ഹിൽഡ സാച്ച്സ്

ഇംഗ്ലീഷ് വിലാസം

https://ml.wikipedia.org/wiki/Hilda_Sachs

ഹിൽഡ ഗുസ്താഫ്വ സാച്ച്സ്
ജനനം	(1857-03-13)മാർച്ച് 13, 1857 നോർകോപ്പിംഗ്, Österglandtland, സ്വീഡൻ
മരണം	ഫെബ്രുവരി 26, 1935(1935-02-26) (പ്രായം 77)
ദേശീയത	സ്വീഡിഷ്
കലാലയം	റോയൽ സെമിനാരി
ജീവിതപങ്കാളി(കൾ)	കാൾ ഫ്രെഡ്രിക് സാച്ച്സ്
Elected	Board of Directors, National Association for Women's Suffrage (Sweden), 1912–1921

സ്വീഡിഷ് പത്രപ്രവർത്തകയും പരിഭാഷകയും എഴുത്തുകാരിയും ഫെമിനിസ്റ്റുമായിരുന്നു ഹിൽഡ ഗുസ്താഫ്വ സാച്ച്സ് (ജീവിതകാലം,13 മാർച്ച് 1857, നോർകോപ്പിംഗ് - 26 ഫെബ്രുവരി 1935).

ഹിൽഡ സാച്ച്സ് നോർകോപ്പിംഗിലെ വ്യാപാരിയായിരുന്ന ജോഹാൻ ഗുസ്താഫ് എങ്‌സ്ട്രോമിന്റെയും ഗുസ്താഫ്വ അഗസ്റ്റ ഗുസ്താഫ്‌സന്റെയും മകളായിരുന്നു. നാട്ടിൻപുറങ്ങളിൽ ഒരു ഗൃഹാദ്ധ്യാപികയായി അവർ കുറച്ചുകാലം ജോലിചെയ്തു. 1878–1881 ൽ സ്റ്റോക്ക്ഹോമിലെ ഹെഗ്രെ ലെറിനിനെസെമിനാരിയറ്റിൽ പഠനം നടത്തി. തുടർന്ന് അദ്ധ്യാപനത്തിലേക്ക് മടങ്ങി. 1886-ൽ അവർ ജൂത ഫ്ലോറിസ്റ്റ് കാൾ ഫ്രെഡ്രിക് സാച്ചിനെ (1860–1893) വിവാഹം കഴിച്ചു.

തന്നെയും മക്കളെയും പിന്തുണയ്ക്കുന്നതിനായി 1893-ൽ ജീവിതപങ്കാളിയുടെ മരണശേഷം ഒരു പത്രപ്രവർത്തകയായി ഔദ്യോഗിക ജീവിതം ആരംഭിച്ച അവർ 1895 മുതൽ 1920 വരെ ഡിഎൻ, നിയാ ഡാഗ്ലിറ്റ് അല്ലെഹണ്ട, എസ്‌വിഡി, സ്റ്റോക്ക്ഹോംസ്ബ്ലാഡെറ്റ് തുടങ്ങി നിരവധി പത്രങ്ങൾക്കായി റിപ്പോർട്ട് ചെയ്തു. 1899 ൽ റോമിൽ നടന്ന അന്താരാഷ്ട്ര ജേണലിസ്റ്റ് കോൺഫറൻസിൽ പ്രതിനിധിയായി പങ്കെടുത്ത ആദ്യവനിതയായിരുന്ന അവർ അവിടെ സ്വീഡിഷ് പേപ്പർ എൻ‌ഡി‌എയെ പ്രതിനിധീകരിച്ചു. 1902-ൽ നാഷണൽ അസോസിയേഷൻ ഫോർ വിമൻസ് സഫറേജ് സ്ഥാപകരിലൊരാളായ അവർ 1912-1921 ൽ അവിടെ ബോർഡ് അംഗമായിരുന്നു.

അവലംബം

• http://www.ub.gu.se/kvinn/portaler/arbete/biografier/
• Hilda G Sachs, urn:sbl:6305, Svenskt biografiskt lexikon (art av Ellinor Melander), hämtad 2015-01-02.

കൂടുതൽ വായനയ്ക്ക്

• ഹിൽഡ സാച്ച്സ് at Svenskt kvinnobiografiskt lexikon