എം.ഇ.എസ്. കല്ലടി കോളേജ്, മണ്ണാർക്കാട്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
എം.ഇ.എസ്. കല്ലടി കോളേജ്
എം.ഇ.എസ്. കല്ലടി കോളേജ്, മണ്ണാർക്കാട്
സ്ഥാപിതം1967
സ്ഥലംമണ്ണാർക്കാട്, കേരളം, ഇന്ത്യ
വെബ്‌സൈറ്റ്http://www.meskalladicollege.org/

പാലക്കാട് ജില്ലയിലെ മണ്ണാർക്കാടിനടുത്ത് കുന്തിപ്പുഴയുടെ തീരത്തായി സ്ഥിതി ചെയ്യുന്ന ഒരു കലാലയമാണ് എം ഇ എസ് കല്ലടി കോളേജ്. ഇതു എം ഇ എസിന്റെ ആദ്യത്തെ കോളേജ് ആയി അറിയപ്പെടുന്നു[1]. കോഴിക്കോട് സർവ്വകലാശാലക്കു കീഴിലായിട്ടാണ് ഈ കലാലയം അഫിലിയേറ്റ് ചെയ്തിരിക്കുന്നത്. 1967-ൽ സ്ഥാപിതമായെങ്കിലും ബിരുദ കോഴ്സുകൾ ആരംഭിച്ചത് 1971-72ലാണ്. ആദ്യകാലങ്ങളിൽ ഇവിടെ ചരിത്രം, ധനതത്ത്വശാസ്ത്രം, കണക്ക്, സസ്യശാസ്ത്രം, സാമ്പത്തിക ശാസ്ത്രം എന്നീ വിഷയങ്ങളിലേക്കുള്ള ബിരുദ ക്ലാസുകളായിരുന്നു കൈകാര്യം ചെയ്തിരുന്നത്. ബിരുദാനന്തര ബിരുദ ക്ലാസുകൽ ആരംഭിച്ചത് 1978-ലാണ്.

എത്തിച്ചേരാൻ[തിരുത്തുക]

പാലക്കാട്- കോഴിക്കോട് ദേശീയ പാതയുടെ സമീപത്തായി മണ്ണാർക്കാട് ഗ്രാമപഞ്ചായത്തിലാണ് ഈ കലാലയം സ്ഥിതി ചെയ്യുന്നത്. പാലക്കാട് റെയിവേ സ്റ്റേഷനിൽ നിന്ന് 40 കിലോമീറ്ററും മണ്ണാർക്കാട് പട്ടണത്തിൽ നിന്നും മൂന്ന് കിലോമീറ്ററുമാണ് ഇവിടേക്കുള്ള ദൂരം. അടുത്തുള്ള വിമാനത്താവളം 80 കിലോമീറ്റർ അകലെയുള്ള കരിപ്പൂർ വിമാനത്താവളമാണ്.

കോഴ്സുകൾ[തിരുത്തുക]

ബിരുദ കോഴ്സുകൾ

  1. ബാച്ചിലർ ഇൻ ആർട്സ് - അറബിക്, എകണോമിക്സ്, ചരിത്രം, ഇസ്ലാമിക് ചരിത്രം
  2. ബാച്ചിലർ ഇൻ സയൻസ് - കണക്ക്, രസതന്ത്രം, സസ്യശാസ്ത്രം, ഭൗതികശാസ്ത്രം

അവലംബം[തിരുത്തുക]