വെണ്മണി ഹരിദാസ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
കലാമണ്ഡലം വെണ്മണി ഹരിദാസ്
വെണ്മണി ഹരിദാസ്
വെണ്മണി ഹരിദാസ്
പശ്ചാത്തല വിവരങ്ങൾ
ജന്മനാമംഹരിദാസ്
വിഭാഗങ്ങൾകഥകളി സംഗീതം
തൊഴിൽ(കൾ)കഥകളി സംഗീതജ്ഞൻ

കേരളീയനായ കഥകളി സംഗീതജ്ഞനാണ് കലാമണ്ഡലം വെണ്മണി ഹരിദാസ്.

ജീവിതരേഖ[തിരുത്തുക]

മുഴുവൻ സമയ കോൺഗ്രസ്സ് പ്രവർത്തകനായിരുന്ന വെണ്മണി നാരായണൻ നമ്പൂതിരിപ്പാടിന്റെയും തൃശ്ശൂർ കൈപ്പറമ്പ് കുറൂർ ദേവസേന അന്തർജ്ജനത്തിന്റെയും മകനായി 1946 സെപ്റ്റംബർ 16 ന് ആലുവയിലെ വെണ്മണി മനയിൽ ജനനം.[1]

ജനിച്ച മനയുടെ തൊട്ടടുത്തുള്ള അകവൂർ മനയിൽ അവതരിപ്പിക്കാറുള്ള കഥകളി കണ്ടാണ് അദ്ദേഹത്തിനു കഥകളിയിൽ കമ്പം ഉണ്ടാകുന്നത്. മുണ്ടക്കൽ ശങ്കര വാര്യറാണ് കഥകളി സംഗീതത്തിലെ ആദ്യ ഗുരു. 1960 ൽ കലാമണ്ഡലത്തിൽ ചേർന്ന അദ്ദേഹം നീലകണ്ഠൻ നമ്പീശൻ, ശിവരാമൻ നായർ, കലാമണ്ഡലം ഗംഗാധരൻ എന്നിവരുടെ ശിഷ്യത്വത്തിൽ കഥകളി സംഗീതം അഭ്യസിച്ചു.[2] കലാമണ്ഡലത്തിലെ പഠന ശേഷം 1968 ൽ മൃണാളിനി സാരാഭായിയുടെ അഹമ്മദാബാദ് ദർപ്പണയിൽ സംഗീതാദ്ധ്യാപകനായി ചേർന്നു.[3] ഹിന്ദുസ്ഥാനി സംഗീതത്തിൽ അറിവ് നേടാൻ ഈ കാലം ഹരിദാസിനെ സഹായിച്ചു. 1978 ൽ തിരുവനന്തപുര മാർഗ്ഗിയിൽ അദ്ദേഹം കഥകളി സംഗീതാദ്ധ്യാപകനായി ചേർന്നു.[2]

ഷാജി എൻ. കരുൺ സംവിധാനം ചെയ്ത വാനപ്രസ്ഥം, സ്വം എന്നീ ചിത്രങ്ങളിൽ പ്രധാന കഥാപാത്രങ്ങളെ അവതരിപ്പിച്ചിട്ടുണ്ട്.[2] ചലച്ചിത്രങ്ങൾക്കു പുറമെ ടെലിവിഷൻ സീരിയലുകളിലും സജീവമായിരുന്നു.[4] എൻ.പി വിജയകൃഷ്ണൻ എഴുതിയ അദ്ദേഹത്തിന്റെ ജീവചരിത്രം ‘ഭാവഗായകൻ’ എന്നപേരിൽ റെയിൻബൊ ബുക്ക്സ് ചെങ്ങന്നൂർ പ്രസിദ്ധീകരിച്ചു.[5] സെൻ ക്രിയേഷൻസിന്റെ ബാനറിൽ ശ്രീ സുനിൽ ഗോപാലകൃഷ്ണനും രതീഷ് രാമചന്ദ്രനും ചേർന്ന് നിർമ്മിച്ച വെണ്മണി ഹരിദാസിനെക്കുറിച്ചുള്ള ദഡോക്യുമെന്ററി ചിത്രമാണ് ചിത്തരഞ്ജിനി: റിമംബറിങ്ങ് ദ മാസ്‌റ്റ്രോ.

2005 സെപ്റ്റംബർ 17 ന് 59 ആം വയസ്സിൽ തിരുവനന്തപുരത്ത് വെച്ച് അദ്ദേഹം അന്തരിച്ചു.[6]

കുടുംബം[തിരുത്തുക]

ഭാര്യ സരസ്വതി, സിനിമ സീരിയൽ നടൻ ശരത് ഹരിത് എന്നിവർ മക്കൾ.[7]

അവലംബം[തിരുത്തുക]

  1. "വെണ്മണി ഹരിദാസ് | കഥകളി.ഇൻഫൊ | Kathakali.info | കളിയറിവുകളുടെ തിരമൊഴി | The internet Kathakali hangout". kathakali.info.
  2. 2.0 2.1 2.2 "വെണ്മണി ഹരിദാസ് അനുസ്മരണവും പുരസ്‌കാരസമർപ്പണവും". athma online. 15 സെപ്റ്റംബർ 2018.
  3. "The Hindu : Kerala / Thiruvananthapuram News : Venmani Haridas dead". web.archive.org. 12 സെപ്റ്റംബർ 2006.
  4. "കലാമണ്ഡലം ഹരിദാസ്'s biography and latest film release news". FilmiBeat.
  5. "The Hindu : Entertainment Thiruvananthapuram / Music : Life and times…". archive.ph. 25 ജനുവരി 2013.
  6. T.k, Achuthan (17 സെപ്റ്റംബർ 2020). "A voice that brought Kathakali plays to life". The Hindu (ഭാഷ: ഇംഗ്ലീഷ്).
  7. "ഈ സുന്ദര നടൻ സകലകലാവല്ലഭൻ!". ManoramaOnline.
"https://ml.wikipedia.org/w/index.php?title=വെണ്മണി_ഹരിദാസ്&oldid=3742027" എന്ന താളിൽനിന്ന് ശേഖരിച്ചത്