കൈറീനിയ കാസിൽ

Kyrenia Castle
Kyrenia Castle
(ഗ്രീക്ക്: Κάστρο της Κερύνειας, തുർക്കിഷ്: Girne Kalesi)
	Kyrenia Castle
	Location within Cyprus
അടിസ്ഥാന വിവരങ്ങൾ
വാസ്തുശൈലി	Medieval
നഗരം	Kyrenia
രാജ്യം	De jure Cyprus ; De facto Northern Cyprus
നിർദ്ദേശാങ്കം	35°20′29″N 33°19′20″E / 35.341389°N 33.322222°E
നിർമ്മാണം ആരംഭിച്ച ദിവസം	16th-century

ഇംഗ്ലീഷ് വിലാസം

https://ml.wikipedia.org/wiki/Kyrenia_Castle

16-ാം നൂറ്റാണ്ടിൽ വെനീഷ്യക്കാർ നിർമ്മിച്ച ഒരു കോട്ടയാണ് കൈറീനിയ കാസിൽ (ഗ്രീക്ക്: Κάστρο της Κερύνειας ടർക്കിഷ്: ഗിർനെ കലേസി) .^[1] കൈരീനിയയിലെ പഴയ തുറമുഖത്തിന്റെ കിഴക്കേ അറ്റത്തുള്ള ഈ കോട്ടയുടെ ചുമരുകൾക്കുള്ളിൽ പന്ത്രണ്ടാം നൂറ്റാണ്ടിലെ ഒരു ചാപ്പലും പ്രാചീന റോമൻ രാജധാനിയും ഷിപ്പ്റെക്ക് മ്യൂസിയവും സ്ഥിതിചെയ്യുന്നു.

ചരിത്രം[തിരുത്തുക]

ബിസി പത്താം നൂറ്റാണ്ട് മുതൽ കൈറീനിയ നിലവിലുണ്ടായിരുന്നു. ബിസി ഏഴാം നൂറ്റാണ്ട് മുതൽ നടത്തിയ ഉത്ഖനനങ്ങളിൽ ഗ്രീക്ക് അവശിഷ്ടങ്ങൾ കണ്ടെത്തിയിട്ടുണ്ട്. എന്നാൽ ഈ സ്ഥലം റോമൻ ഭരണത്തിൻ കീഴിലുള്ള ഒരു നഗരമായി വികസിതമായിരുന്നു.

അടുത്തകാലമുണ്ടായ അറബ് കടലാക്രമണ ഭീഷണിയിൽ നിന്ന് നഗരത്തെ സംരക്ഷിക്കുന്നതിനായി ഏഴാം നൂറ്റാണ്ടിൽ ബൈസന്റൈൻസ് കോട്ട നിർമ്മിച്ചതായി പരിസരത്ത് നടത്തിയ ഗവേഷണങ്ങൾ സൂചിപ്പിക്കുന്നു. കോട്ടയെക്കുറിച്ചുള്ള ആദ്യത്തെ ചരിത്ര പരാമർശം1191-ൽ ഇംഗ്ലണ്ടിലെ റിച്ചാർഡ് ഒന്നാമൻ രാജാവ് മൂന്നാം കുരിശുയുദ്ധത്തിലേക്കുള്ള യാത്രാമധ്യേ, സ്വയം ചക്രവർത്തിയായി പ്രഖ്യാപിച്ച പ്രാദേശിക ഗവർണറായ ഐസക് കോംനെനസിനെ പരാജയപ്പെടുത്തിയതായി പറയുന്നു.

ഒരു ചെറിയ കാലയളവിനുശേഷം, റിച്ചാർഡ് ദ്വീപ് കർഷക കലാപത്തെത്തുടർന്ന് നിയന്ത്രിക്കാൻ കഴിയാതെ നൈറ്റ്സ് ടെംപ്ലർക്ക് വിറ്റു. തുടർന്ന് ജറുസലേമിലെ മുൻ രാജാവായ തന്റെ കസിൻ ഗൈ ഡി ലുസിഗ്നന് വിറ്റു. ഇത് സൈപ്രസ് രാജ്യത്തിലെ ഫ്രാങ്കിഷ് ലുസിഗ്നൻ (1192-1489) വംശത്തിന്റെ 300 വർഷം ആരംഭിച്ചു. തുടക്കത്തിൽ കോട്ട വളരെ ചെറുതായിരുന്നു. ജോൺ ഡി ഐബെലിൻ 1208 നും 1211 നും ഇടയിൽ ഇത് വിപുലീകരിച്ചു. കോട്ടയുടെ പ്രധാന പ്രവർത്തനം സൈനികമായിരുന്നു, കൂടാതെ ഒരു പുതിയ പ്രവേശന കവാടവും ചതുരാകൃതിയിലുള്ളതും കുതിരലാടാകൃതിയിലുള്ള ഗോപുരങ്ങളും വില്ലാളികൾക്ക് വേണ്ടിയുള്ള കൊത്തളങ്ങളും തടവറകളും കോട്ടയുടെ മെച്ചപ്പെടുത്തലുകളിൽ ഉൾപ്പെടുന്നു.

കോട്ട നിരവധി ഉപരോധങ്ങൾക്ക് വിധേയമായി. 1373-ലെ ഒരു ജെനോയിസ് ആക്രമണം കോട്ടയെ ഏതാണ്ട് നശിപ്പിച്ചു. 15-ാം നൂറ്റാണ്ടിലെ ഏറ്റവും ദൈർഘ്യമേറിയ ഉപരോധങ്ങളിൽ ഒന്ന് ഏകദേശം നാല് വർഷത്തോളം നീണ്ടുനിൽക്കുകയും നിർഭാഗ്യവാനായ താമസക്കാർ ചുണ്ടെലികളെയും എലികളെയും ഭക്ഷിക്കുന്നതിലേക്ക് അത് എത്തിക്കുകയും ചെയ്തു. 1489-ഓടെ വെനീഷ്യക്കാർ സൈപ്രസിന്റെ നിയന്ത്രണം ഏറ്റെടുക്കുകയും 1540-ൽ കോട്ട വിപുലീകരിക്കുകയും ഇന്നത്തെ രൂപഭാവം നൽകുകയും ചെയ്തു. കനത്ത ഭിത്തികൾ, പീരങ്കികൾക്കുള്ള കൊത്തളങ്ങൾ എന്നിവ നർമ്മിക്കുന്നതു കൂടാതെ പീരങ്കികളിൽ വെടിമരുന്ന് ഉപയോഗം എന്നിവ യുദ്ധത്തിൽ വരുത്തിയ മാറ്റങ്ങളായിരുന്നു. വെനീഷ്യക്കാർ മൂന്ന് തലങ്ങളിൽ പീരങ്കിപ്പട്ടാളം സ്ഥാപിച്ചു. അങ്ങനെ അവർക്ക് ഭൂമിയിൽ നിന്ന് ആക്രമണകാരികൾക്കെതിരെ പീരങ്കിയിലൂടെ വെടിവയ്ക്കാൻ കഴിഞ്ഞിരുന്നു. അവർ കോട്ടയ്ക്കുള്ളിൽ, പീരങ്കികൾ വലിച്ചിടാൻ കഴിയുന്ന തരത്തിൽ വലിയ നീളമുള്ള റാമ്പുകൾ ചുവരുകളിൽ നിർമ്മിച്ചു. കോട്ടയുടെ പണി പൂർത്തിയായപ്പോൾ, 11-ാം നൂറ്റാണ്ടിലോ 12-ാം നൂറ്റാണ്ടിലോ ബൈസന്റൈൻസ് പണിതിരിക്കാവുന്ന സെന്റ് ജോർജ്ജിലെ ചെറിയ പള്ളിയും അതിന്റെ മതിലുകളും ഇതിൽ ഉൾക്കൊള്ളുന്നു.