ഉള്ളടക്കത്തിലേക്ക് പോവുക

നസിയാ ഹസൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
നസിയാ ഹസൻ
നസിയാ ഹസൻ
നസിയാ ഹസൻ
പശ്ചാത്തല വിവരങ്ങൾ
ജനനം(1965-04-03)3 ഏപ്രിൽ 1965
കറാച്ചി, സിന്ധ്, പാകിസ്താൻ
ഉത്ഭവംകറാച്ചി, സിന്ധ്, പാകിസ്താൻ
മരണം13 ഓഗസ്റ്റ് 2000(2000-08-13) (35 വയസ്സ്)
ലണ്ടൻ, യു. കെ.
വിഭാഗങ്ങൾപോപ്‌ സംഗീതം, പാകിസ്താനി പോപ്
തൊഴിൽ(കൾ)ഗായിക, അഭിഭാഷക, യു. എൻ. രാഷ്ട്രീയ നിരീക്ഷക (1992–94)
ഉപകരണ(ങ്ങൾ)വായ്പ്പാട്ട്
വർഷങ്ങളായി സജീവം1980–1992
ലേബലുകൾEMI Records

പാകിസ്താനിലെ പോപ് ഗായികയും സിനിമാ പിന്നണിഗായികയും ഗാനരചയിതാവും സാമൂഹ്യപ്രവർത്തകയും അഭിഭാഷകയുമായിരുന്നു നസിയാ ഹസൻ. കറാച്ചിയിൽ ജനിച്ചു (ജീവിതകാലം: 3 ഏപ്രിൽ 1965 - 13 ആഗസ്റ്റ് 2000).[1] 10 വയസ്സുള്ളപ്പോൾ ആരംഭിച്ച തന്റെ സംഗീതജീവിതത്തിൽ ഇന്ത്യയിലെയും പാകിസ്താനിലെയും ഏറ്റവും അറിയപ്പെടുന്ന സംഗീതജ്ഞരിൽ ഒരാളായി അവർ മാറി. ദക്ഷിണേഷ്യയിലും തെക്കു കിഴക്കനേഷ്യയിലും വ്യാപകമായ ജനപ്രീതിനേടിയ നസിയ ദക്ഷിണേഷ്യയിലെ പോപ് സംഗീതറാണിയായി വാഴ്ത്തപ്പെട്ടു.[2][3] ഇന്ത്യൻ ചിത്രമായ ഖുർബാനിയ്ക്ക് (1980) വേണ്ടി "ആപ് ജൈസാ കോയി" എന്നു തുടങ്ങുന്ന പ്രശസ്ത ഗാനം ആലപിച്ചത് നസിയാ ഹസൻ ആണ്. നസിയായുടെ ആദ്യ സംഗീത ആൽബം "ഡിസ്കോ ദീവാനി" ആണ്. 1981 ൽ പുറത്തിറങ്ങിയ ഇത് ലോകമെമ്പാടുമുള്ള പതിനാല് രാജ്യങ്ങളിൽ ചാർട്ടിൽ ഇടം നേടി, അക്കാലത്ത് ഏറ്റവും കൂടുതൽ വിറ്റഴിക്കപ്പെട്ട ഏഷ്യൻ പോപ്പ് റെക്കോർഡായി മാറുകയും ചെയ്തു.[4][5] ആ ആൽബത്തിൽ ഇംഗ്ലീഷ് ഭാഷയിലുള്ള "ഡിസ്കോ ദീവാനെ" എന്ന സിംഗിൾ ഉണ്ടായിരുന്നു, ഇത് ബ്രിട്ടീഷ് ചാർട്ടുകളിൽ ഇടം നേടിയ ആദ്യത്തെ പാകിസ്ഥാൻ ഗായികയായി അവരെ പ്രതിഷ്ഠിച്ചു.[6] 1980 കളിൽ സഹോദരനും ഗായകനുമായ സൊഹൈബ് ഹസനുമായി ചേർന്ന് ലോകമെമ്പാടുമായി 65 ദശലക്ഷത്തിലധികം റെക്കോർഡുകൾ വിറ്റു.[7][8][9][10][11]

അവരുടെ വിജയകരമായ സംഗീതജീവിതം 25 വർഷങ്ങളിലൂടെ കടന്നുപോയപ്പോൾ നസിയ ഹസൻ ഇന്ത്യൻ ഉപഭൂഖണ്ഡത്തിലെ ഏറ്റവും ജനപ്രീതിയുള്ള സംഗീതജ്ഞരിൽ ഒരാളായി മാറിയിരുന്നു. നിരവധി ദേശീയ, അന്തർദേശീയ പുരസ്കാരങ്ങൾ ഇക്കാലത്ത് അവർ കരസ്ഥമാക്കുകയും പതിനഞ്ചാം വയസ്സിൽ ഫിലിം ഫെയർ പുരസ്കാരം നേടിയെടുത്ത ആദ്യ പാകിസ്താനിയായി പരിഗണിക്കപ്പെടുകയും വളരെ ചെറുപ്പകാലത്തുതന്നെ ഈ ബഹുമതി നേടുകയെന്ന ഈ റിക്കാർഡ് ഇക്കാലവും നിലനിൽക്കുകയും ചെയ്യുന്നു. പാകിസ്താനിലെ സിവിലിയൻ ബഹുമതിയായ പ്രൈഡ് ഓഫ് പെർഫോമൻസും അവർക്കു ലഭിച്ചിരുന്നു. ചലച്ചിത്രങ്ങളിൽ പാടുന്നതു കൂടാതെ, നസിയാ ഹസ്സൻ മനുഷ്യസ്നേഹപരമായ പ്രവർത്തനങ്ങളിൽ ഏർപ്പെടുകയും 1991 ൽ യുണിസെഫ് അതിൻറെ സാംസ്കാരിക അംബാസഡർ ആയി അവരെ നിയമിക്കുകയും ചെയ്തു. 2000 ആഗസ്റ്റ് 13 ന് തൻറെ 35 ആമത്തെ വയസ്സിൽ ലണ്ടനിൽവച്ച് ശ്വാസകോശ ക്യാൻസർ ബാധിച്ച് നസിയാ ഹസ്സൻ മരണമടഞ്ഞു.

ആദ്യകാല ജീവിതം

[തിരുത്തുക]

പാകിസ്താനിലെ സിന്ധ് പ്രവിശ്യയിലെ കറാച്ചിയിൽ ജനിച്ച നസിയ കറാച്ചിയിലും ലണ്ടനിലുമാണ് ബാല്യകാലം ചെലവഴിച്ചത്. വ്യവസായിയായ ബാസിർ ഹസന്റെയും സജീവ സാമൂഹിക പ്രവർത്തകയായിരുന്ന മുനിസ ബസീറിന്റെയും മകളായിരുന്നു അവർ. ഗായകരായ സോഹെബ് ഹസ്സന്റെയും സാറ ഹസന്റെയും സഹോദരിയായിരുന്നു അവർ.[12]

കരിയർ

[തിരുത്തുക]
1994-ൽ മുംബൈയിൽ ബിദ്ദുവിനും മറ്റുള്ളവർക്കുമൊപ്പം നാസിയ.

പതിനഞ്ചാമത്തെ വയസ്സിലാണ് നസിയ ഹസ്സന്റെ പ്രൊഫഷണൽ സംഗീത ജീവിതം ആരംഭിച്ചത്. നടി സീനത്ത് അമന്റെ ഒരു ആരാധികയെന്ന നിലയിൽ അമ്മയ്ക്കും സഹോദരനുമൊപ്പം തന്നെ കാണാനെത്തിയപ്പോൾ സീനത്ത് അമൻ ആണ് അവരെ ആദ്യമായി കണ്ടെത്തി. സീനത്ത് അമൻ വഴി, യുണൈറ്റഡ് കിംഗ്ഡത്തിലെ ഒരു പാർട്ടിയിൽ വച്ച് അവർ ചലച്ചിത്ര സംവിധായകൻ ഫിറോസ് ഖാനുമായി കണ്ടുമുട്ടിയതോടെ, പിന്നീട് ലണ്ടനിലെ ഇന്ത്യൻ സംഗീതസംവിധായകനായ ബിദ്ദുവിന്റെ ഖുർബാനി എന്ന ചിത്രത്തിനായി ഓഡിഷനിൽ പങ്കെടുക്കാൻ അദ്ദേഹം അഭ്യർത്ഥിച്ചു. തുടർന്ന് ബിദ്ദു ആ ചിത്രത്തിനായി അദ്ദേഹം രചിച്ച "ആപ് ജൈസ കോയി" എന്ന ഗാനത്തിനായി അവരെ കരാർ ചെയ്തു.[13][14][15] ഈ ഗാനം ഇന്ത്യയിൽ വൻ വിജയമായി മാറിയതോടെ, ഹസ്സൻ പെട്ടെന്ന് അംഗീകാരം നേടി.[16]

ഉടൻ തന്നെ ബിദ്ദുവിനൊപ്പം നിരവധി മറ്റ് പ്രോജക്ടുകളിൽ സഹകരിച്ച ഹസ്സൻ 1981 ൽ ഒരു ആൽബം പുറത്തിറക്കുന്ന ആദ്യത്തെ പിന്നണി ഗായികയായി മാറി. അവരുടെ ആദ്യ ആൽബം ഡിസ്കോ ദീവാനെ ആയിരുന്നു. പാകിസ്ഥാനിലെയും ഇന്ത്യയിലെയും വിൽപ്പന റെക്കോർഡുകൾ തകർത്ത ഈ ആൽബം വെസ്റ്റ് ഇൻഡീസ്, ലാറ്റിൻ അമേരിക്ക, റഷ്യ എന്നിവിടങ്ങളിൽ പോലും ഒന്നാം സ്ഥാനത്തെത്തുകയും ഒരു അന്താരാഷ്ട്ര വിജയമായി മാറുകയും ചെയ്തു. ആ ആൽബം മെഗാ ഹിറ്റായി മാറുകയും ഹസ്സൻ പാകിസ്ഥാനിൽ ഒരു പോപ്പ് ഗായികയായി മാറുകയും ചെയ്തു; ഈ ആൽബത്തിൽ അവരുടെ സഹോദരൻ സോഹൈബ് ഹസ്സന്റെ ആലാപനവും ഉണ്ടായിരുന്നു. നാസിയയും സോഹെബും ഇഎംഐ ഗ്രൂപ്പുമായി കരാർ ഒപ്പുവച്ചതോടെ, ഒരു അന്താരാഷ്ട്ര സംഗീത കമ്പനിയിൽ ഒപ്പുവച്ച ആദ്യത്തെ ദക്ഷിണേഷ്യൻ ഗായികമാരായി.[17] ഡിസ്കോ ദീവാനിയുടെ ആവേശത്തിന്റെ മൂർദ്ധന്യത്തിൽ, പലപ്പോഴും വലിയ ജനക്കൂട്ടത്തെ ആകർഷിച്ച അവർ, 50,000 മുതൽ 100,000 വരെയുള്ള ആളുകൾ കൊൽക്കത്ത വിമാനത്താവളത്തിൽ അവരെ സ്വീകരിക്കാൻ എത്തിയിരുന്നു.[18]

ഡിസ്കോ ദീവാനേ എന്ന ആൽബം പുറത്തിറങ്ങിയതിനുശേഷം, 1982-ൽ സോഹെബിനും അവർക്കും സ്റ്റാർ എന്ന സിനിമയിൽ അഭിനയിക്കാൻ ബിദ്ദു അവസരം നൽകിയെങ്കിലും അവർ അത് നിരസിക്കുകയും പകരം ചിത്രത്തിലെ ഗാനം ആലപിക്കാൻ തീരുമാനിക്കുകയും ചെയ്തു. പിന്നീട് സ്റ്റാർ/ബൂം ബൂം എന്ന ഗാനത്തിന്റെ ആൽബം പുറത്തിറങ്ങി. മികച്ച വനിതാ പിന്നണി ഗായികയ്ക്കുള്ള ഫിലിംഫെയർ അവാർഡിന് അവർ നാമനിർദ്ദേശം ചെയ്യപ്പെട്ടു. ഈ ആൽബം വിജയിച്ചതോടെ, പാകിസ്ഥാനിലും ഇന്ത്യയിലും ഹസ്സന്റെയും സോഹൈബിന്റെയും ജനപ്രീതി പൂർവ്വാധികം വർദ്ധിപ്പിച്ചു.

ഹസ്സന്റെ മൂന്നാമത്തെ ആൽബമായ യങ് തരംഗ് 1984 ൽ പുറത്തിറങ്ങി.[19] ഡേവിഡ് റോസും കാത്തി റോസും ചേർന്ന് ലണ്ടനിൽ നിർമ്മിച്ച മ്യൂസിക് വീഡിയോകൾ ഉൾപ്പെടുത്തിയ പാകിസ്ഥാനിലെ ആദ്യത്തെ ആൽബമായിരുന്നു ഇത്. ഏഷ്യയിലെ ഏറ്റവും ജനപ്രിയമായ ആൽബങ്ങളിൽ ഒന്നായി ഈ ആൽബം മാറി. "ആംഖേ മിലാൻ വാലെ" എന്ന ഗാനം ആ ആൽബത്തിലെ ഒരു ജനപ്രിയ ഗാനമായിരുന്നു. യങ് തരംഗ് എന്ന ആൽബത്തിന്റെ റിലീസിനുശേഷം, അവർ ബോളിവുഡ് സിനിമകളിൽ പിന്നണി ഗായികയായി വീണ്ടും പാടാൻ തുടങ്ങി. അവരുടെ നാലാമത്തെ ആൽബമായ ഹോട്ട്‌ലൈൻ 1987 ൽ പുറത്തിറങ്ങി. ആൽബത്തിലെ ഏറ്റവും ജനപ്രിയമായ ഗാനം ആ ഹാൻ ആയിരുന്നു. 1988-ൽ, അവളും സഹോദരൻ സോഹൈബും സംഗീത മാന്ത്രികൻ സൊഹൈൽ റാണയോടൊപ്പം അദ്ദേഹത്തിന്റെ ടെലിവിഷൻ പരിപാടിയായ സങ് സങ്ങിൽ പ്രത്യക്ഷപ്പെട്ടു.

1989-ൽ, അവരും സോഹൈബും ചേർന്ന് മ്യൂസിക് '89 എന്ന പരിപാടി അവതരിപ്പിച്ചു. ഷോയിബ് മൻസൂർ നിർമ്മിച്ച ഈ പരിപാടി ടെലിവിഷനിൽ സംപ്രേഷണം ചെയ്ത ആദ്യത്തെ പോപ്പ്-മ്യൂസിക് സ്റ്റേജ് ഷോയായിരുന്നു അത്. ഈ പരിപാടി നിരവധി പുതിയ വളർന്നുവരുന്ന ബാൻഡുകളുടെയും ഗായകരുടെയും കരിയറിന് തുടക്കമിട്ടു, പാകിസ്ഥാനിൽ ഇത് ജനപ്രിയമായി. അതേ വർഷം തന്നെ പി.ടി.വിയിൽ ധനക് എന്ന മറ്റൊരു പരിപാടിയ്ക്കും അവർ അവതാരകയായി.

1991-ൽ ഹസ്സനും സഹോദരൻ സോഹൈബും ചേർന്ന് അവരുടെ അഞ്ചാമത്തെ ആൽബമായ ക്യാമറ ക്യാമറ റെക്കോർഡുചെയ്‌തു. ആൽബം പുറത്തിറങ്ങുന്നതിനുമുമ്പ്, അത് അവരുടെ അവസാന ആൽബമായിരിക്കുമെന്ന് അവരും സോഹൈബും പ്രഖ്യാപിച്ചിരുന്നു. 1992-ൽ ആണ് ആൽബം പുറത്തിറങ്ങിയത്. ആൽബം പുറത്തിറങ്ങിയതിനുശേഷം, സ്വകാര്യ ജീവിതത്തിൽ ശ്രദ്ധ കേന്ദ്രീകരിക്കുന്നതിനായി അവർ തന്റെ ഗായിക ജീവിതം ഉപേക്ഷിച്ചു. "മെയ്ഡ് ഇൻ ഇന്ത്യ" എന്ന ഗാനം രചിച്ച ബിദ്ദു അത് നാസിയ പാടണമെന്ന് ആഗ്രഹിച്ചു. എന്നാൽ സംഗീത രംഗത്തുനിന്ന് വിരമിച്ച ഹസ്സൻ പാകിസ്ഥാനെ വ്രണപ്പെടുത്തുന്ന ഒരു ഗാനം പാടാൻ വിസമ്മതിച്ചു.[20] തുടർന്ന് ആ ഗാനം അലിഷ ചിനായ്ക്ക് വാഗ്ദാനം ചെയ്യപ്പെട്ടു.[21]

വ്യക്തിജീവിതം

[തിരുത്തുക]

ലണ്ടനിലെ റിച്ച്മണ്ട് അമേരിക്കൻ യൂണിവേഴ്സിറ്റിയിൽ നിന്ന് ഹസ്സൻ ബിസിനസ് അഡ്മിനിസ്ട്രേഷനിലും സാമ്പത്തിക ശാസ്ത്രത്തിലും ബിരുദം നേടി. 1991 ൽ, അവർ ഐക്യരാഷ്ട്രസഭയിലെ വനിതാ ഇന്റർനാഷണൽ ലീഡർഷിപ്പ് പ്രോഗ്രാമിൽ ഇന്റേൺ ആയി. പിന്നീട്, അവർ ഐക്യരാഷ്ട്രസഭ സുരക്ഷാ കൗൺസിലിൽ ജോലി ചെയ്തു. ലണ്ടൻ യൂണിവേഴ്സിറ്റിയിൽനന്ന് നിയമ (എൽഎൽബി) ബിരുദവും നേടി.[22][23]

1995 മാർച്ച് 30 ന് കറാച്ചി ആസ്ഥാനമായുള്ള ഒരു ബിസിനസുകാരനായ മിർസ ഇഷ്തിയാഖ് ബെയ്ഗിനെ നാസിയ ഹസ്സൻ വിവാഹം കഴിച്ചു. അതൊരു നിശ്ചയിച്ചുറപ്പിച്ച വിവാഹമായിരുന്നു. ഹസ്സന്റെ ദാമ്പത്യം പ്രശ്നങ്ങളും ബുദ്ധിമുട്ടുകളും നിറഞ്ഞതായിരുന്നു,[24] മാത്രമല്ല മരണത്തിന് മൂന്ന് മാസം മുമ്പ് അവർ ബെയ്ഗിനെ വിവാഹമോചനം ചെയ്തു. മരണത്തിന് മുമ്പ് യുകെ ഹൈക്കോടതിയിൽ നൽകിയ മൊഴിയിൽ തന്റെ മുൻ ഭർത്താവ് ശാരീരിക പീഡനത്തിനു വിധേയമാക്കിയതായും വിഷം കൊടുത്തതായും അവർ ആരോപിച്ചു. എന്നാൽ മരണം വരെ നാസിയ ഹസ്സൻ തന്റെ ഭാര്യയായിരുന്നുവെന്ന് ബെയ്ഗ് അവകാശപ്പെടുന്നു.[25]

2000 ജൂൺ 21-ന് പാകിസ്ഥാൻ ദിനപ്പത്രമായ ഡെയ്‌ലി ജാങ് നാസിയ ഹസ്സനുമായുള്ള ഒരു അഭിമുഖം പ്രസിദ്ധീകരിച്ചു. തന്റെ വിവാഹകാലത്ത് താൻ നേരിട്ട ബുദ്ധിമുട്ടുകളെക്കുറിച്ച് ഹസ്സൻ ആദ്യമായി തുറന്നു പറഞ്ഞു. ഒരു പാകിസ്ഥാൻ നടിയുമായി ചേർന്ന് ഭർത്താവ് തന്നെ വഞ്ചിച്ചുവെന്ന് അവർ ആരോപിച്ചു. തങ്ങൾ സന്തോഷത്തോടെ ജീവിക്കുന്നുവെന്ന് മാധ്യമങ്ങൾക്ക് പ്രസ്താവന നൽകാൻ മുൻ ഭർത്താവ് തന്നെ നിർബന്ധിച്ചതെങ്ങനെയെന്ന് അവർ പത്രത്തോട് വെളിപ്പെടുത്തി. സമാനമായ ഒരു അഭിമുഖത്തിൽ, തന്റെ കാൻസർ ചികിത്സയുടെ ചെലവുകൾ വഹിക്കാൻ ഭർത്താവ് വിസമ്മതിച്ചുവെന്നും മാതാപിതാക്കളാണ് തന്നെ പരിപാലിച്ചതെന്നും ഹസ്സൻ പറഞ്ഞു. ഇഷ്തിയാക് ബെയ്ഗിനൊപ്പം ജീവിക്കുന്നതിനേക്കാൾ മരിക്കുന്നതാണ് നല്ലതെന്ന് പറഞ്ഞ നസിയ ഇഷ്തിയാക് ബെയ്ഗ് തനിക്ക് കാൻസറിനേക്കാൾ കൂടുതൽ വേദനയാണ് തന്നത് എന്ന് വെളിപ്പെടുത്തി.

നാസിയയുമായുള്ള വിവാഹം ഇഷ്തിയാക് ബെയ്ഗിന്റെ മൂന്നാമത്തെ വിവാഹമായിരുന്നു. ഫിലിപ്പീൻസ് നർത്തകിയായിരുന്ന ആദ്യ ഭാര്യ ഹേസലിൽ ഇമ്രാൻ ബെയ്ഗ് (ജനനം 1984) എന്ന മകനുണ്ട്. ഇഷ്തിയാക് ബെയ്ഗ് പാകിസ്ഥാൻ നടി ഷാസിയയെയും കുറച്ചു കാലം വിവാഹം കഴിച്ചിരുന്നു.[26][27] ഈ രണ്ട് വിവാഹങ്ങളും നാസിയ ഹസ്സന്റെ കുടുംബത്തിൽ നിന്ന് അയാൾ രഹസ്യമായി സൂക്ഷിച്ചിരുന്നു. ഇഷ്തിയാക്കിനും നാസിയ ഹസ്സനും 1997 ഏപ്രിൽ 7 ന് ആരെസ് ഹസ്സൻ എന്നൊരു മകൻ ജനിച്ചു.[28]

പിന്നീട് ഒരു അഭിമുഖത്തിൽ, നാസിയയുടെ വ്യക്തിജീവിതം കാറ്റും കോളും നിറഞ്ഞതായിരുന്നുവെന്നും അവർ നിരന്തരം വ്യക്തിപരമായ പോരാട്ടങ്ങൾ നടത്തിയിരുന്നുവെന്നും അവരുടെ സഹോദരൻ സോഹെബ് ഹസ്സൻ പറഞ്ഞു.[29]

മനുഷ്യസ്‌നേഹം

[തിരുത്തുക]

സാമൂഹിക രംഗത്തെ ലക്ഷ്യങ്ങൾ പ്രോത്സാഹിപ്പിക്കുന്നതിനായും നസിയ ഹസ്സൻ തന്റെ കഴിവുകൾ വിനിയോഗിച്ചു. കറാച്ചിയിലെ പിന്നോക്ക പ്രദേശങ്ങളിൽ താമസിക്കുന്ന കുട്ടികൾക്കും, യുവാക്കൾക്കും, ദുരിതത്തിലായ സ്ത്രീകൾക്കും വേണ്ടി അവർ പ്രവർത്തിച്ചു. ഇന്നർ വീൽ ക്ലബ് ഓഫ് ഇന്ത്യ എന്ന സംഘടനയെ അവർ പിന്തുണയ്ക്കുകയും അതിനായി ഫണ്ട് സ്വരൂപിക്കുകയും ചെയ്തു. പാകിസ്ഥാനിൽ, സഹോദരൻ സോഹെബ്, ബ്രിട്ടീഷ് സാമൂഹിക സംരംഭകയായ സോഫിയ സ്വയർ എന്നിവരുമായി ചേർന്ന് അവർ ബാൻ (ബാറ്റിൽ എഗൈൻസ്റ്റ് നാർക്കോട്ടിക്) എന്ന സംഘടന സ്ഥാപിക്കുകയും വോയ്‌സ് ഓഫ് വിമൻ, നാഷണൽ യൂത്ത് ഓർഗനൈസേഷൻ (പാകിസ്ഥാൻ) തുടങ്ങിയ സംഘടനകളിൽ സജീവ അംഗമായി മാറുകയും ചെയ്തു. കറാച്ചിയിലെ ലിയാരി ടൗണിൽ മൊബൈൽ ക്ലിനിക്കുകൾ ആരംഭിച്ചതിലൂടെ, ദരിദ്രരായ ആളുകൾക്ക് വൈദ്യശാസ്ത്രം കൂടുതൽ പ്രാപ്യമാക്കുന്നതിൽ വഹിച്ച പങ്കിന് അവർ അംഗീകാരം നേടിയിട്ടുണ്ട്.

തർപാർക്കറിലെയും രാജസ്ഥാനിലെയും കുട്ടികൾക്കായി ഫണ്ട് സ്വരൂപിക്കുന്നതിനായി മുൻ ഇൻഫർമേഷൻ മന്ത്രി ജാവേദ് ജബ്ബാറിനൊപ്പം ഹസ്സൻ പ്രവർത്തിച്ചു. പാവപ്പെട്ട കുട്ടികൾക്ക് കളിപ്പാട്ടങ്ങൾ വിതരണം ചെയ്യുന്നതിനായി അവർ നിരവധി വിദ്യാലയങ്ങൾ സന്ദർശിക്കുകയും പിന്നാക്കം നിൽക്കുന്നവർക്കുള്ള സാമൂഹിക അവബോധം എന്ന വിഷയത്തിൽ പ്രഭാഷണങ്ങൾ നടത്തുകയും ചെയ്തു.

1991-ൽ, ന്യൂയോർക്ക് നഗരത്തിലെ ഐക്യരാഷ്ട്രസഭാ ആസ്ഥാനത്ത് ഐക്യരാഷ്ട്രസഭാ സുരക്ഷാ കൗൺസിലിൽ ചേർന്ന അവർ രണ്ട് വർഷം അവിടെ ജോലി ചെയ്തു. മൂന്നാം വർഷത്തിൽ, അവർ യുണിസെഫിൽ തന്റെ സേവനങ്ങൾ വാഗ്ദാനം ചെയ്തു. അവരുടെ സാമൂഹികവും അക്കാദമികവുമായ മികവ് കൊളംബിയ സർവകലാശാലയുടെ ലീഡർഷിപ്പ് പ്രോഗ്രാമിൽ സ്കോളർഷിപ്പ് നേടിക്കൊടുത്തുവെങ്കിലും ഈ സമയത്ത് അവർക്ക് കാൻസർ രോഗം കണ്ടെത്തിയതിനാൽ അവർക്ക് ആ ഓഫർ സ്വീകരിക്കാൻ കഴിഞ്ഞില്ല.

ജാതി, മത, വർഗ്ഗ ഭേദമന്യേ ലോകത്തെ എല്ലാവർക്കും മെച്ചപ്പെട്ട ഒരു സ്ഥലമാക്കി മാറ്റാനുള്ള മകളുടെ ശ്രമങ്ങളെ മുന്നോട്ട് കൊണ്ടുപോകുന്നതിനായി 2003 ൽ നാസിയ ഹസ്സൻ ഫൗണ്ടേഷൻ സ്ഥാപിച്ച ഹസ്സന്റെ മാതാപിതാക്കൾ, തെരുവ് കുട്ടികളുടെ പരിചരണത്തിനും വിദ്യാഭ്യാസത്തിനും സഹായകമാകുന്ന തരത്തിൽ തെരുവ് കുട്ടികൾക്കായി ഒരു വിദ്യാലയം തുറക്കാനും തീരുമാനിച്ചു.[30]

മരണം

[തിരുത്തുക]

2000 ഓഗസ്റ്റ് 13 ന് ലണ്ടനിൽ വെച്ച് 35 വയസ്സുള്ളപ്പോൾ നാസിയ ഹസ്സൻ ശ്വാസകോശ അർബുദം ബാധിച്ച് മരിച്ചു.[31][32][33] മൂന്ന് ദിവസം മുമ്പ് അവരുടെ നില വഷളായപ്പോൾ അവരെ നോർത്ത് ലണ്ടൻ ഹോസ്പിസിൽ പ്രവേശിപ്പിച്ചിരുന്നു. മരിക്കുന്നതിന് തലേദിവസം അവർക്ക് നേരിയ തോതിൽ സുഖം പ്രാപിക്കുന്നതിന്റെ ലക്ഷണങ്ങൾ കാണിച്ചതിനാൽ, ഡോക്ടർമാർ അവരെ വീട്ടിലേക്ക് പോകാൻ അനുവദിക്കുമെന്ന് കരുതിയിരുന്നു.[34]

പിറ്റേന്ന്, മകൾക്ക് ചുമ കൂടുതലായി തുടങ്ങിയതിനാൽ അമ്മ മുനിസയെ ആശുപത്രിയിലേക്ക് വിളിപ്പിച്ചു. പൾമണറി എംബോളിസം ബാധിച്ച് മിനിറ്റുകൾക്കുള്ളിൽ അവൾ മരിച്ചു. ഹെൻഡൺ പള്ളിയിൽ നടന്ന ഒരു ശവസംസ്കാര പ്രാർത്ഥനയ്ക്ക് ശേഷം, 2000 സെപ്റ്റംബർ 5 ന് ലണ്ടനിലെ ഹെൻഡൺ സെമിത്തേരിയിലെ മുസ്ലീം വിഭാഗത്തിൽ ഇസ്ലാമിക ആചാരപ്രകാരം നാസിയയെ സംസ്കരിച്ചു. എക്സ്പ്രസ് ട്രിബ്യൂൺ പത്രത്തിന് നൽകിയ അഭിമുഖത്തിൽ, അവളുടെ സഹോദരൻ സോഹെബ് "അവൾ ഒരു അസന്തുഷ്ടയായ വ്യക്തിയായി മരിച്ചു, അവൾ വേദനയോടെ മരിച്ചു" എന്ന് വെളിപ്പെടുത്തി.[35] മരണത്തിന് ദിവസങ്ങൾക്ക് മുമ്പ് വിവാഹമോചനം നേടുന്നതുവരെ തന്റെ വിവാഹവുമായി ബന്ധപ്പെട്ട പ്രശ്‌നങ്ങൾ കുടുംബത്തിൽനിന്ന് മറച്ചു വച്ചിരുന്നതായി സോഹെബ് ഹസ്സൻ പിന്നീട് പറഞ്ഞു.

അവാർഡും ബഹുമതികളും

[തിരുത്തുക]
  • 1980-ൽ മികച്ച പിന്നണി ഗായികയ്ക്കുള്ള ഫിലിംഫെയർ പുരസ്കാരം നസിയ ഹസ്സന് ലഭിച്ചു,[36][37][38][39] 1983-ൽ അതേ അവാർഡിന് മറ്റൊരു നാമനിർദ്ദേശവും ലഭിച്ചു. മികച്ച പിന്നണിഗായികയ്ക്കുള്ള ഫിലിംഫെയർ അവാർഡ് കരസ്ഥമാക്കിയ ആദ്യത്തെ പാകിസ്താനിയും ഏറ്റവും പ്രായം കുറഞ്ഞ വനിതയും നസിയ തന്നെയാണ്. 15 വയസ്സ് മാത്രം പ്രായമുള്ളപ്പോഴായിരുന്നു അവർക്ക് ഈ പുരസ്ക്കാരം ലഭിച്ചത്.[40]
  • 1988-ൽ, മികച്ച അവതാരകയ്ക്കുള്ള നിഗാർ അവാർഡ് നാസിയയ്ക്ക് ലഭിച്ചു.[41]
  • 1989-ൽ, സംഗീത വ്യവസായത്തിന് നൽകിയ സംഭാവനകൾക്ക് 9-ാമത് PTV അവാർഡുകളിൽ PTV സിൽവർ ജൂബിലി അവാർഡ് അവർക്ക് ലഭിച്ചു.[42]
  • 2002-ൽ പാകിസ്ഥാൻ പ്രസിഡന്റിൽ നിന്ന് പ്രൈഡ് ഓഫ് പെർഫോമൻസ് അവാർഡ് (അന്തരിച്ച നാസിയ ഹസ്സനുള്ള അവാർഡ് മാതാവ് മുനീസ ബാസിർ സ്വീകരിച്ചു).[43][44] 2002-ൽ ഇസ്ലാമാബാദിൽ നടന്ന ഒരു ഔദ്യോഗിക ചടങ്ങിൽവച്ച് പാകിസ്ഥാൻ പ്രസിഡന്റ് പർവേസ് മുഷറഫിൽ നിന്ന് ഹസ്സന്റെ അമ്മ മുനീസ ബാസിറിന് അവാർഡ് സമ്മാനിച്ചു.[45]
  • ഗോൾഡൻ ഡിസ്ക് അവാർഡ് (ദക്ഷിണ കൊറിയൻ സംഗീത അവാർഡ്)[46]
  • 2022 നവംബർ 24-ന്, 21-ാമത് ലക്സ് സ്റ്റൈൽ അവാർഡുകളിൽ അവർക്ക് ലക്സ് ചേഞ്ച് മേക്കർ അവാർഡ് ലഭിച്ചു; അവാർഡ് അവരുടെ കുടുംബത്തിന് നൽകി.[47]

ചലച്ചിത്ര ഗാനങ്ങൾ

[തിരുത്തുക]
  • ഖുർബാനി (1980), (ആപ് ജൈസ കോയി, ഈ ചിത്രത്തിലെ അവളുടെ ആദ്യ ജനപ്രിയ ഗാനം)[49][50][51]
  • സ്റ്റാർ (1982)[49]
  • ദിൽവാല (1986)
  • ഇൽസാം (1986)
  • മെയ്ൻ ബൽവാൻ (1986)
  • അധികാർ (1986)
  • ഷീല (1987)
  • സായ (1989)
  • സ്റ്റുഡന്റ് ഓഫ് ദി ഇയർ (2012)[49] ("ദി ഡിസ്കോ സോംഗ്" എന്ന ഗാനം നാസിയ ഹസ്സന്റെ 1981-ലെ ഹിറ്റ് ഗാനമായ "ഡിസ്കോ ദീവാനെ" യുടെ കവർ വേർഷനാണ്. സുനിധി ചൗഹാൻ, ബെന്നി ദയാൽ എന്നിവരുടെ പുതിയ പ്രകടനങ്ങൾ ഉൾപ്പെടുത്തി യഥാർത്ഥ ഗാനങ്ങളുടെ ചില ഭാഗങ്ങൾ മാത്രം ഇതിൽ ഉൾപ്പെടുത്തിയിട്ടുണ്ട്).

അവലംബം

[തിരുത്തുക]
  1. ↑ Jai Kumar (2000 August 23). "Obituary: Nazia Hassan". guardian.co.uk. London: The Guardian. Retrieved 2008-05-18. {{cite news}}: Check date values in: |date= (help)
  2. ↑ "A toast to the queen of pop: Faraz Wakar's musical tribute to Nazia Hasan". Retrieved 2016-02-10.
  3. ↑ "Women Year Book of Pakistan". Women Year Book of Pakistan (in ഇംഗ്ലീഷ്). 8. Ladies Forum Publications: 405. 1990.
  4. ↑ (Associated Press of Pakistan) "Aap Jaisa Koi: Remembering Nazia Hassan - Pop Queen Nazia Hassan Remembered on 14th Death Anniversary". Dawn newspaper. 2014-08-14. Archived from the original on 14 August 2014. Retrieved 2025-04-24.
  5. ↑ Sangita Gopal; Sujata Moorti (2008). Global Bollywood: travels of Hindi song and dance. University of Minnesota Press. pp. 98–9. ISBN 978-0-8166-4579-4. Retrieved 7 June 2011.
  6. ↑ (Associated Press of Pakistan) "Aap Jaisa Koi: Remembering Nazia Hassan - Pop Queen Nazia Hassan Remembered on 14th Death Anniversary". Dawn newspaper. 2014-08-14. Archived from the original on 14 August 2014. Retrieved 2025-04-24.
  7. ↑ (Associated Press of Pakistan) "Aap Jaisa Koi: Remembering Nazia Hassan - Pop Queen Nazia Hassan Remembered on 14th Death Anniversary". Dawn newspaper. 2014-08-14. Archived from the original on 14 August 2014. Retrieved 2025-04-24.
  8. ↑ PTI (18 November 2005). "NRI TV presenter gets Hassan Award". The Times of India. Archived from the original on 8 March 2012. Retrieved 4 March 2011.
  9. ↑ "NRI TV presenter gets Nazia Hassan Award". The Times of India. Archived from the original on 2012-03-08. Retrieved 2017-06-02.
  10. ↑ "BBC World Service - Witness History, The Pakistani teens who became disco superstars". BBC News (in ബ്രിട്ടീഷ് ഇംഗ്ലീഷ്). Archived from the original on 8 November 2023. Retrieved 2025-04-23.
  11. ↑ "What made Nazia Hassan the ultimate 'Queen of South Asian Pop'". Telegraph India. 20 October 2023.
  12. ↑ "Nazia Hassan – Women of Pakistan". Jazbah.org. Archived from the original on 24 October 2010. Retrieved 3 September 2010.
  13. ↑ Sangita Gopal; Sujata Moorti (2008). Global Bollywood: travels of Hindi song and dance. University of Minnesota Press. pp. 98–9. ISBN 978-0-8166-4579-4. Retrieved 7 June 2011.
  14. ↑ "'We'd wonder how the girls could go out with five guys who smelt so much of onions'". The Telegraph. Calcutta, India. 14 February 2010. Retrieved 12 February 2010.{{cite news}}: CS1 maint: deprecated archival service (link)
  15. ↑ "12 x 12: The 12 best Bollywood disco records". The Vinyl Factory. 28 February 2014.
  16. ↑ "Bollywood News: Bollywood Movies Reviews, Hindi Movies in India, Music & Gossip". Rediff.com. September 2000. Retrieved 3 September 2010.
  17. ↑ Bollywood.Net. "Remembering 'Aap Jaisa Koi' girl Nazia Hasan". Retrieved 13 August 2009.
  18. ↑ Amit Roy (27 November 2005). "The legacy of Nazia". Telegraph India newspaper (in ഇംഗ്ലീഷ്). Archived from the original on 26 September 2018. Retrieved 24 April 2025.
  19. ↑ "Pakistan Hotel and Travel Review". Pakistan Hotel and Travel Review (in ഇംഗ്ലീഷ്). 6–8. Syed Wali Ahmad Maulai: 45. 1983.
  20. ↑ "Made for Nazia, sung by Alisha". Times of India. 20 September 2001. Retrieved 9 September 2011.
  21. ↑ "Made for Nazia, sung by Alisha". Times of India. 20 September 2001. Retrieved 9 September 2011.
  22. ↑ Jai Kumar (23 August 2000). "Obituary: Nazia Hassan". The Guardian newspaper. London. Archived from the original on 26 February 2025. Retrieved 23 April 2025.
  23. ↑ (Associated Press of Pakistan) "Aap Jaisa Koi: Remembering Nazia Hassan - Pop Queen Nazia Hassan Remembered on 14th Death Anniversary". Dawn newspaper. 2014-08-14. Archived from the original on 14 August 2014. Retrieved 2025-04-24.
  24. ↑ Mayur Lookhar. "Ishtiaq Baig told pop icon Nazia Hassan she would be worth more to him dead than alive". Cinestaan.com website (in ഇംഗ്ലീഷ്). Archived from the original on 23 August 2021. Retrieved 24 April 2025.
  25. ↑ Mayur Lookhar. "Ishtiaq Baig told pop icon Nazia Hassan she would be worth more to him dead than alive". Cinestaan.com website (in ഇംഗ്ലീഷ്). Archived from the original on 23 August 2021. Retrieved 24 April 2025.
  26. ↑ Mayur Lookhar. "Ishtiaq Baig told pop icon Nazia Hassan she would be worth more to him dead than alive". Cinestaan.com website (in ഇംഗ്ലീഷ്). Archived from the original on 23 August 2021. Retrieved 24 April 2025.
  27. ↑ "Nazia Hassan finally laid to rest". Expressindia.indianexpress.com (in ഇംഗ്ലീഷ്). Retrieved 9 April 2014.
  28. ↑ Saadia Qamar (12 August 2012). "I will never forgive her: Zoheb Hassan (for dying so soon and leaving us)". The Express Tribune newspaper. Archived from the original on 15 August 2012. Retrieved 24 April 2025.
  29. ↑ Saadia Qamar (12 August 2012). "I will never forgive her: Zoheb Hassan (for dying so soon and leaving us)". The Express Tribune newspaper. Archived from the original on 15 August 2012. Retrieved 24 April 2025.
  30. ↑ "Pakistani pop star Nazia Hassan's family to open school for street children".
  31. ↑ Jai Kumar (23 August 2000). "Obituary: Nazia Hassan". The Guardian newspaper. London. Archived from the original on 26 February 2025. Retrieved 23 April 2025.
  32. ↑ (Associated Press of Pakistan) "Aap Jaisa Koi: Remembering Nazia Hassan - Pop Queen Nazia Hassan Remembered on 14th Death Anniversary". Dawn newspaper. 2014-08-14. Archived from the original on 14 August 2014. Retrieved 2025-04-24.
  33. ↑ "Nazia Hassan's death anniversary: 20 years since we lost the Queen of Pop". The Express Tribune newspaper (in ഇംഗ്ലീഷ്). 2020-08-13. Archived from the original on 19 August 2020. Retrieved 2025-04-23.
  34. ↑ "Nazia Hassan's 10th anniversary today". Samaa TV. 15 August 2022. Archived from the original on 2023-06-27. Retrieved 2025-08-13.
  35. ↑ Saadia Qamar (12 August 2012). "I will never forgive her: Zoheb Hassan (for dying so soon and leaving us)". The Express Tribune newspaper. Archived from the original on 15 August 2012. Retrieved 24 April 2025.
  36. ↑ (Associated Press of Pakistan) "Aap Jaisa Koi: Remembering Nazia Hassan - Pop Queen Nazia Hassan Remembered on 14th Death Anniversary". Dawn newspaper. 2014-08-14. Archived from the original on 14 August 2014. Retrieved 2025-04-24.
  37. ↑ "Nazia Hassan's death anniversary: 20 years since we lost the Queen of Pop". The Express Tribune newspaper (in ഇംഗ്ലീഷ്). 2020-08-13. Archived from the original on 19 August 2020. Retrieved 2025-04-23.
  38. ↑ "In memoriam: Nazia Hassan was born 50 years ago today". Dawn newspaper. 2015-04-06. Archived from the original on 6 April 2015. Retrieved 2025-04-24.
  39. ↑ "How late icon Nazia Hassan created pop - EasternEye" (in ബ്രിട്ടീഷ് ഇംഗ്ലീഷ്). 18 June 2020. Retrieved 2020-12-17.
  40. ↑ "Filmfare Award for Best Female Playback Singer – Superlatives".
  41. ↑ "نگار ایوارڈز سال 1988". Nigar Weekly (in ഉറുദു). Golden Jubilee Number: 297. 2000.
  42. ↑ "Nazia & Zoheb Hassan received PTV Silver Jubilee Award 1989", Pakistan Television Corporation, 11 August 2019, archived from the original on 2023-11-21, retrieved 21 November 2023{{citation}}: CS1 maint: bot: original URL status unknown (link)
  43. ↑ "President gives away civil, military awards (for 2002)". Dawn newspaper. 2002-03-24. Archived from the original on 18 September 2008. Retrieved 2025-04-23.
  44. ↑ "Nazia Hassan's death anniversary: 20 years since we lost the Queen of Pop". The Express Tribune newspaper (in ഇംഗ്ലീഷ്). 2020-08-13. Archived from the original on 19 August 2020. Retrieved 2025-04-23.
  45. ↑ "President gives away civil, military awards (for 2002)". Dawn newspaper. 2002-03-24. Archived from the original on 18 September 2008. Retrieved 2025-04-23.
  46. ↑ (Associated Press of Pakistan) "Aap Jaisa Koi: Remembering Nazia Hassan - Pop Queen Nazia Hassan Remembered on 14th Death Anniversary". Dawn newspaper. 2014-08-14. Archived from the original on 14 August 2014. Retrieved 2025-04-24.
  47. ↑ "Lollywood stars shine at Lux Style Awards 2022 red carpet". Daily Pakistan. 19 July 2023.
  48. ↑ "Nazia Hassan's 53rd Birthday". Google. April 3, 2018.
  49. 1 2 3 (Associated Press of Pakistan) "Aap Jaisa Koi: Remembering Nazia Hassan - Pop Queen Nazia Hassan Remembered on 14th Death Anniversary". Dawn newspaper. 2014-08-14. Archived from the original on 14 August 2014. Retrieved 2025-04-24.
  50. ↑ "Nazia Hassan's death anniversary: 20 years since we lost the Queen of Pop". The Express Tribune newspaper (in ഇംഗ്ലീഷ്). 2020-08-13. Archived from the original on 19 August 2020. Retrieved 2025-04-23.
  51. ↑ "In memoriam: Nazia Hassan was born 50 years ago today". Dawn newspaper. 2015-04-06. Archived from the original on 6 April 2015. Retrieved 2025-04-24.

പുറം കണ്ണികൾ

[തിരുത്തുക]
"https://ml.wikipedia.org/w/index.php?title=നസിയാ_ഹസൻ&oldid=4599078" എന്ന താളിൽനിന്ന് ശേഖരിച്ചത്