ബുഡോ
ബുഡോ എന്നത് ജാപ്പനീസ് ആയോധന[1][2][3] കലയെ സൂചിപ്പിക്കുന്ന പദമാണ് യുദ്ധത്തിന്റെ വഴി എന്നാണ് ഈ വാക്കിന്റെ അർഥം.
പദോല്പത്തി [തിരുത്തുക]
ബുഡോ എന്നത് ബു എന്നും ഡോ എന്നുമുള്ള രണ്ടു പദങ്ങളുടെ സംയുക്ത പദമാണ്. ബു എന്നാൽ യുദ്ധം എന്നും ഡോ എന്നാൽ വഴി എന്നുമാണ് അർഥം. തത്ത്വചിന്താപരവും വിമര്ശനാത്മകവുമായ വഴികളിലൂടെ മനസ്സിനെയും കായികപരമായ പരിശീലനത്തിലൂടെ ശരീരത്തെയും ശക്തമാക്കുകയും ശാരീരികവും മാനസികവുമായ കഴിവുകളെ പരിപോഷിപ്പിക്കുകായും ചെയ്യുന്ന സമഗ്രമായൊരു ആയോധന മുറയാണ് ബുഡോ.
സാധാരണ ബ്യൂഡോ ശൈലികൾ[തിരുത്തുക]
കരാട്ടെ[തിരുത്തുക]
ഒരു ജാപ്പനീസ് ആയോധനകലയാണ് കരാട്ടെ അല്ലെങ്കിൽ കരാത്തെ. മുഷ്ടികൊണ്ടുള്ള ഇടിയും കാലുകൾ കൊണ്ടുള്ള തൊഴിയുമാണ് ഇതിൽ പ്രധാനം.കരാട്ടെ എന്നാൽ "വെറും കൈ" എന്നാണ് അർത്ഥം. ഇന്ത്യയിൽ എല്ലാ സംസ്ഥാനങ്ങളിലും കരാട്ടെ പ്രചാരത്തിലുണ്ട്. ഇന്ത്യയിൽ കരാട്ടെയുടെ പ്രചരണത്തിനായി കരാട്ടേ ഫെഡറേഷൻ ഓഫ് ഇന്ത്യ (kai) പ്രവർത്തിക്കുന്നു.
ജൂഡോ[തിരുത്തുക]
ജപ്പാനിലെ ഒരു മല്ലയുദ്ധമുറയാണ് ജൂഡോ. ഇത് ജുജിട്സു എന്ന ആയോധനകലയിൽ നിന്നും വികസിപ്പിച്ചെടുത്തതാണ്. ജൂഡോ എന്ന കലയുടെ സ്ഥാപകൻ ജിഗാരോ കാനോ ആണ്. ജൂഡോ എന്നാൽ "മാന്യമായ വഴി" എന്നാണർത്ഥം. 19- നൂറ്റാണ്ടുകളുടെ അവസാനത്തിലാണ് ജൂഡോ അതിശക്തമായ കലയായി ഉയർത്തഴുന്നറ്റത്.ഇതിൽ ഇടി, ചവിട്ട്, ആയുധം ഇവ ഉണ്ടെങ്കിലും മറ്റു ആയോധനകലകളിൽ നിന്നു വ്യത്യസ്തമായി ഇവ "കത്ത" എന്നറിയപ്പെടുന്ന ഇനത്തിൽ മാത്രമേ ഉണ്ടാകുകയുള്ളൂ, മത്സരങ്ങളിൽ ഇവ ഉൾപ്പെടുത്തുന്നത് കർശനമായി നിരോധിച്ചിരിക്കുന്നു.
കെൻഡോ[തിരുത്തുക]
പ്രാചീന ജാപ്പനീസ് ആയോധനകലയായ കെൻജിറ്റ്സുവിൽ നിന്നും ഉടലെടുത്ത ആധുനിക വാൾപയറ്റുസമ്പ്രദായമാണ് കെന്ഡൊ (剣道) (way of the sword). ഇതു ശാരീരികമായും മാനസികമായും വളരെ ശ്രമകരമായ ഒരു കായികകലയാണ്.
രണ്ടാം ലോകമഹായുദ്ധത്തിനു ശേഷം ജപ്പാൻ പിടിച്ചടക്കിയ സഖ്യ കക്ഷികൾ ജപ്പാൻ ജനതയെ സൈനിക സംസ്കാരത്തിൽ നിന്ന് അടർത്തിയെടുക്കുന്നതിന്റെ ഭാഗമായി നടത്തിയ പല നടപടികളുടെയും കൂട്ടത്തിൽ കെൻഡോ പഠിക്കുന്നതും പഠിപ്പിക്കുന്നതും കുറ്റകരമാക്കി. പിന്നീട് 1950 - ലാണ് ഈ നിരോധനം നീക്കുകയും 1952 - ൽ All Japan Kendo Federation രൂപികരിക്കുകയും ജപ്പാനിൽ വളരെ ജനപ്രീതി നേടിയ ഒരു കായികകലയായി കെൻഡോ വളർന്നു വരുകയും ചെയ്തത്. ഇന്ന് ജപ്പാനിൽ കെൻഡോ ഒരു ആയോധന കല (martial art) എന്നതിലുപരി ഒരു കായിക കല (sport) ആയിട്ടാണ് അറിയപ്പെടുന്നത്. 1970 - ൽ International Kendo Federation രൂപികരിക്കുകയും ലോക കെൻഡോ ചാമ്പ്യൻഷിപ്പ് മൽസരങ്ങൾ തുടങ്ങുകയും ചെയ്തു.
ചരിത്രവും വസ്തുതകളും [തിരുത്തുക]
ആധുനിക ബുഡോയിൽ ശത്രു എന്നത് പുറത്തുള്ള ഒരാളല്ല മറിച്ച് നമ്മുടെ ഉള്ളിൽ തന്നെയാണ് : നാം നമ്മുടെ അഹങ്കാരത്തോടാണ് യുദ്ധം ചെയ്യേണ്ടത്[4] .
ബുഡോ ഒരാളുടെ ശാരീരിക ബലത്തേക്കാളുപരി മാനസികമായ കരുത്താണ് ഉന്നം വെക്കുന്നത്. ബുഡോ സാധാരണക്കാരന്റെ ആയോധന കല ആയിട്ടാണ് ജപ്പാനികൾ കാണുന്നത് ഇത് ബുജുസ എന്ന പുരാതനമായ ഒരു സൈനിക ആയോധന കലയിൽ നിന്ന് രൂപം കൊണ്ടുവന്നാണ് കരുതപ്പെടുന്നത്, പക്ഷെ ബുജുസ ശരീരക്ഷമതക്കാണ് ഊന്നൽ നൽകുന്നത്. ബുജുസ എന്നാൽ യുദ്ധശാസ്ത്രം അല്ലെങ്കിൽ യുദ്ധ കല എന്നാണർത്ഥം. രണ്ടിനും രണ്ട് തരത്തിലുള്ള ചിന്താ രീതി ആണെങ്കിൽ കൂടിയും വളരെ ആഴത്തിൽ അത് ബന്ധപെട്ടുകിടക്കുന്നു.
ബുജുസ ഒരു ആയോധന കലയും ബുഡോ ഒരു ജീവിത രീതി ആയും കാണുന്നവരുണ്ട്.
ഒളിമ്പിക്സിൽ [തിരുത്തുക]
1964 ഒളിമ്പിക്സിൽ ബുഡോ ഒരു മത്സരയിനമായിരുന്നു.
അവലംബം[തിരുത്തുക]
- ↑ Armstrong, Hunter B. (1995). The Koryu Bujutsu Experience in Kory Bujutsu - Classical Warrior Traditions of Japan. New Jersey: Koryu Books. pp. 19–20. ISBN 1-890536-04-0.
- ↑ Dreager, Donn F. (1974). Modern Bujutsu & Budo - The Martial Arts and Ways of Japan. New York/Tokyo: Weatherhill. p. 11. ISBN 0-8348-0351-8.
- ↑ Friday, Karl F. (1997). Legacies of the Sword. Hawai: University of Hawai'i Press. p. 63. ISBN 0-8248-1847-4.
- ↑ Craig, Darrell Max (2002). Mugai Ryu - The Classical Samurai Art of Drawing the Sword. Boston, Mass.: YMAA Publication Center. p. 2.
{{cite book}}: Cite has empty unknown parameter:|coauthors=(help)