു പ്രധാന ശേഖരം ഇവിടെ ഉണ്ട്.

മജോറെല്ലിന്റെ മുൻ സ്റ്റുഡിയോ വർക്ക്‌ഷോപ്പിൽ മുമ്പ് മാരാകേഷിലെ ഇസ്ലാമിക് ആർട്ട് മ്യൂസിയം ഉണ്ടായിരുന്നു. അതിൽ സെന്റ്-ലോറന്റിന്റെ വ്യക്തിഗത ശേഖരത്തിൽ നിന്നുള്ള വടക്കേ ആഫ്രിക്കൻ തുണിത്തരങ്ങളുടെ ഒരു ശേഖരവും സെറാമിക്‌സ്, ആഭരണങ്ങൾ എന്നിവ ഉൾപ്പെടുന്നു.[10] എന്നിരുന്നാലും, 2011 മുതൽ, ഇപ്പോൾ ബെർബർ മ്യൂസിയത്തിന്റെ (മ്യൂസി പിയറി ബെർഗെ ഡെസ് ആർട്സ് ബെർബെറെസ്) ആസ്ഥാനമായ വില്ലയിൽ അമസിഗ് (ബെർബർ) സംസ്കാരത്തിന്റെ വസ്തുക്കൾ പ്രദർശിപ്പിച്ചിരിക്കുന്നു.[11][12] മജോറെല്ലെയുടെ പെയിന്റിംഗുകളുടെ ഒരു ശേഖരവും വില്ലയിലുണ്ട്.[13]

പൂന്തോട്ട സമുച്ചയത്തിന്റെ വികസനം നടന്നുകൊണ്ടിരിക്കുകയാണ്. പൂന്തോട്ടത്തിൽ നിന്നുള്ള ലാഭം പുതിയ പദ്ധതികൾക്കായി ഉപയോഗിക്കുന്നു. 2017 ഒക്ടോബറിൽ, ഡിസൈനറുടെ പൈതൃകത്തിനും മാരാക്കേച്ചുമായുള്ള ബന്ധത്തിനും സ്മരണാഞ്ജലിയായി യെവ്സ് സെന്റ് ലോറന്റ് മ്യൂസിയം പൊതുജനങ്ങൾക്കായി തുറന്നുകൊടുത്തു. [14] മാരാക്കേച്ചിലെ ഒരു പ്രധാന ടൂറിസ്റ്റ് ഡ്രോകാർഡായ പൂന്തോട്ടങ്ങൾ പ്രതിവർഷം 700,000 സന്ദർശകരെ ആകർഷിക്കുന്നു. [15]ഈ ഉദ്യാനത്തിൽ വടക്കേ ആഫ്രിക്കയിൽ മാത്രം കാണപ്പെടുന്ന 15-ലധികം പക്ഷികൾ ഉണ്ട്. ഇവിടെ ധാരാളം ജലധാരകളും കള്ളിച്ചെടികളുടെ ശ്രദ്ധേയമായ ശേഖരവുമുണ്ട്.[2]

Gallery[തിരുത്തുക]

അവലംബം[തിരുത്തുക]

  1. ↑ Marcilhac, F., La Vie et l'Oeuvre de Jacques Majorelle: 1886-1962, [The Orientalists Volume 7], ARC Internationale edition, 1988, pp 11-12
  2. ↑ 2.0 2.1 "Painters I Should Have Known About (007) Jacques Majorelle". Articles & Texticles. 2007. Archived from the original on 2 September 2007. Retrieved 28 March 2016.
  3. ↑ "Jacques Majorelle". The Painter's Keys. 18 November 2003. Archived from the original on November 22, 2008. Retrieved 13 August 2008.
  4. ↑ Jardin Majorelle, Biography- Jacques Majorelle, Online: http://jardinmajorelle.com/ang/jacques-majorelle-in-morocco/ Archived 2019-03-03 at the Wayback Machine.
  5. ↑ "Jacques Majorelle," Atlas Elite Magazine International, 10 July 2017, p. 8
  6. ↑ "Responses to "Jacques Majorelle" November 18, 2003". web.archive.org. 2008-11-22. Archived from the original on 2008-11-22. Retrieved 2022-09-09.
  7. ↑ "Love 1936-2008". Fondation Pierre Bergé - Yves Saint Laurent. 2008. Retrieved 2011-10-27.
  8. ↑ Foundation Jardin Majorelle, Online: http://jardinmajorelle.com/ang/fondation-jardin-majorelle/ Archived 2019-02-26 at the Wayback Machine.
  9. ↑ "Pierre Bergé obituary". the Guardian (in ഇംഗ്ലീഷ്). 2017-09-10. Retrieved 2022-09-09.
  10. ↑ M. Bloom, Jonathan; S. Blair, Sheila, eds. (2009). "Marrakesh". The Grove Encyclopedia of Islamic Art and Architecture. Oxford University Press. ISBN 9780195309911.
  11. ↑ "MUSÉE PIERRE BERGÉ DES ARTS BERBÈRES – Jardin Majorelle". www.jardinmajorelle.com. Retrieved 2021-02-27.
  12. ↑ "Majorelle Gardens". Archnet. Retrieved 2021-02-27.
  13. ↑ Foundation Jardin Majorelle, Le Cahiers de Musee Berbere, [English version], 2017
  14. ↑ Pang, Jeanine Celeste (2017-08-21). "In Marrakesh, a New Museum Celebrates Yves Saint Laurent". The New York Times (in അമേരിക്കൻ ഇംഗ്ലീഷ്). ISSN 0362-4331. Retrieved 2022-09-09.
  15. ↑ Foundation Jardin Majorelle, Online: http://jardinmajorelle.com/ang/fondation-jardin-majorelle/ Archived 2019-02-26 at the Wayback Machine.

External links[തിരുത്തുക]

മജോറെല്ലെ ഗാർഡൻ എന്ന വിഷയവുമായി ബന്ധപ്പെട്ട ചിത്രങ്ങൾ വിക്കിമീഡിയ കോമൺസിലുണ്ട്.


"https://ml.wikipedia.org/w/index.php?title=മജോറെല്ലെ_ഗാർഡൻ&oldid=3820225" എന്ന താളിൽനിന്ന് ശേഖരിച്ചത്