കഴുത (ചീട്ടുകളി)
 | |
| മറ്റു പേരുകൾ | ആസ് |
|---|---|
| തരം | ചീട്ടൊഴിവാക്കൽ |
| കളിക്കാർ | 2+ |
| ചീട്ടുകളുടെ എണ്ണം | 52 |
| ചീട്ടിന്റെ തരം | ആംഗ്ലോ അമേരിക്കൻ |
| കളിദിശ | പ്രദക്ഷിണദിശ |
തെക്കെ ഇന്ത്യയിൽ പ്രചാരത്തിലുള്ള ഒരു ചീട്ടുകളിയാണ് കഴുത അല്ലെങ്കിൽ ആസ്. കുറഞ്ഞത് രണ്ടും കൂടിയത് 13 ഉം കളിക്കാർക്ക് ഇതിൽ പങ്കെടുക്കാം.
ഉപയോഗിക്കുന്ന ചീട്ടുകളും വിലയും
[തിരുത്തുക]ഒരു പെട്ടിയിലുള്ള 52 കാർഡുകളും ഈ കളിയിൽ ഉപയോഗിക്കുന്നു. കഴുത കളിയിൽ ചീട്ടിന്റെ മൂല്യം അവരോഹണക്രമത്തിൽ ഇങ്ങനെയാണ്. എയ്സ്, രാജാവ്, റാണി, ഗുലാൻ, 10, 9, 8, 7, 6, 5, 4, 3, 2.
ചീട്ടുപങ്കിടൽ
[തിരുത്തുക]52 കാർഡുകളും കശക്കി, ഒരാൾക്ക് ഒരു സമയം ഒരു കാർഡ് എന്ന രീതിയിൽ മൊത്തം തീരുന്നതുവരെ എല്ലാവർക്കുമായി വിതരണം ചെയ്യുന്നു.
കളി
[തിരുത്തുക]
സ്പെയ്ഡ് എയ്സ് കയ്യിലുള്ള കളിക്കാരൻ, അതോ വേറെ ഇഷ്ടമുള്ള ചീട്ടോയിട്ട് കളി തുടങ്ങുന്നു. മൂല്യം കാണുന്ന രീതിയിലാണ് കാർഡ് വയ്ക്കുന്നത്. മറ്റു കളിക്കാർ അതേ ചിഹ്നത്തിലുള്ള കാർഡുകൾ വയ്ക്കുന്നു.
വെട്ടൽ
[തിരുത്തുക]ആ ചിഹ്നം കയ്യിലില്ലാത്ത ആൾ മറ്റൊരു ചിഹ്നം വച്ചു കൊണ്ട് വെട്ടുന്നു. ഏറ്റവും മൂല്യമുള്ള കാർഡ് ഇട്ടയാൾ എല്ലാ കാർഡുകളും വാങ്ങണം. ആരും വെട്ടിയില്ലെങ്കിൽ ആ വട്ടം പൂർത്തിയായി ചീട്ടു മാറ്റുന്നു.
പരാജയം
[തിരുത്തുക]ചീട്ടുകൾ മുഴുവൻ തീരുന്ന മുറയ്ക്ക് കളിക്കാർ ജയിക്കുന്നു. ഏറ്റവും അവസാനം ചീട്ട് കൈയിലുള്ള ആൾ പരാജിതനാകുന്നു.
|
കളികളുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |