പാർഡസ് (ഓപ്പറേറ്റിങ് സിസ്റ്റം)

Pardus

പ്രമാണം:Pardus-tescil Linux logo.svg
Pardus 2011.1 Dama Dama
നിർമ്മാതാവ്	Scientific and Technological Research Council of Turkey (TÜBİTAK)
ഒ.എസ്. കുടുംബം	Unix-like
തൽസ്ഥിതി:	Current
സോഴ്സ് മാതൃക	Open source
ലഭ്യമായ ഭാഷ(കൾ)	Turkish, English
കേർണൽ തരം	Monolithic kernel
യൂസർ ഇന്റർഫേസ്'	KDE Plasma Desktop
സോഫ്റ്റ്‌വെയർ അനുമതി പത്രിക	Various
വെബ് സൈറ്റ്	www.pardus.org.tr

തുർക്കി ഗവൺമെന്റിന്റെ പിന്തുണയോടെ വികസിപ്പിച്ചെടുത്ത ഒരു ലിനക്സ് വിതരണമാണ് പാർഡസ്. പാർഡസിന്റെ പ്രധാന ശ്രദ്ധ കേന്ദ്രീകരിക്കുന്നത് ഓഫീസ് സംബന്ധമായ ജോലികളിലാണ്, തുർക്കി സർക്കാർ ഏജൻസികൾക്ക് ഉപയോഗിക്കാവുന്നതുൾപ്പെടെ. എന്നിരുന്നാലും, പാർഡസ് പല ഭാഷകളിലും ലഭ്യമാണ്. എളുപ്പത്തിൽ ഉപയോഗിക്കാം എന്നതിനാലും സൗജന്യമായി ലഭിക്കും എന്നതിനാലും ലോകത്തെമ്പാടുമുള്ള ധാരാളം കമ്മ്യൂണിറ്റികൾ ഇത് ഏറ്റെടുത്തിട്ടുണ്ട്.

വികസനം

ടർക്കിഷ് നാഷണൽ റിസർച്ച് ഇൻസ്റ്റിറ്റ്യൂട്ട് ഓഫ് ഇലക്ട്രോണിക്സ് ആന്റ് ക്രിപ്റ്റോളജിയും (UEKAE) തുർക്കി ശാസ്ത്ര ഗവേഷണ കൗൺസിലിന്റെ (TÜBİTAK) ഒരു വിഭാഗവും ചേർന്നാണ് പാർഡസ് പദ്ധതി ആരംഭിച്ചത്.

പാർഡസിന്റെ ആദ്യത്തെ ലൈവ് സിഡി പതിപ്പ് ജെന്റു ലിനക്സിന്റെ ഒരു പരിഷ്കൃത പതിപ്പായിരുന്നു. നിലവിലുള്ള പതിപ്പ് ഡെബിയന്റെ പരിഷ്കൃത പതിപ്പാണ്.

പിസി പാക്കേജ് മാനേജ്മെന്റ്

പിസി (ഉദ്ദേശിച്ചത് പോലെ പാക്കേജുകൾ വിജയകരമായി ഇൻസ്റ്റാൾ ചെയ്തു എന്ന അർത്ഥം വരുന്ന ഇംഗ്ലീഷ് വാചകത്തിലെ വാക്കുകളുടെ ആദ്യാക്ഷരങ്ങൾ ചേർന്നത്; പുള്ളിപ്പുലിയുടെ വർഗ്ഗനാമമുള്ള പാർഡസ് ലിനക്സ് വിതരണത്തിന്റെ പേരിനെ അപേക്ഷിച്ച് തമാശരൂപേണയായി, "പൂച്ചക്കുട്ടി" എന്ന് തുർക്കിയിൽ അർത്ഥം വരുന്നത്.) പാർഡസിനു വേണ്ടി വികസിപ്പിച്ച ഒരു പാക്കേജ് മാനേജ്മെൻറ് സംവിധാനമാണ്. വിതരണത്തിന്റെ ആദ്യപതിപ്പുകളിൽ ഇത് ഉപയോഗിച്ചിരുന്നു, എന്നാൽ പ്രോജക്റ്റ് ഡെബിയന്റെ അടിത്തറയിലേക്ക് നീങ്ങിയതിനാൽ ആപ്റ്റിന് അനുകൂലമായി ഉപേക്ഷിച്ചു. 2011 സെപ്റ്റംബർ 19ന് പുറത്തിറക്കിയ പാർഡസ് 2011.2 ആണ് പിസി ഉപയോഗിച്ച അവസാന പാർഡസ് പതിപ്പ്.

യാലി

യാലിയാണ് (ഇനിയും മറ്റൊരു ലിനക്സ് ഇൻസ്റ്റാളർ എന്ന അർത്ഥം വരുന്ന ഇംഗ്ലീഷ് വാചകത്തിലെ വാക്കുകളുടെ ആദ്യാക്ഷരങ്ങൾ ചേർന്നത്) ഒരു ഉപയോക്താവ് നേരിടുന്ന ആദ്യ പാർഡസ് സോഫ്റ്റ്‌വെയർ. അടിസ്ഥാനപരമായി, ഇത് ഹാർഡ്‌വെയറിനെ തിരിച്ചറിയുകയും ഇൻസ്റ്റാളേഷൻ മാധ്യമത്തിൽ നിന്ന് (അതായത് സിഡി) ഉപയോക്താവ് തിര‍ഞ്ഞെടുത്ത ഒരു ഹാർഡ് ഡിസ്ക് പാർട്ടീഷനിലേക്ക് ഇൻസ്റ്റാൾ ചെയ്യുകയും ചെയ്യുന്നു. ഡിസ്കിൽ ലഭ്യമായ എൻടിഎഫ്എസ് പാർട്ടീഷനുകളുടെ വ്യാപ്തി കൈകാര്യം ചെയ്യാൻ യാലിക്ക് കഴിയും.

കേപ്റ്റൻ

ഓപ്പറേറ്റിങ് സിസ്റ്റം പ്രവർത്തനം ആരംഭിക്കുമ്പോൾ തന്നെ തുടങ്ങുന്ന ഒരു ഡെസ്ക്ടോപ്പ് ഗ്രീറ്ററാണ് കേപ്റ്റൻ. മൌസ്, കീബോഡ്, ഭാഷാ സജ്ജീകരണങ്ങൾ, സമയവും തീയതിയും, കെഡിഇ മെനുകൾ, വാൾപേപ്പറുകൾ, പാക്കേജ് മാനേജർ സജ്ജീകരണങ്ങൾ, സ്മോൾട്ട്, ഡസ്ക്ടോപ്പുകളുടെ എണ്ണം എന്നിവ മാറ്റുന്നതിന് ഒരു ഉപയോക്താവിനെ ഇത് സഹായിക്കുന്നു. കേപ്റ്റൻ എന്ന പദത്തിന് തുർക്കിയിൽ കപ്പിത്താൻ എന്നാണ് അർഥം.

സ്വീകാര്യത

2006ൽ ആ വർഷത്തിൽ അത് വരെയുള്ളതിൽ തന്നെ ഏറ്റവും അധികം സംപ്രീതനാക്കിയ വിതരണങ്ങളിലൊന്നാണ് പാർഡസ് എന്ന് ഡിസ്ട്രോവാച്ചിന്റെ സ്രഷ്ടാവായ ലാഡിസ്ലാവ് ബോഡ്നാർ ലിനക്സ്/*നിക്സിൽ എഴുതി.

ലിനക്സ് യൂസർ ആൻഡ് ഡെവലപ്പറിന്റെ രചയിതാവായ ദിമിത്രി പൊപോവ്, പാർഡസ് 2011 ബീറ്റ ആ വർഷത്തിലെ ഏറ്റവും അതിശയിപ്പിക്കുന്ന   വിതരണം ആണെന്ന് വിശേഷിപ്പിച്ചു.

സാമൂഹിക പരിപാടികളും പങ്കാളിത്തവും

• ഗൂഗിൾ സമ്മർ ഓഫ് കോഡ് 2008ലും 2009ലും പാർഡസ് പങ്കെടുത്തു.
  
• 2006, 2008, 2009, 2010, 2011 എന്നീ വർഷങ്ങളിൽ സീബിറ്റ് യുറേഷ്യയിൽ പാർഡസ് പങ്കെടുത്തിരുന്നു.
  

പാർഡസ് അധിഷ്ഠിത വിതരണങ്ങൾ

2013 ഏപ്രിൽ 12-ന് ഡെബിയൻ അടിസ്ഥാനമാക്കിയുള്ള പാർഡസ് കമ്മ്യൂണിറ്റി പതിപ്പ് പുറത്തിറങ്ങി.

പിസി അടിസ്ഥാനമാക്കിയ പർഡസിൽ നിന്നും പിസി ലിനക്സ്, പാർഡസ്-ആൻക പ്രോജക്ടും രൂപപ്പെട്ടു. ഒരു കൂട്ടം സന്നദ്ധസേവകർ ചേർന്ന് പിസിയും പാർസിന്റെ മറ്റ് ഫീച്ചറുകളും സ്വതന്ത്രമായി വികസിപ്പിക്കുക എന്ന ലക്ഷ്യത്തോടെ പ്രവർത്തിക്കുന്നു.

പിസി ലിനക്സ് രണ്ടു പുതിയ പതിപ്പുകൾ പുറത്തിറക്കി. പിസി, കേപ്റ്റൻ എന്നിവയുടെ പുതുക്കിയ പതിപ്പുകൾ ഉൾപ്പെടുന്ന ഈ പതിപ്പുകൾ, പാർഡസ് 2011.2 64 ബിറ്റ് പതിപ്പിന്റെ നേരിട്ടുള്ള തുടർച്ചയാണ്.