യു.ടി.എഫ്-8

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
യു.ടി.എഫ്-8
StandardUnicode Standard
ClassificationUnicode Transformation Format, extended ASCII, variable-width encoding
ExtendsUS-ASCII
Transforms / EncodesISO 10646 (Unicode)
Preceded byUTF-1

യൂണികോഡിൽ ഉപയോഗിക്കുന്ന ഒരു എൻകോഡിങ്ങ് രീതിയാണ്‌ യു.ടി.എഫ്-8 (UTF-8)(8-bit UCS/Unicode Transformation Format). ഇലക്ട്രോണിക് ആശയവിനിമയത്തിനായി വേരിയബിൾ-വിഡ്ത് ക്യാരക്ടർ എൻ‌കോഡിംഗാണ് യു‌ടി‌എഫ്-8 ഉപയോഗിക്കുന്നത്. യൂണിക്കോഡ് സ്റ്റാൻഡേർഡ് നിർവചിച്ചിരിക്കുന്നത്, യൂണിക്കോഡ് (അല്ലെങ്കിൽ യൂണിവേഴ്സൽ കോഡെഡ് ക്യാരക്ടർ സെറ്റ്) ട്രാൻസ്ഫോർമേഷൻ ഫോർമാറ്റിൽ നിന്നാണ് ഈ പേര് ഉരുത്തിരിഞ്ഞത് - 8-ബിറ്റ്.[1]

ഒന്നോ നാലോ വൺ-ബൈറ്റ് (8-ബിറ്റ്) കോഡ് യൂണിറ്റുകൾ ഉപയോഗിച്ച് യൂണിക്കോഡിലെ 1,112,064[nb 1]ചട്ടമനുസരിച്ചുള്ള ക്യാരക്ടർ കോഡ് പോയിന്റുകൾ എൻകോഡുചെയ്യാൻ യുടിഎഫ്-8 ന് കഴിയും. കുറഞ്ഞ സംഖ്യാ മൂല്യങ്ങളുള്ള കോഡ് പോയിന്റുകൾ, കുറച്ച് ബൈറ്റുകൾ ഉപയോഗിച്ച് എൻ‌കോഡുചെയ്‌തു. ആസ്കിയുമായുള്ള ബാക്ക്വേർഡ് കോംപാറ്റിബിളിറ്റിക്കായി ഇത് രൂപകൽപ്പന ചെയ്തിട്ടുണ്ട്: ആസ്കിയുമായി ഒന്നിനോട് യോജിക്കുന്ന യൂണിക്കോഡിന്റെ ആദ്യ 128 പ്രതീകങ്ങൾ ആസ്കിയുടെ അതേ ബൈനറി മൂല്യമുള്ള ഒരൊറ്റ ബൈറ്റ് ഉപയോഗിച്ച് എൻ‌കോഡുചെയ്യാൻ കഴിഞ്ഞു.

ഈ എൻകോഡിങ്ങ് രീതിയനുസരിച്ച് യൂണികോഡിലുള്ള ഏതു ചിഹ്നങ്ങളെയും സൂചിപ്പിക്കുവാൻ കഴിയും മാത്രവുമല്ല ഇത് ആസ്കി (ASCII) എൻകോഡിങ്ങിനെ ഉൾക്കൊള്ളുന്നുമുണ്ട്. അതിനാൽ തന്നെ കമ്പ്യൂട്ടർ വിവരസാങ്കേതിക രംഗത്ത് നിലവിൽ ഏറ്റവും സ്വീകാര്യമായ എ‌ൻകോഡിങ്ങ് രീതിയായി ഇത് മാറി. ഇ-മെയിൽ, വെബ് താളുകൾ,[2] തുടങ്ങി ക്യാരക്ടറുകൾ ശേഖരിക്കുകയും കൈമാറ്റം ചെയ്യുകയും ചെയ്യുന്ന മേഖലകളിൽ ഇത് ഉപയോഗിക്കപ്പെടുന്നു.

യു.ടി.എഫ്-8 ൽ ഓരോ ചിഹ്നത്തെയും ഒന്നും മുതൽ നാല്‌ ഒക്ടെറ്റുകളിലായി (Octet, എട്ട് ബിറ്റുകളുടെ നിര അതായത് ഒരു ബൈറ്റ്) രേഖപ്പെടുത്തപ്പെടുന്നു. 128 യു.എസ്-ആസ്കി (US-ASCII) ക്യാരക്ടറുകൾ മാത്രമാണ്‌ ഒരു ബൈറ്റിലായി രേഖപ്പെടുത്തപ്പെടുന്നത്. മറ്റുള്ളവ രണ്ട് മുതൽ നാല്‌ ബൈറ്റുകളിലായി വിന്യസിക്കപ്പെടുന്ന. ഈ രീതിയിൽ മലയാളം ക്യാരക്ടറുകൾ രേഖപ്പെടുത്തുവാൻ മൂന്ന് ബൈറ്റുകൾ വീതം ആവശ്യമാണ്‌.

യൂണികോഡ്
Character encodings
UCS
Mapping
Bi-directional text
BOM
Han unification
Unicode and HTML
Unicode and E-mail
Unicode typefaces

വിവരണം[തിരുത്തുക]

യൂണികോഡ് മാനദണ്ഡത്തിൽ ഒരോ ക്യാരക്ടറിനും 32 ബിറ്റ് നീളമുള്ള കോഡ് നൽകിയിരിക്കുന്നു. ഇതിൽ 0D00 മുതൽ 0D7F വരെയുള്ള കോഡുകളാണ്‌ മലയാളത്തിന്‌ അനുവദിച്ചിരിക്കുന്നത്.

ആദ്യത്തെ 128 സ്ഥാനങ്ങൾ ആസ്കി ക്യാരക്ടറുകൾക്കും നൽകിയിരിക്കുന്നു, ഇതിന്‌ താഴ്ന്ന സ്ഥാനത്തുള്ള 7 ബിറ്റുകൾ മാത്രം മതിയാകും. ഈ അവസരത്തിൽ ഒരു കോഡ് ഒരു ബൈറ്റായി എൻകോഡ് ചെയ്യുന്നു ഈ അവസരത്തിൽ ഏറ്റവും ഉയർന്ന സ്ഥാനത്തുള്ള ഒരു ബിറ്റ് 0 ആയിരിക്കും. പട്ടികയിൽ ആദ്യത്തെ വരിയിൽ ഇത് കാണിച്ചിരിക്കുന്നു. U+0000 മുതൽ U+007F വരെയുള്ള ക്യാരക്ടറുകളാണ് ഇവ. അതിനാൽ ആസ്കി ക്യാരക്ടറുകളെല്ലാം ഒരു ബൈറ്റിൽ ഉൾകൊള്ളിക്കുന്നു.

താഴ്ന്ന ഏഴ് ബിറ്റുകൾക്ക് പുറമേ ശേഷം 11 സ്ഥാനം വരെയുള്ള ബിറ്റുകൾ ഉപയോഗിക്കുന്ന U+0080 മുതൽ U+07FF വരെയുള്ള കോഡുകൾ രണ്ട ബൈറ്റുകളിലായി വിന്യസിക്കപ്പെടുന്നു. ആദ്യത്തെ ബൈറ്റിൽ ആറ് താഴ്ന്ന സ്ഥാനങ്ങളിലും രണ്ടാമത്തെ ബൈറ്റിൽ താഴന്ന അഞ്ച് സ്ഥാനങ്ങളിലും ഇവ ചേർക്കുന്നു. പട്ടികയിൽ രണ്ടാമത്തെ വരിയിൽ ഇത് കാണിച്ചിരിക്കുന്നു. ഇതേ പ്രകാരം U+0800 മുതൽ U+FFFF വരെയുള്ളവ മൂന്ന് ബൈറ്റുകളിലായും അതിന്‌ ശേഷമുള്ളവ നാല് ബൈറ്റുകളിലായും വിന്യസിക്കപ്പെടുന്നു. പട്ടിക ശ്രദ്ധിക്കുക.

Unicode Byte1 Byte2 Byte3 Byte4 example
U+0000-U+007F 0xxxxxxx '$' U+0024
00100100
0x24
U+0080-U+07FF 110yyyxx 10xxxxxx '¢' U+00A2
11000010,10100010
0xC2,0xA2
U+0800-U+FFFF 1110yyyy 10yyyyxx 10xxxxxx '€' U+20AC
11100010,10000010,10101100
0xE2,0x82,0xAC
U+10000-U+10FFFF 11110zzz 10zzyyyy 10yyyyxx 10xxxxxx  U+10ABCD
11110100,10001010,10101111,10001101
0xF4,0x8A,0xAF,0x8D

ആദ്യത്തെ 128 ആസ്കി ക്യാരക്ടറുകൾ അതേപടി ചേർക്കുന്നതിനാൽ എല്ലാ ആസ്കി ലേഖനങ്ങളും യു.ടി.എഫ്-8 എ‌ൻകോഡിങ്ങുമായി പൊരുത്തമുള്ളവയായിരിക്കും. യു.ടി.എഫ്-8 എൻകോഡ് ചെയ്യപ്പെട്ട ലേഖനം തിരിച്ചു ഡീകോഡ് ചേയ്യുന്ന വളരെ ലളിതമാണ്‌. ഒരു ബൈറ്റിന്റെ ഉയർന്ന ബിറ്റ് 0 ആണെങ്കിൽ അത് ഒരു ബൈറ്റ് മാത്രമുള്ള ക്യാരക്ടർ (ഒരു ആസ്കി ക്യാരക്ടർ) ആയിരിക്കും. ആദ്യത്തെ ഉയർന്ന രണ്ട് ബിറ്റുകളുടേയും മൂല്യം 1 ആണെങ്കിൽ രണ്ട് ബൈറ്റുകളിലായി എൻകോഡ് ചെയ്യപ്പെട്ടതാണ്‌ അതിനാൽ അടുത്ത ബൈറ്റ്കൂടി വായിക്കേണ്ടതുണ്ട്. ഇതേ പ്രകാരം ഉയർന്ന മൂന്നോ നാലോ ബിറ്റുകളുടെ മൂല്യം 1 ആണെങ്കിൽ യഥാക്രമം അവ മൂന്ന്, നാല് ബൈറ്റുകളിലായി എൻ‌കോഡ് ചെയ്യപ്പെട്ടതാണ്‌.

അവലംബം[തിരുത്തുക]

  1. "Chapter 2. General Structure". The Unicode Standard (6.0 ed.). Mountain View, California, US: The Unicode Consortium. ISBN 978-1-936213-01-6.
  2. "Moving to Unicode 5.1". Official Google Blog. May 5 2008. ശേഖരിച്ചത് 2008-05-08. Check date values in: |date= (help)
"https://ml.wikipedia.org/w/index.php?title=യു.ടി.എഫ്-8&oldid=3545722" എന്ന താളിൽനിന്ന് ശേഖരിച്ചത്