നാഗവള്ളി ആർ.എസ്. കുറുപ്പ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
Nuvola camera.svg ഈ ലേഖനത്തിനു മിഴിവേകാൻ ചിത്രങ്ങൾ ചേർക്കുന്നത് നന്നായിരിക്കും. താങ്കളുടെ കൈവശം സ്വതന്ത്ര ചിത്രങ്ങൾ ഉണ്ടെങ്കിൽ ദയവായി അത് വിക്കിപീഡിയയിലേക്ക് അപ്‌ലോഡ് ചെയ്യുകയും ലേഖനത്തിൽ ചേർക്കുകയും ചെയ്യുക.
നാഗവള്ളി ആർ.എസ്. കുറുപ്പ്
Born1917
Died2003 ഡിസംബർ 27
Spouseഎൻ.രാജമ്മ
Childrenനടൻ വേണു നാഗവളളി അടക്കം 4 മക്കൾ

നോവലിസ്റ്റ്, കഥാകാരൻ എന്നീ നിലകളിൽ പ്രശസ്തനായ ഒരു മലയാളം സാഹിത്യകാരനായിരുന്നു നാഗവള്ളി ആർ. ശ്രീധരക്കുറുപ്പ് എന്ന നാഗവള്ളി ആർ.എസ്. കുറുപ്പ് . ചലച്ചിത്രനടൻ, പിന്നണിപ്രവർത്തകൻ എന്നീ നിലകളിലും ഇദ്ദേഹം ശ്രദ്ധേയനായിരുന്നു. പ്രമുഖ ചലച്ചിത്രനടനായിരുന്ന വേണു നാഗവളളി ഇദ്ദേഹത്തിന്റെ പുത്രനാണ്.

വ്യക്തിജീവിതം[തിരുത്തുക]

രാമക്കുറുപ്പിന്റെയും കുട്ടിയമ്മയുടെയും മകനായി 1917-ൽ ആലപ്പുഴ ജില്ലയിലെ കുട്ടനാട്ടിൽ ജനിച്ചു. 1937-ൽ ബി.എ.ബിരുദം നേടി. ആദ്യം ഇന്ത്യൻ ബാങ്കിൽ ഉദ്യോഗസ്ഥനായി ജോലിയിൽ പ്രവേശിച്ചു. പിന്നീട്‌ ആലപ്പുഴ എസ്‌.ഡി. വിദ്യാലയത്തിൽ അധ്യാപകനും, എസ്‌.ഡി.കോളേജിൽ മനഃശാസ്‌ത്ര വിഭാഗം ലക്‌ചററും ആയി ജോലി നോക്കി. 1956-ൽ ആകാശവാണി തിരുവനന്തപുരം നിലയത്തിൽ ജോലിയിൽ പ്രവേശിച്ചു. 1977-ൽ വിരമിച്ചു. ശശിധരൻ, ചന്ദ്രിക, ന്യൂസ്‌പേപ്പർബോയ് എന്നീ ചിത്രങ്ങളിൽ അഭിനയിച്ചിട്ടുണ്ട്.രണ്ടുജന്മം എന്ന ഒരു ചിത്രം സംവിധാനം ചെയ്തിട്ടുമുണ്ട്.[1] 2003 ഡിസംബർ 27-ന്‌ അന്തരിച്ചു.[2]

എൻ.രാജമ്മയാണ് ഭാര്യ. വേണു നാഗവളളി അടക്കം 4 മക്കൾ.

കൃതികൾ[തിരുത്തുക]

നാടകങ്ങളും ലേഖനങ്ങളുമായി 27-ൽ പരം പുസ്തകങ്ങളുടെ കർത്താവാണിദ്ദേഹം. അനേകം ചിത്രങ്ങൾക്കു വേണ്ടി കഥയും തിരക്കഥയും രചിച്ചിട്ടുണ്ട്.[1][3]

  • ആണുംപെണ്ണും
  • രണ്ടുലോകം
  • ചുമടുതാങ്ങി
  • നാഴികമണി
  • ദലമർമ്മരം
  • പമ്പവിളക്ക്‌
  • മിണ്ടാപ്രാണികൾ
  • കല്യാണം കളിയല്ല
  • പൊലിഞ്ഞ ദീപം
  • ആഭിജാത്യം
  • ശവപ്പെട്ടി
  • ഇന്ത്യയുടെ മറുപടി
  • ആരുടെ വിജയം
  • ചലച്ചിത്രകല
  • സോഷ്യലിസത്തിലേക്ക്‌ ഒരെത്തിനോട്ടം
  • കഥ
  • ഡകാമറൺ (ഇറ്റാലിയൻ ചെറുകഥാസമാഹാരത്തിന്റെ തർജ്ജമ) [4]
  • വ്യാസൻ, വാല്‌മീകി [5][6]
  • തോട്ടി [7]

പുരസ്കാരങ്ങൾ[തിരുത്തുക]

സമഗ്രസംഭാവനയ്ക്കുള്ള 1997-ലെ കേരള സാഹിത്യ അക്കാദമി പുരസ്കാരം.[8]

പുറത്തേയ്ക്കുള്ള കണ്ണികൾ[തിരുത്തുക]

അവലംബം[തിരുത്തുക]

  1. 1.0 1.1 മലയാളസംഗീതം.ഇൻ[പ്രവർത്തിക്കാത്ത കണ്ണി] വ്യക്തിവിശേഷം
  2. http://malayalam.oneindia.in/news/2003/12/27/ker-nagavalli.html
  3. http://www.m3db.com/node/22389
  4. "ആർക്കൈവ് പകർപ്പ്". മൂലതാളിൽ നിന്നും 2016-03-04-ന് ആർക്കൈവ് ചെയ്തത്. ശേഖരിച്ചത് 2012-08-13.
  5. "ആർക്കൈവ് പകർപ്പ്". മൂലതാളിൽ നിന്നും 2016-03-04-ന് ആർക്കൈവ് ചെയ്തത്. ശേഖരിച്ചത് 2012-08-13.
  6. http://ebooks.mtsindia.in/ebook/index/search/view_all_ebooks/author/105370/Nagavalli-R--S--Kurup[പ്രവർത്തിക്കാത്ത കണ്ണി]
  7. "ആർക്കൈവ് പകർപ്പ്". മൂലതാളിൽ നിന്നും 2016-03-04-ന് ആർക്കൈവ് ചെയ്തത്. ശേഖരിച്ചത് 2012-08-13.
  8. സമഗ്രസംഭാവനയ്ക്കുള്ള കേരള സാഹിത്യ അക്കാദമി പുരസ്കാരം ലഭിച്ചവർ.