പാതാളക്കരണ്ടി

വിക്കിപീഡിയ, ഒരു സ്വതന്ത്ര വിജ്ഞാനകോശം.
പാതാളക്കരണ്ടി

അബദ്ധത്തിൽ കിണറ്റിൽ വീഴുന്ന തൊട്ടിയും മറ്റും പുറത്തെടുക്കാൻ വേണ്ടി ദക്ഷിണഭാരതത്തിൽ ഉപയോഗിക്കുന്ന ഒരു ഉപകരണമാണ് പാതാളക്കരണ്ടി (Grapnel hook). ഏകദേശം നങ്കൂരത്തിന്റെ ആകൃതിയിൽ ഒരു കിലോ ഭാരത്തിൽ ഇരുമ്പുകൊണ്ട് നിർമ്മിച്ചതും നിരവധി കൊളുത്തുകളുള്ളതുമായ ഈ ഉപകരണം തുറന്നതും ആഴമേറിയതുമായ കിണറുകളിൽ നിന്നും സാധനങ്ങൾ എടുക്കുന്നതിനാണ് ഉപയോഗിക്കുന്നത്. പാതാളക്കരണ്ടി കയറിൽ കെട്ടി കിണറ്റിലിറക്കി, വീണ വസ്തുവിൽ കുടുക്കിയാണ് അത് പുറത്തേക്കെടുക്കുന്നത്. കിണറുകളിൽനിന്നും തൊട്ടി ഉപയോഗിച്ച് വെള്ളം കോരിയെടുക്കുന്ന രീതിയുടെ പ്രചാരം കുറയുന്നതിനനുസരിച്ച് പാതാളക്കരണ്ടിയുടെ ലഭ്യതയും കുറഞ്ഞുവന്നിട്ടുണ്ട്.

മറ്റു് പ്രയോഗങ്ങൾ[തിരുത്തുക]

ഇന്റർനെറ്റിൽ മറ്റു പ്രമുഖ സെർച്ച് എഞ്ചിനുകൾ ഉപയോഗിച്ച് യുണികോഡ് മലയാളം ഉപയോഗിച്ച് പ്രസിദ്ധീകരിക്കുന്ന വെബ് പേജുകളും ബ്ലോഗുകളും മാത്രമായി സ്വയമേവ തെരഞ്ഞുപിടിക്കുന്നതിനു് ഏകദേശം 2005-ൽ രൂപകല്പന ചെയ്ത സംവിധാനം "പാതാളക്കരണ്ടി" എന്നാണു് മലയാളി ഇന്റർനെറ്റ് ഉപയോക്താക്കൾക്കിടയിൽ അറിയപ്പെട്ടിരുന്നതു്.

അവലംബം[തിരുത്തുക]

"https://ml.wikipedia.org/w/index.php?title=പാതാളക്കരണ്ടി&oldid=2612012" എന്ന താളിൽനിന്നു ശേഖരിച്ചത്