യെനാൻ (മലയാള മാസിക)

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
യെനാൻ കവർ

അടിയന്തിരാവസ്ഥക്കു തൊട്ടു മുമ്പ് തലശ്ശേരിയിൽ നിന്ന് പ്രസിദ്ധീകരണം ആരംഭിച്ച മലയാളമാസികയാണ് യെനാൻ. വി. സി. ശ്രീജൻ, കെ. കെ. കൊച്ച്, സിവിക് ചന്ദ്രൻ എന്നിവർ ഈ മാസികയുടെ പത്രാധിപസമിതിയിൽ പ്രവർത്തിച്ചിരുന്നു. ഒളിവുപ്രവർത്തനം നടത്തിയിരുന്ന സി.പി.ഐ (എം. എൽ) ന്റെ ആശയപ്രചരണത്തിനായി ആരംഭിച്ച മാസികയ്ക്ക് കെ. വേണുവിന്റെ നിർദേശങ്ങളും സഹായവും ഉണ്ടായിരുന്നു. അടിയന്തിരാവസ്ഥയുടെ ആദ്യപകലിൽ മാസിക നിരോധിക്കപ്പെടുകയും പത്രാധിപസമിതിയിലെ അംഗങ്ങളെല്ലാം അറസ്റ്റിലാവുകയും ചെയ്തു. അതോടെ ഈ പ്രസിദ്ധീകരണം ഇല്ലാതായി. വില്പനയ്ക്കായി വിതരണം ചെയ്യപ്പെട്ട കോപ്പികൾ കണ്ടുകെട്ടുകയും ചെയ്തു.

രാഷ്ട്രീയാശയങ്ങൾ പ്രചരിപ്പിക്കുവാനുള്ള പ്രസിദ്ധീകരണമായാണ് യെനാൻ മാസിക വിഭാവനം ചെയ്തിരുന്നത്. [1] കമലാ ദാസിന്റെ സമ്മർ ഇൻ കൽക്കട്ടയിലെ ചില ഭാഗങ്ങളുടെ വിവർത്തനവും ബ്രഹ്റ്റിന്റെ കവിതകളും ആദ്യ ലക്കത്തിൽ ഉണ്ടായിരുന്നു. സേതുമാധവൻ എന്ന പേരിൽ കെ. വേണു എഴുതിയ സ്വാതന്ത്ര്യത്തിന്റെ സാക്ഷാത്കാരം എന്ന ലേഖനവും പ്രസിദ്ധീകരിച്ചു. [2]

അവലംബം[തിരുത്തുക]

  1. "They Alone Heard The Chorus Of Ants | Outlook India Magazine". ശേഖരിച്ചത് 2020-07-29.
  2. മലയാള സമാന്തര മാസികാചരിത്രം, പ്രദീപ് പനങ്ങാട്, കേരള ഭാഷാ ഇൻസ്റ്റിറ്റ്യൂട്ട്, 2018
"https://ml.wikipedia.org/w/index.php?title=യെനാൻ_(മലയാള_മാസിക)&oldid=3404160" എന്ന താളിൽനിന്ന് ശേഖരിച്ചത്