ഹുസേനി

കർണ്ണാടക സംഗീതത്തിലെ ഇരുപത്തിരണ്ടാം മേളകർത്താരാഗമായ ഖരഹരപ്രിയയുടെ ജന്യരാഗമാണ് ഹുസേനി. കഥകളി സംഗീതത്തിൽ ഈ രാഗം ഉശേനി എന്ന പേരിൽ പ്രചാരം നേടിയിട്ടുണ്ട്. സ്നേഹം, വാത്സല്യം, ദീനാനുകമ്പ തുടങ്ങി വിവിധഭാവങ്ങൾ പ്രകാശിപ്പിക്കാൻ ഈ രാഗം ഉപയോഗിയ്ക്കുന്നു. ഉത്തരാസ്വയംവരം ആട്ടക്കഥയിലെ വല്ലഭ, ശൃണു വചനം എന്നു തുടങ്ങുന്ന പദം ഹുസേനി രാഗത്തിൽ ചിട്ടപ്പെടുത്തിയതാണ്.

ആരോഹണം

സരിഗമപനിധനിസ

അവരോഹണം

സനിധപമഗരിസ

പ്രശസ്തമായ ചില കൃതികൾ

• രാമാ നിന്നേ നമ്മിനാനു
• ശ്രീരാമചന്ദ്ര....
• ശ്രീകാളഹസ്തീശ...
• ശ്രീരഘുകുല...

എന്തു ചെയ്യാവൂ സഖി എന്ന സ്വാതി തിരുനാളിന്റെ പദം ഈ രാഗത്തിൽ ചിട്ടപ്പെടുത്തിയതാണ്.

പുറത്തേക്കുള്ള കണ്ണികൾ

• ഐശ്വര്യ വിദ്യ രഘുനാഥ് ആലപിച്ച ഹുസേനി രാഗത്തിലുള്ള ത്യാഗരാജകൃതി, രാമാ നിന്നേ നമ്മിനാനു