എൽസി ജിയോർജി

എൽസി എ. ജിയോർജി (സി. 1911 - ജൂൺ 19, 1998) ഒരു അമേരിക്കൻ ഫിസിഷ്യൻ ആയിരുന്നു, അവർ ലോസ് ഏഞ്ചൽസിലെ സെഡാർസ്-സിനായ് മെഡിക്കൽ സെന്ററിലേക്ക് മാറുന്നതിന് മുമ്പ് ന്യൂയോർക്ക് സിറ്റിയിലെ ബെല്ലീവ് ഹോസ്പിറ്റലിൽ ജോലി ചെയ്തു. ഇംഗ്ലീഷ്:Elsie A. Giorgi.

ജീവിതരേഖ

ഇറ്റാലിയൻ കുടിയേറ്റ മാതാപിതാക്കളുടെ മകളായി ന്യൂയോർക്ക് സിറ്റിയിലെ ബ്രോങ്ക്‌സിൽ എൽസി ജനിച്ചു; അവൾ പത്തു സഹോദരങ്ങളിൽ ഇളയവളായിരുന്നു. സ്കോളർഷിപ്പിൽ ഹണ്ടർ കോളേജിൽ ചേർന്ന ശേഷം, കൊളംബിയ യൂണിവേഴ്സിറ്റി കോളേജ് ഓഫ് ഫിസിഷ്യൻസ് ആൻഡ് സർജൻസിൽ ചേരാനുള്ള ട്യൂഷൻ ഫീസ് താങ്ങുന്നതിനായി അവൾ പന്ത്രണ്ട് വർഷം ഒരു ട്രക്കിംഗ് കമ്പനിയിൽ ജോലി ചെയ്തു. അവൾ 1949 ൽ കൊളംബിയയിൽ നിന്ന് ബിരുദം നേടി.

ഔദ്യോഗിക ജീവിതം

എൽസി ബെല്ലെവ്യൂ ഹോസ്പിറ്റലിൽ തന്റെ കരിയർ ആരംഭിച്ചു, അവിടെ പത്ത് വർഷം ഒരു ഇന്റേണിൽ നിന്ന് ക്ലിനിക്കുകളുടെ ചീഫ് ആയി ഉയർന്നു, മാൻഹട്ടനിൽ ഒരു സ്വകാര്യ പ്രാക്ടീസ് നടത്തുകയും ഈസ്റ്റ് ഹാർലെമിലെ ഒരു ക്ലിനിക്കിൽ ജോലി ചെയ്യുകയും ചെയ്തു. സെഡാർസ്-സിനായ് മെഡിക്കൽ സെന്ററിലെ സൈക്യാട്രി റെസിഡൻസിക്കായി 1961-ൽ ലോസ് ഏഞ്ചൽസിലേക്ക് അവൾ താമസം മാറി, സെന്ററിന്റെ ക്ലിനിക്ക് നടത്തുകയും ഒരു ഹോം-കെയർ പ്രോഗ്രാം സ്ഥാപിക്കുകയും ചെയ്തു. 1967-ൽ, വാട്ട്‌സിന്റെ താഴ്ന്ന വരുമാനക്കാരായ ആ പ്രദേശത്ത്, ഓഫീസ് ഓഫ് ഇക്കണോമിക് ഓപ്പർച്യുനിറ്റിയുടെ ധനസഹായത്തോടെ, വാട്ട്‌സ് ഹെൽത്ത് സെന്റർ എന്ന സൗജന്യ ക്ലിനിക്ക് സ്ഥാപിച്ചു. ബെവർലി ഹിൽസിൽ നിരവധി സെലിബ്രിറ്റികൾ ഉൾപ്പെടെയുള്ള സമ്പന്നരായ ഉപഭോക്താക്കളെ സേവിക്കുന്ന ഒരു സ്വകാര്യ പ്രാക്ടീസും നടത്തി. 1991-ൽ ദ ഡോക്ടർ എന്ന സിനിമയിലും ഡയഗ്നോസിസ്: മർഡർ എന്ന ടെലിവിഷൻ പരമ്പരയിലും അവർ മെഡിക്കൽ അഡൈ്വസറായിരുന്നു.

എൽസി വിവാഹം കഴിച്ചിട്ടില്ല; അവൾ ഒരിക്കൽ ഒരു പത്രപ്രവർത്തകനോട് പറഞ്ഞു, "ഞാൻ ഇറ്റാലിയൻ ആണ്, അതിനാൽ വീട്ടിൽ അടങ്ങിക്കൂടുന്ന ഭാര്യയും ധാരാളം കുഞ്ഞുങ്ങളെയും നോക്കുന്ന ഒരു സ്ത്രീയെ ആണ് ഇറ്റാലിയൻ പുരുഷന്മാർ നോക്കുന്നത് എന്റെ കണ്ണുകളിൽ വീട്ടിൽ അടങ്ങി ക്കൂടുന്ന ഒരു വ്യക്തിയുടെ എന്തെങ്കിലും അടയാളം നിങ്ങൾ കാണുന്നുണ്ടോ?" 1998-ൽ ലോസ് ഏഞ്ചൽസിൽ ഹൃദയാഘാതത്തെ തുടർന്ന് അവൾ മരിച്ചു.