സുൽത്താൻ അൽ നിയാദി
| ലിംഗം | പുരുഷൻ  |
|---|---|
| പൗരത്വം | ഐക്യ അറബ് എമിറേറ്റുകൾ |
| മാതൃഭാഷയിൽ ഉള്ള പേര് | سلطان سيف النيادي المنصوري |
| ജനിച്ച തീയതി | 23 മേയ് 1981 |
| ജന്മസ്ഥലം | അബുദാബി |
| തൊഴിൽ | ബഹിരാകാശസഞ്ചാരി |
| പഠിച്ച വിദ്യാഭ്യാസസ്ഥാപനങ്ങൾ | ബ്രിംഗ്ടണ്‍ സര്‍വകലാശാല, ഗ്രിഫിത്ത് സര്‍വകലാശാല |
| Astronaut mission | സ്പേസ് എക്സ് ക്രൂ-6 |
| Member of the crew of | സ്പേസ് എക്സ് ക്രൂ-6, Expedition 68, Expedition 69 |
ഐക്യ അറബ് എമിറേറ്റിൽ നിന്നുള്ള ആദ്യത്തെ രണ്ട് ബഹിരാകാശ സഞ്ചാരികളിൽ ഒരാളാണ് സുൽത്താൻ അൽ നെയാദി ( അറബി: سلطان النيادي ) , ഹസ്സ അൽ മൻസൂരി ക്ക് ശേഷം ബഹിരാകാശത്തേക്ക് പോകുന്ന യാത്രികനാണ്.
കുട്ടിക്കാലം
[തിരുത്തുക]അൽ ഐനിലെ പ്രദേശമായ ഉം ഗാഫയിലാണ് സുൽത്താൻ അൽ നിയാദി ജനിച്ചത്. കുട്ടിക്കാലം വലിയുപ്പയുടെ വീട്ടിലായിരുന്നു. ഉം ഗഫ പ്രൈമറി ബോയ്സ് സ്കൂളിലും ഉം ഗഫ സെക്കൻഡറി സ്കൂളിലും പോയി. പിതാവ് യുഎഇ സായുധ സേനയിൽ സേവനമനുഷ്ഠിച്ചു. [1]
വിദ്യാഭ്യാസവും തൊഴിലും
[തിരുത്തുക]ഹൈസ്കൂൾ പഠനത്തിനു ശേഷം സുൽത്താൻ യുഎഇ സായുധ സേനയിൽ ചേർന്നു. ബ്രിട്ടനിൽ ബ്രൈറ്റൺ യൂണിവേഴ്സിറ്റിയിൽ പഠിച്ച ഇദ്ദേഹം, അവിടെ 2004 ൽ ഇലക്ട്രോണിക്സ് ആൻഡ് കമ്മ്യൂണിക്കേഷൻസ് എഞ്ചിനീയറിംഗിൽ ബിഎസ്സി (ഓണേഴ്സ്) നേടി.
യു.എ.ഇയിൽ തിരിച്ചെത്തിയ ശേഷം സായിദ് മിലിട്ടറി കോളേജിൽ ഒരു വർഷം പഠിച്ചു. കമ്മ്യൂണിക്കേഷൻസ് എഞ്ചിനീയറായി യുഎഇ സായുധ സേനയിൽ ജോലി ചെയ്തിട്ടുണ്ട്.
2008-ൽ അദ്ദേഹം ഓസ്‌ട്രേലിയയിൽ പോയി ഗ്രിഫിത്ത് യൂണിവേഴ്സിറ്റിയിൽ നിന്ന് ഇൻഫർമേഷൻ ആന്റ് നെറ്റ്‌വർക്ക് സെക്യൂരിറ്റിയിൽ ബിരുദാനന്തര ബിരുദം നേടി. [2]
ബഹിരാകാശയാത്രിക ജീവിതം
[തിരുത്തുക]യുഎഇയിലെയും റഷ്യയിലെയും മാനസികവും ശാരീരികവുമായ പരിശോധനകൾക്ക് ശേഷം, ആദ്യത്തെ എമിറാത്തി ബഹിരാകാശ സഞ്ചാരിയാകാൻ 4,022 ഉദ്യോഗാർത്ഥികളിൽ നിന്ന് തിരഞ്ഞെടുത്ത രണ്ട് പേരിൽ ഒരാളാണ് അൽ നിയാദി. [3] മുഹമ്മദ് ബിൻ റാഷിദ് ബഹിരാകാശ കേന്ദ്രത്തിലെ യുഎഇ ആസ്ട്രോനട്ട് പ്രോഗ്രാമിലൂടെയാണ് അദ്ദേഹം പോയത്.
2018 സെപ്റ്റംബർ 3 ന് യുഎഇ പ്രധാനമന്ത്രി മുഹമ്മദ് ബിൻ റാഷിദ് അൽ മക്തൂം ട്വീറ്റ് ചെയ്തു: "ഞങ്ങളുടെ ആദ്യ ബഹിരാകാശയാത്രികരെ അന്താരാഷ്ട്ര ബഹിരാകാശ നിലയത്തിലേക്ക് ഞങ്ങൾ ഇന്ന് പ്രഖ്യാപിച്ചു: ഹസ്സ അൽ മൻസൂരിയും സുൽത്താൻ അൽ നയാദിയും. ഹസ്സയും സുൽത്താനും എല്ലാ യുവ അറബികളെയും പ്രതിനിധീകരിക്കുകയും യുഎഇയുടെ അഭിലാഷങ്ങളുടെ പരകോടിയെ പ്രതിനിധീകരിക്കുകയും ചെയ്യുന്നു." [4]
റഫറൻസുകൾ
[തിരുത്തുക]- ↑ "Sultan Saif ALNEYADI". Retrieved Aug 3, 2022.
- ↑ "UAE's Sultan Al Neyadi to be first Arab astronaut to spend 6 months on ISS". Retrieved Aug 3, 2022.
- ↑ "More than 4,000 Emiratis apply to become UAE's first astronaut".
- ↑ "Sheikh Mohammed announcing Sultan as one of the first two Emirati astronauts".