സരോജിനി നായിഡു മെഡിക്കൽ കോളേജ്

Coordinates: 27°11′13″N 78°00′23″E / 27.18694°N 78.00639°E / 27.18694; 78.00639
വിക്കിപീഡിയ, ഒരു സ്വതന്ത്ര വിജ്ഞാനകോശം.
സരോജിനി നായിഡു മെഡിക്കൽ കോളേജ്
പ്രമാണം:Sarojini Naidu Medical College Logo.jpg
ആദർശസൂക്തംLIVE TO SERVE
തരംState Medical College
സ്ഥാപിതം1854
അക്കാദമിക ബന്ധം
പ്രധാനാദ്ധ്യാപക(ൻ)Prof. (Dr.) Prashant Gupta
സ്ഥലംAgra, Uttar Pradesh, India
27°11′13″N 78°00′23″E / 27.18694°N 78.00639°E / 27.18694; 78.00639
ക്യാമ്പസ്Urban
കായിക വിളിപ്പേര്SNMC
വെബ്‌സൈറ്റ്www.snmcagra.in

 

സരോജിനി നായിഡു മെഡിക്കൽ കോളേജ് (SNMC), ഇന്ത്യയിലെ ഏറ്റവും പഴയ മെഡിക്കൽ വിദ്യാലയങ്ങളിൽ ഒന്നാണ്. ഉത്തർപ്രദേശിലെ ആഗ്രയിലാണ് ഇത് സ്ഥിതി ചെയ്യുന്നത്. ഉത്തർപ്രദേശിലെ പ്രഥമ വനിതയും ഗവർണസും കവിയും സ്വാതന്ത്ര്യ സമര സേനാനിയുമായിരുന്ന ഭരത് കോകില ശ്രീമതി സരോജിനി നായിഡുവിന്റെ പേരിലാണ് ഇത് അറിയപ്പെടുന്നത്. കോളേജിനോട് അനുബന്ധിച്ച് സരോജിനി നായിഡു ഹോസ്പിറ്റൽ എന്ന് പേരിട്ടിരിക്കുന്ന ആശുപത്രിയുമുണ്ട്.

ചരിത്രം[തിരുത്തുക]

ബ്രിട്ടീഷ് സാമ്രാജ്യത്തിന്റെ ഭരണകാലത്ത്, 1854-ൽ ബ്രിട്ടീഷ് സൈനിക ഡോക്ടർമാരുടെ പരിശീലനത്തിനായി എസ്എൻ മെഡിക്കൽ കോളേജ് സ്ഥാപിതമായി. എസ്എൻ മെഡിക്കൽ കോളേജിന്റെ പേര് യഥാർത്ഥത്തിൽ തോംസൺ സ്കൂൾ എന്നായിരുന്നു, കോളേജിന്റെ സ്ഥാപകനായ ലെഫ്റ്റനന്റ് ഗവർണർ സർ ജെയിംസ് തോംസന്റെ പേരിലാണ് ഇത് അറിയപ്പെടുന്നത്. സ്കൂൾ സ്ഥാപിക്കുന്നതിനുള്ള പദ്ധതികൾ തയ്യാറാക്കിയത് ബ്രിട്ടീഷ് ഈസ്റ്റ് ഇന്ത്യാ കമ്പനിയാണ്; അറ്റകുറ്റപ്പണി ചെലവും അവർ വഹിച്ചു. മെഡിക്കൽ സ്കൂളിനോട് ചേർന്നുള്ള ആശുപത്രി തോംസൺ ഹോസ്പിറ്റൽ എന്നാണ് അറിയപ്പെട്ടിരുന്നത്.

1857-ൽ തോംസൺ സ്കൂളിൽ നിന്ന് ഇന്ത്യൻ ഡോക്ടർമാരുടെ ആദ്യ ബാച്ച് പാസായി. 1854 മുതൽ 1858 വരെ സ്‌കൂളിന്റെ ആദ്യത്തെ പ്രിൻസിപ്പൽ സർജൻ ജോൺ മുറേ ആയിരുന്നു. 1872 മുതൽ സിവിലിയൻ വിദ്യാർത്ഥികളും എൽഎംപി കോഴ്‌സിലേക്ക് പ്രവേശനം നേടിയിരുന്നു, ഇത് പിന്നീട് ഉത്തർപ്രദേശ് സ്റ്റേറ്റ് മെഡിക്കൽ ഫാക്കൽറ്റി എൽഎസ്എംഎഫാക്കി മാറ്റി. 1883-ൽ ലേഡി ലിയാൽ ഡ്യുവെറിൻ ഹോസ്പിറ്റൽ വിദ്യാർത്ഥികളുടെ മെഡിക്കൽ പരിശീലനത്തിനായി ഒരു പ്രത്യേക വിഭാഗമായി സ്ഥാപിച്ചു. വനിതാ ഡോക്ടർമാരുടെ ആദ്യ ബാച്ച് 1886-ൽ പാസായി.

യുണൈറ്റഡ് പ്രവിശ്യകളിലെ ഡോക്ടർമാരുടെ വർദ്ധിച്ചുവരുന്ന ആവശ്യം നിറവേറ്റുന്നതിനായി 1939-ൽ ആഗ്ര മെഡിക്കൽ സ്കൂൾ ഒരു സമ്പൂർണ മെഡിക്കൽ കോളേജായി ഉയർത്തപ്പെട്ടു. എംബിബിഎസിന്റെ ആദ്യ ബാച്ച് 1944-ൽ ബിരുദം നേടി. ആഗ്ര സർവകലാശാല ആയിരുന്നു ബിരുദത്തിന് അംഗീകാരം നൽകിയത്. 1947-ൽ ഉത്തർപ്രദേശിലെ പ്രഥമ വനിത ഗവർണസും കവിയും സ്വാതന്ത്ര്യ സമര സേനാനിയുമായ ഭരത് കോകിലയുടെ പേരിൽ മെഡിക്കൽ സ്കൂളിന്റെ പേര് സരോജിനി നായിഡു മെഡിക്കൽ കോളേജ് എന്നാക്കി മാറ്റി. അതോടൊപ്പം തോംസൺ ഹോസ്പിറ്റലിന്റെ പേര് സരോജിനി നായിഡു ഹോസ്പിറ്റൽ എന്ന് പുനർനാമകരണം ചെയ്തു. 1948 ൽ എസ്എൻ മെഡിക്കൽ കോളേജിനെ മെഡിക്കൽ കൗൺസിൽ ഓഫ് ഇന്ത്യയും ജനറൽ മെഡിക്കൽ കൗൺസിൽ ഓഫ് ഗ്രേറ്റ് ബ്രിട്ടനും അംഗീകരിച്ചു.

കോഴ്സുകൾ[തിരുത്തുക]

ബിരുദ കോഴ്സുകൾ: എംബിബിഎസ് (മെഡിക്കൽ സ്കൂൾ ബിരുദം, ചില രാജ്യങ്ങളിൽ ഡോക്ടർ ഓഫ് മെഡിസിൻ അല്ലെങ്കിൽ MD ക്ക് തുല്യമാണ്)

ബിരുദാനന്തര കോഴ്സുകൾ

ബിരുദാനന്തര ഡിപ്ലോമകൾ - ഫാർമസി, ഒബ്സ്റ്റട്രിക്സ് & ഗൈനക്കോളജി, പീഡിയാട്രിക്സ്, ഇഎൻടി, ഒഫ്താൽമോളജി, റേഡിയോ ഡയഗ്നോസിസ്, സൈക്യാട്രി, റേഡിയോ തെറാപ്പി, പൾമണറി മെഡിസിൻ

പ്രവേശനം[തിരുത്തുക]

ഈ ഇൻസ്റ്റിറ്റ്യൂട്ടിലേക്കുള്ള പ്രവേശനം മത്സരാധിഷ്ഠിതമാണ്, ഏറ്റവും മികച്ച 1% അപേക്ഷകർക്ക് പ്രവേശനം വാഗ്ദാനം ചെയ്യുന്നു. എസ്എൻഎംസിയുടെ മെഡിക്കൽ കോളേജ് പ്രവേശനം ഇന്ത്യയിൽ നീറ്റ് പരീക്ഷയിലൂടെയാണ്.

നവീകരണം[തിരുത്തുക]

പ്രധാനമന്ത്രി സ്വാസ്ഥ്യ സുരക്ഷാ യോജനയുടെ (പിഎംഎസ്എസ്വൈ) മൂന്നാം ഘട്ടത്തിന്റെ ഭാഗമായി ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിന്റെ മാതൃകയിൽ ഇൻസ്റ്റിറ്റ്യൂട്ടിനെ നവീകരിക്കാൻ 2014 ഓഗസ്റ്റിൽ ഇന്ത്യാ ഗവൺമെന്റ് തീരുമാനിച്ചു. അപ് ഗ്രേഡേഷന്റെ 80% ചിലവ് കേന്ദ്രവും 20% ചെലവു സംസ്ഥാന സർക്കാറും വഹിക്കും. [1]

ശ്രദ്ധേയരായ പൂർവ്വ വിദ്യാർത്ഥികൾ[തിരുത്തുക]

ശ്രദ്ധേയരായ സ്റ്റാഫ്[തിരുത്തുക]

  • സർ അലക്സാണ്ടർ ക്രിസ്റ്റിസൺ പ്രിൻസിപ്പൽ 1865 മുതൽ 1882 വരെ [2]

അവലംബം[തിരുത്തുക]

  1. ↑ "Six medical college hospitals in UP will be upgraded: Harsh Vardhan". 25 August 2014.
  2. ↑ British Medical Journal 19 October 1918

പുറം കണ്ണികൾ[തിരുത്തുക]

"https://ml.wikipedia.org/w/index.php?title=സരോജിനി_നായിഡു_മെഡിക്കൽ_കോളേജ്&oldid=3902790" എന്ന താളിൽനിന്ന് ശേഖരിച്ചത്