ലളിതാ സഹസ്രനാമം

ഇംഗ്ലീഷ് വിലാസം

https://ml.wikipedia.org/wiki/Lalita_sahasranama

ഹൈന്ദവ, ശാക്തേയ വിശ്വാസപ്രകാരം ജഗദീശ്വരിയായ ആദിപരാശക്തിയുടെ ആയിരം പേരുകൾ അഥവാ വിശേഷണങ്ങൾ ഉൾക്കൊള്ളുന്ന ഒരു ലളിതമായ പൌരാണിക സ്തോത്രമാണ് ലളിത സഹസ്രനാമം. ഇത് ഭഗവതി ഉപാസകരുടെ ഒരു പ്രധാന സ്തോത്രമാണ്. ഒരു നാമവും രണ്ടാമതായി ആവർത്തിക്കുന്നില്ല എന്നത് ഇതിന്റെ പ്രത്യേകതയാണ്. വശിനി, കാമേശി, അരുണ, സർവേശി, കൌളിനി, വിമലാ, ജയിനി, മോദിനി, എന്നീ വാഗ്ദേവി മാർ പരാശക്തിയുടെ കല്പനയനുസരുച്ച് നിർമ്മിച്ചതാണ് എന്നാണ് വിശ്വാസം.

‘സിന്ദൂരാരുണ വിഗ്രഹാം ത്രിനയനാം’ എന്ന് തുടങ്ങുന്ന ധ്യാന ശ്ലോവും ‘ശ്രീമാതാ, ശ്രീ മഹാരാജ്ഞി’ എന്നു തുടങ്ങുന്ന നാമങ്ങൾ ശിവശക്തിമാർ ഐക്യപ്പെട്ടിരിക്കുന്ന ലളിതാംബിക എന്ന പേരിൽ പൂർണ്ണമാവുന്നു. മിക്കവാറും എല്ലാ ഭഗവതീപൂജകളിലും ഭഗവതി ക്ഷേത്രങ്ങളിലും ഈ സ്തോത്രം ജപിക്കാറുണ്ട്. മൂകാംബിക, ദുർഗ്ഗ, ഭദ്രകാളി, ചാമുണ്ഡി, ഭുവനേശ്വരി, പാർവതി, മഹാലക്ഷ്മി, മഹാസരസ്വതി തുടങ്ങിയ എല്ലാ ഭഗവതി ക്ഷേത്രങ്ങളിലും ലളിത സഹസ്രനാമം പൂജകൾക്കായി ഉപയോഗിക്കാറുണ്ട്. എല്ലാ ദിവസവും ഈ സ്തോത്രം ജപിക്കാൻ അനുയോജ്യമാണ്. എങ്കിലും ചൊവ്വ, വെള്ളി, പൗർണ്ണമി, അമാവാസി, നവരാത്രി, തൃക്കാർത്തിക തുടങ്ങിയ ദിവസങ്ങളിൽ വിളക്ക് കൊളുത്തി ലളിത സഹസ്രനാമം പാരായണം ചെയ്യുന്നത് വിശേഷമാണ് എന്നാണ് സങ്കല്പം. ശ്രീചക്ര പൂജയ്ക്ക് ഈ സ്തോത്രം ഉപയോഗിക്കുന്നത് ഏറെ അനുഗ്രഹകരമാണ് എന്നാണ് വിശ്വാസം. ഈ സ്തോത്രം പതിവായി ജപിക്കുന്നത് സമ്പത്തും ഐശ്വര്യവും ലഭിക്കാൻ ഉതകും എന്നും ആപത്തുകൾ, ദുഃഖ, ദുരിതങ്ങൾ എന്നിവ ഇല്ലാതാക്കുമെന്നും; ജീവിതാവസാനം മോക്ഷം ലഭിക്കുമെന്നും ഭക്തർ വിശ്വസിക്കുന്നു.

പുരാണങ്ങൾ പ്രകാരം ഭണ്ഡാസുര വധത്തിന് വേണ്ടി അവതരിച്ച ആദിപരാശക്തി ശ്രീചക്രരാജം എന്ന സിംഹാസനത്തിൽ വിരാജിച്ചു. ആ സമയം ഭഗവതിയുടെ ആജ്ഞപ്രകാരം വശ്യനാദിവാഗ്ദേവിമാരാൽ രചിക്കപ്പെട്ട സ്തുതിയാണ് ഇത്. ഇത് ജപിക്കുന്നവർ എന്റെ അനുഗ്രഹത്താൽ രക്ഷ പ്രാപിക്കും എന്ന് ഭഗവതി അരുളി ചെയ്തു. ഇതാണ് സ്തോത്രവുമായി ബന്ധപ്പെട്ട വിശ്വാസം.

അവലംബം

പുറമെ നിന്നുള്ള കണ്ണികൾ