കഴുത (ചീട്ടുകളി)

വിക്കിപീഡിയ, ഒരു സ്വതന്ത്ര വിജ്ഞാനകോശം.
കഴുത
മറ്റു പേരുകൾആസ്
തരംചീട്ടൊഴിവാക്കൽ
കളിക്കാർ2+
ചീട്ടുകളുടെ എണ്ണം52
ചീട്ടിന്റെ തരംആംഗ്ലോ അമേരിക്കൻ
കളിദിശപ്രദക്ഷിണദിശ

തെക്കെ ഇന്ത്യയിൽ പ്രചാരത്തിലുള്ള ഒരു ചീട്ടുകളിയാണ് കഴുത അല്ലെങ്കിൽ ആസ്. കുറഞ്ഞത് രണ്ടും കൂടിയത് 13 ഉം കളിക്കാർക്ക് ഇതിൽ പങ്കെടുക്കാം.

ഉപയോഗിക്കുന്ന ചീട്ടുകളും വിലയും[തിരുത്തുക]

ഒരു പെട്ടിയിലുള്ള 52 കാർഡുകളും ഈ കളിയിൽ ഉപയോഗിക്കുന്നു. കഴുത കളിയിൽ ചീട്ടിന്റെ മൂല്യം അവരോഹണക്രമത്തിൽ ഇങ്ങനെയാണ്. എയ്സ്, രാജാവ്, റാണി, ഗുലാൻ, 10, 9, 8, 7, 6, 5, 4, 3, 2.

ചീട്ടുപങ്കിടൽ[തിരുത്തുക]

52 കാർഡുകളും കശക്കി, ഒരാൾക്ക് ഒരു സമയം ഒരു കാർഡ് എന്ന രീതിയിൽ മൊത്തം തീരുന്നതുവരെ എല്ലാവർക്കുമായി വിതരണം ചെയ്യുന്നു.

കളി[തിരുത്തുക]

സ്പെയ്ഡ് എയ്സ്

സ്പെയ്ഡ് എയ്സ് കയ്യിലുള്ള കളിക്കാരൻ, അതോ വേറെ ഇഷ്ടമുള്ള ചീട്ടോയിട്ട് കളി തുടങ്ങുന്നു. മൂല്യം കാണുന്ന രീതിയിലാണ് കാർഡ് വയ്ക്കുന്നത്. മറ്റു കളിക്കാർ അതേ ചിഹ്നത്തിലുള്ള കാർഡുകൾ വയ്ക്കുന്നു.

വെട്ടൽ[തിരുത്തുക]

ആ ചിഹ്നം കയ്യിലില്ലാത്ത ആൾ മറ്റൊരു ചിഹ്നം വച്ചു കൊണ്ട് വെട്ടുന്നു. ഏറ്റവും മൂല്യമുള്ള കാർഡ് ഇട്ടയാൾ എല്ലാ കാർഡുകളും വാങ്ങണം. ആരും വെട്ടിയില്ലെങ്കിൽ ആ വട്ടം പൂർത്തിയായി ചീട്ടു മാറ്റുന്നു.

പരാജയം[തിരുത്തുക]

ചീട്ടുകൾ മുഴുവൻ തീരുന്ന മുറയ്ക്ക് കളിക്കാർ ജയിക്കുന്നു. ഏറ്റവും അവസാനം ചീട്ട് കൈയിലുള്ള ആൾ പരാജിതനാകുന്നു.

"https://ml.wikipedia.org/w/index.php?title=കഴുത_(ചീട്ടുകളി)&oldid=2910685" എന്ന താളിൽനിന്ന് ശേഖരിച്ചത്