നർവ നദി

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
നർവ
Narva jõgi 1999.jpg
ഹെർമൻ കോട്ടയ്ക്കും ഇവാംഗോറോഡ് കോട്ടയ്ക്കും ഇടയിൽ ഒഴുകുന്ന നാർവ
Narva basin map.svg
നാർവ നദിയുടെയും പെയ്‌പ്‌സി തടാകങ്ങളുടെയും ഭൂപടം
നദിയുടെ പേര്Estonian: Narva jõgi
Russian: Нарва
Countryഎസ്റ്റോണിയ, റഷ്യ
Citiesനർവ, ഇവാംഗോറോഡ്, നർവ-ജീസു
Physical characteristics
പ്രധാന സ്രോതസ്സ്പെയ്‌പ്‌സി തടാകം
30 m (98 ft)
58°59′14″N 27°43′50″E / 58.98722°N 27.73056°E / 58.98722; 27.73056
River mouthNarva Bay in Finnish Gulf
0 m (0 ft)
59°28′14″N 28°02′37″E / 59.47056°N 28.04361°E / 59.47056; 28.04361Coordinates: 59°28′14″N 28°02′37″E / 59.47056°N 28.04361°E / 59.47056; 28.04361
നീളം77 കി.m (48 mi)
Discharge
  • Average rate:
    400 m3/s (14,000 cu ft/s)
Basin features
Basin size56,225 കി.m2 (6.0520×1011 sq ft)
പോഷകനദികൾ
  • Left:
    ജാമ, പോരുണി, മുസ്തജാഗി
  • Right:
    പ്ലൂസ, റോസൺ
Basin countriesറഷ്യ (62.9%), എസ്റ്റോണിയ (30.5%), ലാത്വിയ (6.6%),[1] ബെലാറസ് (minute share)(see map)

നരോവ എന്നുമറിയപ്പെടുന്ന നർവ നദി ബാൾട്ടിക് കടലിലേക്ക് ഒഴുകുന്ന എസ്റ്റോണിയയിലെ ഏറ്റവും വലിയ നദിയാണ്. പീപ്സ് തടാകം ഒഴുകുന്ന ഈ നദി എസ്റ്റോണിയയുടെയും റഷ്യയുടെയും അതിർത്തിയായി മാറുകയും നർവ / ഇവാംഗോറോഡ്, നാർവ-ജീസു എന്നീ പട്ടണങ്ങളിലൂടെ നാർവ ബേയിലേക്ക് ഒഴുകുകയും ചെയ്യുന്നു. നദിക്ക് 77 കിലോമീറ്റർ (48 മൈൽ) മാത്രമേ നീളമുള്ളൂവെങ്കിലും, ഡിസ്ചാർജ് ചെയ്തതിന്റെ അടിസ്ഥാനത്തിൽ ഫിൻ‌ലാൻ‌ഡ് ഉൾക്കടലിലേക്ക് ഒഴുകുന്ന രണ്ടാമത്തെ വലിയ നദിയാണിത്. നർവ സംസ്കാരത്തിനും നർവ നഗരത്തിനും ഈ നദി അതിന്റെ പേര് നൽകുന്നു.

പദോല്പത്തി[തിരുത്തുക]

നർവ എന്ന നാമത്തിന്റെ പദോൽപ്പത്തി വ്യക്തമല്ല. പക്ഷേ ഏറ്റവും സാധാരണമായ സിദ്ധാന്തമനുസരിച്ച് ഇത് വെള്ളച്ചാട്ടം അല്ലെങ്കിൽ അരുവി എന്നർത്ഥം വരുന്ന നർവ എന്ന വെപ്സിയൻ പദത്തിൽ നിന്നാണ് ഉത്ഭവിച്ചതെന്ന് കരുതുന്നു.[2]

ഭൂമിശാസ്ത്രം[തിരുത്തുക]

ഹെർമൻ കോട്ടയ്ക്കും ഇവാംഗോറോഡ് കോട്ടയ്ക്കും ഇടയിൽ നർവ ഒഴുകുന്നു

പൈപസ് തടാകത്തിന്റെ വടക്കുകിഴക്കൻ അറ്റത്ത്, വാസ്‌ക്നർവ (എസ്റ്റോണിയ), സ്കൈമ്യ (റഷ്യ) ഗ്രാമങ്ങൾക്ക് സമീപമാണ് നർവ നദിയുടെ ഉറവിടം. നദിയുടെ മുകൾ ഭാഗത്ത് കുറച്ച് ചെറിയ ഗ്രാമങ്ങൾ കൂടി കാണപ്പെടുന്നു. ഉദാഹരണത്തിന് എസ്റ്റോണിയൻ ഭാഗത്ത് പെർമിസ്കലയും കുനിങ്കകളയും റഷ്യൻ ഭാഗത്ത് ഒമുതിയും കാണപ്പെടുന്നു. എന്നാൽ നർവ നഗരം വരെ നദിയുടെ തീരങ്ങൾ കൂടുതലും വനപ്രദേശമോ ചതുപ്പുനിലമോ ആണ്. നദി നർ‌വയിലേക്കും ഇവാൻ‌ഗോറോഡിലേക്കും പ്രവേശിച്ച് നർ‌വ ജലസംഭരണി രൂപപ്പെടുന്നു. ഇത് 38 കിലോമീറ്റർ (24 മൈൽ) നദിയുടെ ഒഴുക്കിനെതിരായി മുകളിലേക്ക് വ്യാപിക്കുന്നു.[3]എസ്റ്റോണിയൻ പട്ടണത്തിനടുത്തുള്ള നർവയ്ക്കും ഇവാൻഗോറോഡിനും ശേഷം നദിയിലെ മൂന്നാമത്തെ വലിയ അധിവസിതപ്രദേശം ആയ നാർവ-ജീസുവിനടുത്തുള്ള നാർവ ബേയിലേക്ക് നർവ ഒഴുകിയെത്തുന്നു.

വലതുവശത്ത് നിന്ന് നാർവ റിസർവോയറിൽ നർവയുമായി ചേരുന്ന ഏറ്റവും വലിയ പോഷകനദിയാണ് പ്ലൂസ.

വെള്ളച്ചാട്ടം[തിരുത്തുക]

നർവ വെള്ളച്ചാട്ടം (കിഴക്കൻ ഭാഗം) ഉത്‌പത്തിസ്ഥാനത്ത് 2010

നാർവയ്ക്കും ഇവാൻഗോറോഡിനുമിടയിൽ ബാൾട്ടിക് ക്ലിന്റിന് മുകളിലൂടെ നദി ഒഴുകുന്നു, ഇത് യൂറോപ്പിലെ ഏറ്റവും ശക്തമായിരുന്ന നാർവ വെള്ളച്ചാട്ടമായി മാറുന്നു. [4]വെള്ളച്ചാട്ടത്തിൽ എത്തുന്നതിനുമുമ്പ് ക്രെൻഹോം ദ്വീപ് അതിനെ രണ്ട് ശാഖകളായി വിഭജിക്കുന്നു. അതിനാൽ വെള്ളച്ചാട്ടം രണ്ട് ഭാഗങ്ങളാണുള്ളത്. ദ്വീപിന്റെ പടിഞ്ഞാറ് ഭാഗത്തുള്ള ക്രെൻഹോം വെള്ളച്ചാട്ടത്തിന് 60 മീറ്റർ (200 അടി) വീതിയും 6.5 മീറ്റർ (21 അടി) ഉയരവുമുണ്ട്. കിഴക്ക് ജോവാല വെള്ളച്ചാട്ടം 110 മീറ്റർ (360 അടി) വീതിയും 6.5 മീറ്റർ (21 അടി) ഉയരവുമാണ്. എസ്റ്റോണിയൻ-റഷ്യൻ അതിർത്തി കിഴക്കൻ ശാഖയെ പിന്തുടർന്ന് ജോവാല വെള്ളച്ചാട്ടത്തിലൂടെ പോകുന്നു.[4]

1955-ൽ നാർവ റിസർവോയർ സൃഷ്ടിച്ചതുമുതൽ, വെള്ളച്ചാട്ടങ്ങൾ സാധാരണയായി വരണ്ടതാണ്. പക്ഷേ എല്ലാ വർഷവും കുറച്ച് ദിവസങ്ങൾ വരെ ചാനലിൽ വെള്ളം ഒഴുകാൻ അനുവദിച്ചിരിക്കുന്നു. അതിർത്തി മേഖലയിൽ സ്ഥിതിചെയ്യുന്നതിനാൽ എസ്റ്റോണിയൻ ഭാഗത്ത് ചുറ്റുമുള്ള പ്രദേശം ക്രെൻഹോം മാനുഫാക്ചറിംഗ് കമ്പനിയുടെ ഉടമസ്ഥതയിലുള്ള അടച്ച വ്യാവസായിക ഭൂമിയായതിനാൽ വെള്ളച്ചാട്ടങ്ങളിലേക്കുള്ള പ്രവേശനം ബുദ്ധിമുട്ടാണ്.

ചരിത്രം[തിരുത്തുക]

അഞ്ചാം നൂറ്റാണ്ട് മുതൽ പതിനൊന്നാം നൂറ്റാണ്ട് വരെ വൈക്കിംഗ് കാലഘട്ടത്തിൽ നാർവ ഒരു വ്യാപാര മാർഗ്ഗമായി ഉപയോഗിച്ചു. വരൻജിയക്കാരിൽ നിന്ന് ഗ്രീക്കുകാരിലേക്കുള്ള വ്യാപാര പാതയുടെ ഒരു ഭാഗമായിരുന്നു ഇത്. [5]

നർവ നൂറ്റാണ്ടുകളായി ഒരു പ്രധാന അതിർത്തി നദിയാണ്. പതിമൂന്നാം നൂറ്റാണ്ടിന്റെ ആരംഭത്തിൽ ഇത് മധ്യകാല ലിവോണിയയുടെയും നോവ്ഗൊറോഡ് റിപ്പബ്ലിക്കിന്റെയും അതിർത്തിയായിരുന്നു. [6] മുൻ കാലഘട്ടങ്ങളിൽ നർവ രണ്ട് പ്രദേശങ്ങൾക്കിടയിലുള്ള ഒരു വലിയ ബഫർ സോണിന്റെ ഭാഗമായിരുന്നുവെങ്കിലും ക്രമേണ നദി കൃത്യമായ അതിർത്തിയായി ഉയർന്നു.[6]നദീതീരത്ത് നിർമ്മിച്ച കോട്ടകൾ (14-ആം നൂറ്റാണ്ടിന്റെ തുടക്കത്തിൽ സ്ഥാപിതമായ നർവ ഹെർമൻ കോട്ട, 1492-ൽ സ്ഥാപിതമായ ഇവാംഗോറോഡ് കോട്ട, 14-ആം നൂറ്റാണ്ടിൽ ആദ്യമായി നിർമ്മിച്ച വാസ്‌ക്നർവ കോട്ട എന്നിവ) നദിയുടെ പിന്നിലാണെന്നുള്ളത് പ്രധാന കാരണങ്ങളിലൊന്നാണ്. ലിവോണിയൻ ഓർഡറും നോവ്ഗൊറോഡ് റിപ്പബ്ലിക്കും തമ്മിലുള്ള പതിനഞ്ചാം നൂറ്റാണ്ടിലെ ഉടമ്പടികളും നർവയെ അതിർത്തിയായി അംഗീകരിക്കുന്നു.[6]

ഗ്രന്ഥസൂചിക[തിരുത്തുക]

  • Feršel, Anne-Ly (2010). The River Narva (PDF). Estonian Environmental Board. ISBN 978-9949-9057-4-4. മൂലതാളിൽ (PDF) നിന്നും 3 ഡിസംബർ 2013-ന് ആർക്കൈവ് ചെയ്തത്. ശേഖരിച്ചത് 14 ഫെബ്രുവരി 2013.

അവലംബം[തിരുത്തുക]

  1. Nõges, Peeter; Järvet, Arvo (2005). "Climate driven changes in the spawning of roach and bream in the Estonian part of the Narva River basin" (PDF). Boreal Environment Research. 10.
  2. "Formation of city". Narva Museum. ശേഖരിച്ചത് 11 ജനുവരി 2009.
  3. "Sada aastat Narva jõe äravoolu mõõtmisi". Eesti Loodus (ഭാഷ: എസ്റ്റോണിയൻ). ശേഖരിച്ചത് 11 ജനുവരി 2009.
  4. 4.0 4.1 Suuroja, Kalle (2005). Põhja-Eesti klint (ഭാഷ: എസ്റ്റോണിയൻ). Eesti Geoloogiakeskus. ISBN 9985-815-53-X.
  5. "Narva - History". ശേഖരിച്ചത് 13 ഫെബ്രുവരി 2009.
  6. 6.0 6.1 6.2 Selart, Anti (1996). "Narva jõgi - Virumaa idapiir keskajal". Akadeemia (ഭാഷ: എസ്റ്റോണിയൻ). 8 (12).

"https://ml.wikipedia.org/w/index.php?title=നർവ_നദി&oldid=3257307" എന്ന താളിൽനിന്ന് ശേഖരിച്ചത്