അസർബൈജാൻ സ്റ്റേറ്റ് അക്കാദമിക് ഓപ്പറ ആന്റ് ബാലെ തിയേറ്റർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
അസർബൈജാൻ സ്റ്റേറ്റ് അക്കാദമിക് ഓപ്പറ ആന്റ് ബാലെ തിയേറ്റർ
Azerbaijan State Academic Opera and Ballet Theatre main façade, 2015.jpg
AddressNizami küçəsi 95
ബാക്കു
അസർബൈജാൻ
Construction
തുറന്നത്28 ഫെബ്രുവരി1911
Years active1911-സജീവം
Architectനിക്കോളായ് ബയേവ്
Tenants
അസർബൈജാൻ സ്റ്റേറ്റ് അക്കാദമിക് ബാലെ
Azerbaijan State Academic Opera
വെബ്സൈറ്റ്
www.tob.az

മൈലോവ് തിയേറ്റർ [1]എന്ന് മുമ്പ് അറിയപ്പെട്ടിരുന്ന അസർബൈജാൻ സ്റ്റേറ്റ് അക്കാദമിക് ഓപ്പറ ആന്റ് ബാലെ തിയേറ്റർ (Azeri: Axundov adına Azərbaycan Dövlət Akademik Opera və Balet Teatrı), അസർബൈജാനിലെ ബാക്കുവിലുള്ള ഒരു ഓപ്പറ ഹൗസാണ്. 1911 ലാണ് ഇത് നിർമ്മിച്ചത്.

ചരിത്രം[തിരുത്തുക]

ധനികനായ ഡാനിയേൽ മൈലോവിന്റെ അഭ്യർത്ഥന മാനിച്ചാണ് തിയേറ്റർ പണികഴിപ്പിച്ചത്, ധനികനായ സെയ്‌നലാബ്ഡിൻ താജിയേവ് ധനസഹായം നൽകി. 1910-ൽ പ്രശസ്ത റഷ്യൻ സോപ്രാനോ അന്റോണിന നെഷ്ദാനോവ വിവിധ ക്ലബ്ബുകളിലും പ്രകടന വേദികളിലും നിരവധി സംഗീതകച്ചേരികൾ നടത്താനായി ബാക്കു സന്ദർശിച്ചു. [2] പ്രാദേശിക കാസിനോയിൽ നിന്നും നെഷ്ദാനോവ പുറപ്പെടുന്ന സന്ദർഭത്തിൽ സംഘടിപ്പിച്ച ഒരു നൃത്തശാലയിൽ, ബാക്കുവിനെ വീണ്ടും കാണാൻ ആഗ്രഹിക്കുന്നുണ്ടോ എന്ന് അവരോട് ചോദിച്ചു. അവരുടെ പ്രതികരണം നിഷേധാത്മകമായിരുന്നു. തുടർന്ന് ധാരാളം സമ്പന്നരുള്ള ഒരു നഗരത്തിൽ ഗായകർക്ക് അവരുടെ സംഗീത കഴിവുകൾ പൂർണ്ണമായും പ്രകടിപ്പിക്കാൻ കഴിയുന്ന മാന്യമായ ഒരു ഓപ്പറ തിയേറ്റർ നിർമ്മിക്കാൻ ആരും ധനസഹായം നൽകില്ലെന്ന ആശങ്കയുണ്ടായി. യാത്രയ്ക്കിടെ നെഷ്ദാനോവയുടെ ശബ്ദത്തെയും വ്യക്തിത്വത്തെയും പ്രശംസിച്ച ഡാനിയൽ മെയ്‌ലോവ് ഈ അവസരം ഉപയോഗിക്കാൻ തീരുമാനിക്കുകയും ഒരു വർഷത്തിനുള്ളിൽ ബാക്കുവിനെ വീണ്ടും സന്ദർശിക്കാൻ ഒരു പുതിയ ഓപ്പറ തിയേറ്റർ തുറക്കുന്നതിൽ പങ്കെടുക്കാനും അവർക്ക് അവസരം വാഗ്ദാനം ചെയ്യുകയും അവരുടെ ബഹുമാനാർത്ഥം തിയേറ്റർ പണിയാൻ അദ്ദേഹം ഉത്തരവ് നൽകി. [3] ഒരു നഗര ഐതിഹ്യം അനുസരിച്ച്, ബാക്കുവിൽ നിന്നുള്ള ഒരു പ്രശസ്ത ഓപ്പറ ഗായകന്റെ വീട്ടുപടിക്കലിലെ നൃത്തശാലയിലേക്ക് മൈലോവിനെയും സഹോദരനെയും ക്ഷണിച്ചിരുന്നില്ല, അദ്ദേഹത്തിന്റെ പുതിയ വീട് (ഇപ്പോൾ സോകാറിന്റെ ഹെഡ് ഓഫീസ്) നഗരത്തിലെ ഏറ്റവും മികച്ച വാസ്തുവിദ്യയായിരുന്നു. അതിനാൽ തന്ത്രരഹിതമായ ഗായകനെ മറികടന്ന് സ്വന്തമായി ഒരു കെട്ടിടം പണിയാൻ മൈലോവ്സ് തീരുമാനിച്ചു.

റഷ്യൻ വാസ്തുശില്പിയും സിവിൽ എഞ്ചിനീയറും [4][5]അർമേനിയൻ വംശജനുമായ നിക്കോളായ് ബയേവ് തിയേറ്ററിന്റെ വാസ്തുവിദ്യാ രേഖാചിത്രം രൂപകൽപ്പന ചെയ്തു. [1] എന്നിരുന്നാലും, ഒരു വർഷത്തിനുള്ളിൽ അത്തരം ഗംഭീരമായ കെട്ടിടത്തിന്റെ നിർമ്മാണം അക്കാലത്ത് കേട്ടിട്ടില്ലാത്തതിനാൽ നിരവധി സുരക്ഷാ നടപടികൾ സ്വീകരിക്കേണ്ടതുണ്ടായിരുന്നു. സിറ്റി കൗൺസിലിന്റെ അംഗീകാരത്തിനായി കാത്തിരിക്കേണ്ടതില്ലെന്ന് മൈലോവ്സ് തീരുമാനിച്ചുവെങ്കിലും കെട്ടിട ചട്ടങ്ങൾ ലംഘിച്ചതിനാൽ നിർമ്മാണം നിർത്താൻ ഉത്തരവിട്ടു.[3] താമസിയാതെ ബയേവ് നഗര നിയമസഭയെ ബോധ്യപ്പെടുത്തുകയും അതിന്റെ അംഗീകാരം നേടുകയും ചെയ്തു. മുമ്പ് തഗിയേവ് തിയേറ്ററിന്റെ (ഇന്നത്തെ അസർബൈജാൻ സ്റ്റേറ്റ് മ്യൂസിക്കൽ കോമഡി തിയേറ്റർ) നിർമ്മാണത്തിന് സ്പോൺസർ ചെയ്തിരുന്ന അസേരി ധനികൻ സെയ്‌നലാബ്ഡിൻ താജിയേവ്, ഇത്രയും കുറഞ്ഞ കാലയളവിൽ പുതിയ തിയേറ്റർ പൂർണ്ണമായും നിർമ്മിക്കാൻ കഴിയുമോ എന്ന സംശയം പ്രകടിപ്പിച്ചു. ഡാനിയൽ മൈലോവ് ഒരു പന്തയം വെച്ചു. കൃത്യസമയത്ത് തിയേറ്റർ നിർമ്മിക്കാൻ മെയിലോവുകൾക്ക് കഴിഞ്ഞില്ലെങ്കിൽ, അവർ അത് താഗിയേവിന് സമ്മാനമായി നൽകും. 1911 ഓടെ തിയേറ്റർ പണിതാൽ, കെട്ടിട ചെലവുകളെല്ലാം താജിയേവ് വഹിക്കേണ്ടിവരും.[3]

ഉസൈർ ഹാജിബയോവ് എഴുതിയ ലെയ്‌ലിയുടെയും മജ്നുന്റെയും ഓപ്പറ. അസർബൈജാൻ സ്റ്റേറ്റ് അക്കാദമിക് ഓപ്പറ ആന്റ് ബാലെറ്റ് തിയേറ്റർ ഒരു ദൃശ്യം.

200 തൊഴിലാളികൾ ഉൾപ്പെടുന്ന സൈറ്റിലെ മൂന്ന് ഷിഫ്റ്റ് ജോലിക്കാർ വേഗത്തിൽ കെട്ടിടത്തിന്റെ നിർമ്മാണ ജോലികകൾ 10 മാസത്തിനുള്ളിൽ പൂർത്തിയാക്കി. നിർമ്മാണത്തിനായുള്ള മൊത്തം ചെലവ് 250,000 റുബിളിൽ കവിഞ്ഞു. [1] നഗര മേയർ പീറ്റർ മാർട്ടിനോവ് ആർക്കിടെക്റ്റുകളും എഞ്ചിനീയർമാരും ചേർന്ന് പുതുതായി നിർമ്മിച്ച തിയേറ്റർ പരിശോധിച്ച് അതിന്റെ സുരക്ഷ സ്ഥിരീകരിച്ചു. വാഗ്ദാനം ചെയ്തതനുസരിച്ച്, തഗിയേവ് എല്ലാ ചെലവുകളും നൽകി. 1911 ഫെബ്രുവരി 28 നാണ് മിലിയോവ്സ് തിയേറ്ററിന്റെ ഔദ്യോഗിക ഉദ്ഘാടനം നിശ്ചയിച്ചിരുന്നത്. ഡാനിയൽ മൈലോവ് ചടങ്ങിനെക്കുറിച്ച് ടെലിഗ്രാം മുഖേന മുൻകൂട്ടി അറിയിച്ചിരുന്നു. കൂടാതെ പ്രശസ്ത സോപ്രാനോ പുതിയ ഓപ്പറ ഹൗസിൽ അവതരിപ്പിച്ച ആദ്യത്തെ ഗായകനായി. ബാക്കുവിലെ ബഹുജാതി പ്രമാണിമാരിൽ ഭൂരിഭാഗവും പരിപാടിയിൽ പങ്കെടുത്തു. മെയിലോവിനെ തന്റെ വീട്ടുവളപ്പിലേ നൃത്തശാലയിൽ ക്ഷണിക്കാതിരുന്ന ഒപെറ ഗായകൻ മാത്രം ഹാജരാകാതിരുന്നവരിൽ ഉൾപ്പെടുന്നു.[3]

അവലംബം[തിരുത്തുക]

  1. 1.0 1.1 1.2 Opera in Azerbaijan by Azer Rezayev. Azerbaijan International. #5.4. Winter 1997
  2. (റഷ്യൻ ഭാഷയിൽ) On Baku for Those Who Has Never Been There by Elena Kolmanovskaya. Baku Pages. 31 March 2003
  3. 3.0 3.1 3.2 3.3 (റഷ്യൻ ഭാഷയിൽ) The Opera and Ballet Theatre by Manaf Suleymanov. The Past Days. 1990
  4. Armenia-Russia: The dialogue in the space of artistic culture, Materials of International symposium, Moscow 2010, p. 16 (by Dr. M. Gasparyan) Archived October 26, 2014, at the Wayback Machine.
  5. Армянская культура в 1800-1917 гг., Вахе Эрканьян, 1985, p. 190

പുറത്തേക്കുള്ള കണ്ണികൾ[തിരുത്തുക]