വിളയിൽ ഫസീല
 | ഈ ലേഖനത്തിനു മിഴിവേകാൻ ചിത്രങ്ങൾ ചേർക്കുന്നത് നന്നായിരിക്കും. താങ്കളുടെ കൈവശം സ്വതന്ത്ര ചിത്രങ്ങൾ ഉണ്ടെങ്കിൽ ദയവായി അത് വിക്കിപീഡിയയിലേക്ക് അപ്ലോഡ് ചെയ്യുകയും ലേഖനത്തിൽ ചേർക്കുകയും ചെയ്യുക. അപാകതകൾ പരിഹരിച്ചശേഷം, {{Needs Image}} എന്ന ഫലകം താളിൽ നിന്ന് നീക്കം ചെയ്യാവുന്നതാണ്. |
വിളയിൽ ഫസീല | |
|---|---|
| ജനനം | വിളയിൽ വത്സല ജനുവരി 1, 1960 |
| മരണം | ഓഗസ്റ്റ് 12, 2023 (63 വയസ്സ്) വെള്ളിപ്പറമ്പ്, കോഴിക്കോട്, കേരളം, ഇന്ത്യ |
| മറ്റ് പേരുകൾ | ഫസീല |
| സജീവ കാലം | 1974–2023 |
| അറിയപ്പെടുന്നത് | മാപ്പിളപ്പാട്ട് |
| ജീവിതപങ്കാളി | ടി.കെ. മുഹമ്മദലി |
| കുട്ടികൾ | ഫയാദ് , അലി, ഫഹീമ |
| Parent(s) | കേളൻ (പിതാവ്), ചെറുപെണ്ണ് (മാതാവ്) |
കേരളത്തിൽ നിന്നുള്ള പ്രസിദ്ധയായ മാപ്പിളപ്പാട്ട് ഗായികയായിരുന്നു വിളയിൽ ഫസീല (ജനനം: വിളയിൽ വൽസല; 1959/1960 – ഓഗസ്റ്റ് 12, 2023).[1] നാല് പതിറ്റാണ്ടിലേറെ നീണ്ട തന്റെ കരിയറിൽ, ഫസീല ഈ വിഭാഗത്തിൽ ഏകദേശം 5000-ത്തിലധികം ഗാനങ്ങൾ ആലപിച്ചു. കേരളത്തിലെ മലപ്പുറം സ്വദേശിയായ ഫസീല 1970-കളുടെ തുടക്കത്തിൽ പറപ്പൂർ വിദ്യാപോഷിണി യുപി സ്‌കൂളിലെ അഞ്ചാം ക്ലാസ് വിദ്യാർത്ഥിനിയായിരിക്കുമ്പോഴാണ് മാപ്പിള ഗാനങ്ങളിലേക്കുള്ള ജൈത്രയാത്ര ആരംഭിച്ചത്. 1970കളിൽ ആകാശവാണി കോഴിക്കോട് നിലയത്തിൽ നിന്നും സംപ്രേക്ഷണം ചെയ്തിരുന്ന ബാലലോകം എന്ന പരിപാടിയിലൂടെയാണ് വിളയിൽ വത്സല എന്ന പേരിൽ അരങ്ങേറ്റം കുറിച്ചത്. അക്കാലത്ത് ഈ പരിപാടിയുടെ അവതാരകൻ ഗായകൻ വിഎം കുട്ടിയായിരുന്നു. പിന്നീട് അദ്ദേഹത്തിന്റെ ശിഷ്യത്വം സ്വീകരിച്ചു. 1980 കളുടെ അവസാനം ഫസീലയെ സംബന്ധിച്ചിടത്തോളം ഒരു സുവർണ്ണ കാലഘട്ടമായിരുന്നു. വി.എം. കുട്ടിയോടൊത്ത് നിരവധി സ്റ്റേജ് പരിപാടികളും അവതരിപ്പിച്ചു.[2] അദ്ദേഹവുമായുള്ള ഫസീലയുടെ സഹകരണം അക്കാലത്ത് വ്യാപകമായി പ്രശംസിക്കപ്പെട്ടു. വിളയിൽ വത്സല എന്നറിയപ്പെട്ടിരുന്ന ഇവർ പിന്നീട് ഇസ്ലാം മതം സ്വീകരിച്ച് വിളയിൽ ഫസീല എന്ന പേർ സ്വീകരിക്കുകയായിരുന്നു.[3].[4][5] മൈലാഞ്ചി, പതിന്നാലാം രാവ്, 1921 തുടങ്ങി ഏതാനും സിനിമകൾക്കുവേണ്ടിയും പാടിയിട്ടുണ്ട്. 2023 ഓഗസ്റ്റ് 12-ന് കേരളത്തിലെ കോഴിക്കോട് വച്ച് 63-ാം വയസ്സിൽ അന്തരിച്ചു.[6]
ജീവിതരേഖ
[തിരുത്തുക]ഉള്ളാട്ടുതൊടി കേളന്റെയും ചെറുപെണ്ണിന്റേയും മകളായി മലപ്പുറം ജില്ലയിലെ ഏറനാട് താലൂക്കിലെ ചീക്കോട് ഗ്രാമപഞ്ചായത്തിൽ വിളയിൽ ആണ് വത്സല ജനിച്ചത്. മൂന്നാമത്തെ വയസിൽ മാതാവ് മരണമടഞ്ഞതോടെ അമ്മാവൻമാരുടെ സംരക്ഷണയിലായി. ഭർത്താവ് പരേതനായ വലിയപറമ്പിൽ ടികെ മുഹമ്മദലി. മക്കൾ: ഫയാദ് , അലി , ഫഹീമ [7]. 'മുഹമ്മദ് മുസ്തഫ' എന്ന ചിത്രത്തിൽ പി.ടി. അബ്ദു റഹ്മാന്റെ രചനയായ 'അഹദവനായ പെരിയോനേ....' എന്ന ഗാനം എം.എസ്. വിശ്വനാഥന്റെ സംഗീതത്തിൽ വിളയിൽ ഫസീല ആദ്യമായി പാടി. സ്വദേശത്തും വിദേശത്തും പരിപാടികൾ നടത്തിയിട്ടുണ്ട്. നിരവധി ഹിറ്റു മാപ്പിളഗാനങ്ങൾ അവർ പാടി. കിരികിരി ചെരിപ്പുമ്മൽ അണഞ്ഞുള്ള പുതുനാരി.., ആമിന ബീവിക്കോമന മോനേ..., ഹജ്ജിൻറെ രാവിൽ ഞാൻ കഅബം കിനാവ് കണ്ടു.., മക്കത്തെ രാജാത്തിയായി..., മുത്തിലും മുത്തൊളി..., കടലിൻറെയിക്കരെ വന്നോരെ ഖൽബുകൾ വെന്തു പുകഞ്ഞോരെ.., ആകെലോക കാരണമുത്തൊളി.., ഉടനെ കഴുത്തെൻറെ.., ആനെ മദപ്പൂ.., കണ്ണീരിൽ മുങ്ങി..., മണി മഞ്ചലിൽ... തുടങ്ങിയവയാണ് പ്രധാന പാട്ടുകൾ. മണവാട്ടി കരംകൊണ്ട് (പതിനാലാം രാവ്), കൊക്കരക്കൊക്കര കോയിക്കുഞ്ഞേ (മൈലാലാഞ്ചി), തക്കാളിക്കവിളത്ത് (സമ്മേളനം), ഫിർദൗസിൽ അടുക്കുമ്പോൾ (1921) എന്നീ സിനിമാഗാനങ്ങളും പാടി[8]
2023 ആഗസ്റ്റ് 12 ന് മരണമടഞ്ഞു.[8] കോഴിക്കോട് വെള്ളിപറമ്പിലെ വസതിയിൽവച്ചായിരുന്നു അവരുടെ അന്ത്യം.
പുരസ്കാരങ്ങൾ
[തിരുത്തുക]- കേരള മാപ്പിള കലാ അക്കാദമി ഏർപ്പെടുത്തിയ ലൈഫ്‌ ടൈം അച്ചീവ്‌മെന്റ്‌ അവാർഡ്‌
അവലംബം
[തിരുത്തുക]- ↑ "'നമ്മെ ആവശ്യമുള്ളവർ ഇപ്പോഴും വിളിക്കും'; Vm കുട്ടിയില്ലെങ്കിൽ ഞാനില്ലെന്നുപറഞ്ഞ ഫസീലയും ഇനിയില്ല". 12 August 2023.
- ↑ "Mappilapattu' singers to be honoured". The Hindu. 2008-08-23. Archived from the original on 2008-09-16. Retrieved 2009-08-15.
- ↑ "Mapila art forms get a boost". The Hindu. 2005-04-08. Archived from the original on 2006-02-11. Retrieved 2009-08-15.
- ↑ "Mapila art forms get a boost". The Hindu. 2005-04-08. Archived from the original on 2006-02-11. Retrieved 2009-08-15.
- ↑ "Noted Mappilapattu singer Vilayil Faseela dies at 63 in Kerala". 12 August 2023.
- ↑ "Vilayil Faseela, most distinctive voice in Mappilapattu, dies". The Hindu. 12 August 2023. Retrieved 12 August 2023.
- ↑ പറന്നകന്നു , ഇശൽപാടിക്കിളി -ഗൾഫ് മാധ്യമം 2023 ആഗസ്റ്റ് 13
- 1 2 https://www.madhyamam.com/kerala/mappilappaattu-singer-vilayil-faseela-passed-1191283