എൻമകജെ (നോവൽ)

ഇംഗ്ലീഷ് വിലാസം

https://ml.wikipedia.org/wiki/ENMAKAJE

എൻമകജെ

കർത്താവ്	അംബികാസുതൻ മാങ്ങാട്
രാജ്യം	ഇന്ത്യ
ഭാഷ	മലയാളം
വിഷയം	നോവൽ
പ്രസിദ്ധീകരിച്ച തിയതി	2014
ഏടുകൾ	200

എൻഡോസൾഫാൻ ദുരന്തം ബാധിച്ച കാസർഗോഡിലെ എൻമകജെ എന്ന ഗ്രാമത്തിലെ ദുരിത പൂർവമായ ജന ജീവിതത്തിനെ ആധാരമാക്കി അംബികാസുതൻ മാങ്ങാട് എഴുതിയ നോവലാണ് എൻമകജെ. മനുഷ്യന്റെ അന്ധമായ ഇടപെടലുകളിലൂടെ എന്നെന്നേക്കുമായി നശിച്ചു പോകുന്ന ജൈവ വ്യവസ്ഥയേ പറ്റി നോവൽ വിലപിക്കുന്നു.

അംബികാസുതൻ മാങ്ങാട്

കാസർഗോഡ് ജില്ലയിലെ ബാര എന്ന കൊച്ചു ഗ്രാമത്തിൽ ജനനം. റാങ്കുകളോട് കൂടി എം. എ. യും എംഫിലും പൂർത്തിയാക്കി. കഥയിലെ കാല സങ്കല്പ്പം എന്ന വിഷയത്തിൽ ഡോക്റ്ററേറ്റ് ലഭിച്ചു.ഇപ്പോൾ കാസർഗോട് നഹറു കോളേജിൽ മലയാളം വിഭാഗം അധ്യാപകനായി പ്രവർത്തിക്കുന്നു. അങ്കണം, കാരൂർ, ഇതൾ, ഇടശേരി, ചെറുകാട്, അബുതാബി ശക്ത്തി, മലയാറ്റൂർ പ്രൈസ്‍ s b t തുടങ്ങിയ അവാർഡുകൾലഭിച്ചിട്ടുണ്ട്. കൊമേർഷ്യൽ ബ്രേക്ക് എന്ന കഥയ്ക്ക് കേരളാ സർക്കാരിന്റെ മികച്ച ചെറുകഥയ്ക്കുള്ള ടെലിവിഷനവാർഡ് . സാധാരണ വേഷങ്ങൾ, വേട്ടച്ചേകോൻ എന്ന തെയ്യം എന്നിങ്ങനെ എട്ടോളം ചെറുകഥാ സമാഹാരങ്ങൾ രചിച്ചിട്ടുണ്ട്. സി ടി അച്ചുത മേനോനും മലയാള വിമർശനവും, ഓർമ്മകളുടെ നിറബലി, ബഷീർ ഭൂമിയുടെ കാവൽക്കാരൻ എന്നിവയാണ് പ്രധാന നിരൂപണ ഗ്രന്ഥങ്ങൾ . ജീവിതത്തിന്റെ ഉപമ എന്ന ക്യാമ്പസ് നോവലും, പൊഞ്ഞാറ് എന്ന നാട്ടു ഭാഷ നിഘണ്ടുവും രചിച്ചു. മരക്കാപ്പിലെ തെയ്യങ്ങളാണ് മറ്റൊരു പ്രധാന നോവൽ.

നോവൽപ്രമേയം

സാമൂഹികപ്രവർത്തനങ്ങളിൽ നിരന്തരം ഇടപെടുന്നതിനാൽ എൻഡോസൾഫാൻ ദുരിത മേഖലയായ എന്മഗജയിൽ നേരിട്ട് പോകാനും കരളലിയിപ്പിക്കുന്ന ആ ഗ്രാമീണരുടെ ജീവിതാവസ്ഥ നേരിട്ട്കാണാനും ഇടവന്നു. ഇതേ ത്തുടർന്നാണ് ആ ഗ്രാമത്തിന്റെ പേരിൽത്തന്നെ ഒരു നോവൽ പ്രസിദ്ധീകരിക്കാൻ കഥാകാരൻ തീരുമാനിക്കുന്നത്. നാട്ടു വിശ്വാസത്തെപ്പറ്റിയും ആചാരാനുഷ്ഠാനങ്ങളെപ്പറ്റിയും നോവൽ വിശദീകരിക്കുന്നു

എഴുത്തു രീതി

കാഴ്ച്ചകളുടെ നേരിട്ടുള്ള വിവരണത്തേക്കാളേറെ അവയെ ഭാവനാപരമായാണ് കഥാകാരൻ അവതരിപ്പിക്കുന്നത്.എന്നാൽ ജീവനുള്ളതും അല്ലാതതുമായ നൊമ്പരങ്ങളെ അതേപടി പകർത്താനും അംബികാസുതൻ മാങ്ങാട്ശ്രമിച്ചിട്ടുണ്ട്. എൻഡോസൾഫാൻ വിഷയം പുറം ലോകമറിയുന്നതിനു മുമ്പു തന്നെ നോവലിനാവശ്യമായ വിവര ശേഖരണം പൂർത്തിയായതിനാൽ 2000 2001 കാലങ്ങളിലെ ഗ്രാമാവസ്ഥയാണ് നോവലിൽ പ്രതിപാദിക്കുന്നത്.. സമൂഹത്തിൽ പിന്നോക്കം നില്ക്കുന്ന ഒരു വിഭാഗത്തോട് ഭരണ കൂടം കാണിച്ച ക്രൂരത വിളിച്ചോതുന്നതാണ് ഈ നോവൽ. 25 വർഷം നീണ്ടു നിന്ന വിഷ പ്രയോഗം ഒരു നാടിനെ എല്ലാ രീതിയിലും നിശ്ശബ്ദമാക്കി എന്ന് നോവൽ വിലപിക്കുന്നു.