കാലൻകോഴി

വിക്കിപീഡിയ, ഒരു സ്വതന്ത്ര വിജ്ഞാനകോശം.
കാലൻ കോഴി
കാലൻ കോഴി.jpg
പരിപാലന സ്ഥിതി
ശാസ്ത്രീയ വർഗ്ഗീകരണം
സാമ്രാജ്യം: Animalia
ഫൈലം: കോർഡേറ്റ
ക്ലാസ്സ്‌: Aves
നിര: Strigiformes
കുടുംബം: Strigidae
ജനുസ്സ്: Strix
വർഗ്ഗം: S. ocellata
ശാസ്ത്രീയ നാമം
Strix ocellata
(Lesson, 1839)

മൂങ്ങകളുടെ(Owl) വർഗ്ഗത്തില്പെടുന്ന ഒരു പക്ഷിയാണ് കാലൻ‍കോഴി, കൊല്ലി കുറവൻ, കാലങ്കോഴി എന്നും അറിയപ്പെടുന്നുണ്ടു് ഇംഗ്ലീഷ്: Mottled Wood Owl.[1]. സാധരണയിനം മൂങ്ങകളുടെ രൂപം തന്നെയാണ് ഇതിന്നും. വളരെ ഉച്ചത്തിൽ, പലപ്പോഴും ഒന്നോ രണ്ടോ കിലോമീറ്റർ ദൂരത്തേക്ക് കേൾക്കാൻ കഴിയുന്നത്ര ഉച്ചത്തിൽ ഈ പക്ഷി ശബ്ദമുണ്ടാക്കും. ഇതിന്റെ ശബ്ദം സന്ധ്യക്കും രാവേറെച്ചെല്ലുന്നവരേയും ധാരാളം കേൾക്കാം. പുലർച്ചക്കു അപൂർവമായേ കേൾക്കാറുള്ളൂ. ഒരു പക്ഷിയുടെ വിളിക്ക് ദൂരെനിന്നു മറ്റൊരു (ഇണ) പക്ഷി മറുവിളി കൊടുക്കുന്നതും കേൾക്കാം. " ഹുഊഊഉആആആ" എന്നു വളരെ മുഴക്കത്തോടെ ഈ പക്ഷികൾ നീട്ടിവിളിക്കും. [1]

പേരിനു പിന്നിൽ[തിരുത്തുക]

മൂങ്ങവർഗ്ഗക്കരുടെ ശബ്ദം മനുഷ്യർക്ക് അരോചകമാണ്. ഇക്കൂട്ടത്തിൽ വളരെ ഭയപ്പെടുത്തുന്നതാൺ കാലൻകോഴിയുടേത്. പലരും മരണത്തോടാൺ ഇവയെ സങ്കല്പിക്കുന്നത്. മരണത്തിന്റെ ദേവനായ കാലൻ വരുന്നതിന്റെ മുന്നറിയിപ്പായി ഈ ശബ്ദത്തെ കരുതുന്നതിനാൽ മൂങ്ങക്ക് കാലൻകോഴി എന്ന പേരു വന്നു.

ആവാസ വ്യവസ്ഥ[തിരുത്തുക]

കാടുകളിലാണ് ഇവ കൂടുതലായും വസിക്കുന്നത്. പകൽ സമയത്ത് ഒളിച്ചു കഴിയാൻ ഇഷ്ടപ്പെടുന്ന ഇവ രാത്രിയാണ് ഇര തേടുന്നത്. കാലങ്കോഴിക്ക് ഇഷ്ടപ്പെട്ട ആഹാരം എലി വർഗ്ഗത്തിൽ പെട്ട ജീവികളാണ്. ഓന്ത് പല്ലി എന്നിവയേയും ഇവ ഭക്ഷിക്കും. [2]

വിവരണം[തിരുത്തുക]

ഗരുഡനോളം വലിപ്പമുള്ള ഇവയ്ക്ക് തവിട്ട് നിറമാണ്. ശരീരത്തിൽ മുഴുവനും കുറിപോലുള്ള പാടുകളും വരകളും ഉണ്ട്. മുഖത്ത് ചാരം തേച്ചപോലുള്ള നിറമാണ്. കൊക്കിനു താഴെ വെളുത്ത തൂവലുകൾ ഉണ്ട്. കണ്ണുകൾ കടുത്ത തവിട്ട് നിറമായിരിക്കും. കാലുകൾ ബലിഷ്ഠമാണ്. ഇവ തൂവലുകൾ കൊണ്ട് മൂടപ്പെട്ടിരിക്കുന്നു.

കുറിപ്പുകൾ[തിരുത്തുക]

  • ^ രാത്രിയിൽ ഏകാന്തതയിൽ ഈ പക്ഷിയുടെ ശബ്ദം കേൾക്കുന്നത് ഭയജനകമാണ്‌. വീട്ടുവളപ്പുകളിലെ മരങ്ങളിൽ വന്നിരുന്നു ഇവ കരഞ്ഞാൽ ആ വീട്ടിൽ ഒരു മരണം ഉടനെ നടക്കുമെന്നായിരുന്നു പഴയകാലത്തെ വിശ്വാസം. വ്യാധിപീഡകളിൽ കുടുങ്ങിക്കടക്കുന്നരുടെ വീടുകളിൽ ഇവ വന്നിരുന്നു ശബ്ദിക്കുമ്പോൾ വീട്ടിലുള്ളവരെല്ലാം കാലനെ അകറ്റിനിർത്താൻ ഉറക്കെ നാം ജപിക്കാൻ തുടങ്ങുമായിരുന്നു. ഈ പക്ഷി ഇന്ന് കേരളത്തിലെ നാട്ടിൻപുറങ്ങളിൽ ഇല്ലാതായിക്കഴിഞ്ഞിരിക്കുന്നു.

പരാമർശങ്ങൾ[തിരുത്തുക]

  1. Pesticides spell doom for bird life in Wayanad, The Hindu Apr 01, 2003 (ശേഖരിച്ച തീയ്യതി 1 ഏപ്രിൽ 2009)
  2. കേരളത്തിലെ പക്ഷികൾ. കേരളസാഹിത്യ അക്കാദമി. ഐ.എസ്.ബി.എൻ. 81-7690-067-2.  Unknown parameter |locat= ignored (സഹായം); Authors list - ഇവിടെ |last1= ഇല്ലാത്ത |first1= കാണുന്നു (സഹായം)
"http://ml.wikipedia.org/w/index.php?title=കാലൻകോഴി&oldid=1692030" എന്ന താളിൽനിന്നു ശേഖരിച്ചത്