കെ.എം. മാത്യു

ഇംഗ്ലീഷ് വിലാസം

https://ml.wikipedia.org/wiki/K._M._Mathew

കെ. എം. മാത്യ
ജനനം	1917 കേരളം
മരണം	1 ആഗസ്ത് 2010 കോട്ടയം, കേരളം
അറിയപ്പെടുന്നത്	മനോരമ ചീഫ് എഡിറ്റർ, പത്രപ്രവർത്തകൻ

കേരളത്തിലെ ഒരു പത്രപ്രവർത്തകനും മലയാള മനോരമ ദിനപ്പത്രത്തിന്റെ ചീഫ് എഡിറ്ററായിരുന്നു കെ. എം. മാത്യു (1917 - 2010 ഓഗസ്റ്റ് 1). 2010 നു അദ്ദേഹം അസുഖം മൂലം മരണമടഞ്ഞു.

സ്വകാര്യ ജീവിതം

1917 ജനുവരിയിൽ കെ.സി മാമൻ മാപ്പിളയുടേയും കുഞ്ഞാണ്ടമ്മ (മാമ്മി)യുടേയും മകനായി ആലപ്പുഴയിൽ ജനിച്ചു. മദ്രാസ് ക്രിസ്ത്യൻ കോളെജിൽ നിന്ന് ബിരുദം നേടി. ഭാര്യ മിസ്സിസ്. കെ.എം. മാത്യു (1922 - 2003) എന്ന പേരിൽ അറിയപ്പെടുന്നഅന്നാമ്മ ജേക്കബ് വനിതയുടെ ചീഫ് എഡിറ്ററും സ്ഥാപകയുമാണ്‌. ഇദ്ദേഹത്തിനു മൂന്ന് ആൺ‌മക്കളും ഒരു മകളും ഉണ്ട്.

പത്രപ്രവർത്തനം

1954 ലാണ്‌ അദ്ദേഹം മനോരമയുടെ മാനേജിംഗ് എഡിറ്ററാവുന്നത്. പിന്നീട് 1973 ൽ ചീഫ് എഡിറ്ററായി അധികാരമേറ്റു. മലയാള മനോരമ പത്രത്തിന്റേയും, അനുബന്ധ മാഗസിനുകളുടെയും, ഓൺ‌ലൈൻ എഡിഷൻ, എഫ്.എം റേഡിയോ തുടങ്ങി മനോരമയുടെ പല സം‌രംഭങ്ങളുടേയും അദ്ദേഹം മുൻ‌നിരയിൽ പ്രവർത്തിച്ചിരുന്നു.

പുരസ്കാരങ്ങൾ

സമൂഹത്തിനു നൽകിയ വിശിഷ്ട സംഭാവനക്കയി അദ്ദേഹത്തിനു 1998-ൽ പത്മഭൂഷൺ ലഭിച്ചു. ഇന്ത്യയിലെ മികച്ച പത്രാധിപർക്ക് ഇന്ത്യൻ എക്സ്പ്രസ് ഏർപ്പെടുത്തിയ ബി.ഡി.ഗോയങ്ക അവാർഡ് , ഫൗണ്ടേഷൻ ഫോർ ഫ്രീഡം ഓഫ് ഇൻഫർമേഷൻ അവാർഡ്,പത്രരംഗത്തെ ദീർഘ കാലത്തെ വിശിഷ്ട സേവനത്തിനുള്ള കേരള പ്രസ് അക്കാദമിയുടെ പ്രഥമ പുരസ്കാരം,സ്വദേശാഭിമാനി പുരസ്കാരം,ദേശീയോദ്ഗ്രഥനത്തിനുള്ള രാമകൃഷ്ണ ജയ് ദയാൽ ഹാർമണി അവാർഡ് തുടങ്ങി മറ്റ് ഒട്ടേറെ പുരസ്കാരങ്ങളും അദ്ദേഹം നേടിയിട്ടുണ്ട്.

കൃതികൾ

'എട്ടാമത്തെ മോതിരം' - കെ.എം. മാത്യുവിന്റെ ആത്മകഥ

ആത്മകഥയായ 'എട്ടാമത്തെ മോതിരം' ,പത്നി മിസ്സിസ്. വിയോഗത്തെത്തുടർന്ന് എഴുതിയ 'അന്നമ്മ എന്ന ഓർമ്മപ്പുസ്തകം' എന്നിവയാണ് കൃതികൾ.