അഞ്ചാംപനി

കണ്ണികൾ തിരുത്തുക
വിക്കിപീഡിയ, ഒരു സ്വതന്ത്ര വിജ്ഞാനകോശം.
അഞ്ചാംപനി
സ്പെഷ്യാലിറ്റിInfectious diseases Edit this on Wikidata

Measles virus
Measles virus
Virus classification
Group:
Group V ((−)ssRNA)
Order:
Mononegavirales
Family:
Paramyxoviridae
Genus:
Morbillivirus
Type species
Measles virus

മീസിൽസ് വൈറസ് മൂലമുണ്ടാകുന്ന ഒരു സാംക്രമികരോഗമാണ് അഞ്ചാംപനി.[1] ഇംഗ്ലീഷ് :anchampani. മണ്ണന്‍, പൊങ്ങമ്പനി എന്നീ പേരുകളിലും അറിയപ്പെടുന്നു. ഇതിന്റെ ഉദ്ഭവനകാലം 10-14 ദിവസങ്ങളാണ്.[2] പ്രായമായവരെയും ഈ രോഗം ബാധിക്കുമെങ്കിലും കുട്ടികളിലാണിത് സാധാരണയായി കണ്ടുവരുന്നത്. ശരീരത്തിലെ എല്ലാ അവയവവ്യൂഹങ്ങളെയും ഇതു ബാധിക്കുന്നു. ശ്വസനവ്യൂഹത്തിലെ ശ്ളേഷ്മസ്തരം, ത്വക്ക്, നേത്രശ്ളേഷ്മസ്തരം, വായ് എന്നീ ഭാഗങ്ങളെയാണ് ഇത് കൂടുതലായി ബാധിക്കുന്നത്.

രോഗബാധിതരുടെ ചുമയിലൂടെയും തുമ്മലിലൂടെയും വായുവിലൂടെ ഒരാളിൽ നിന്ന് മറ്റൊരാളിലേക്ക് എളുപ്പത്തിൽ പകരുന്ന രോഗമാണ് അഞ്ചാംപനി.[3] വായയിലെയോ മൂക്കിലെയോ സ്രവങ്ങളുമായോ നേരിട്ടുള്ള സമ്പർക്കത്തിലൂടെയും ഇത് പകരാം.[4] അഞ്ചാംപനി അങ്ങേയറ്റം പകരുന്നതാണ്. രോഗബാധിതനായ വ്യക്തിയുമായി താമസസ്ഥലം പങ്കിടുന്ന പ്രതിരോധശേഷി കുറഞ്ഞ പത്തിൽ ഒമ്പത് പേർക്കും ഈ രോഗം പിടിപെടും.[5] ചുണങ്ങു തുടങ്ങുന്നതിന് നാല് ദിവസം മുമ്പ് മുതലുെ നാല് ദിവസം വരെയും രോഗികളിൽ നിന്ന് മറ്റുള്ളവർക്ക് രോഗം പകരാവുന്നതാണ്. [5]അഞ്ചാംപനിയെ പലപ്പോഴും കുട്ടിക്കാലത്ത് ബാധിക്കുന്ന രോഗമായി കണക്കാക്കപ്പെടുന്നുണ്ടെങ്കിലും ഏത് പ്രായത്തിലുമുള്ളവരെയും ഇത് ബാധിക്കാം.[6] മിക്ക ആളുകൾക്കും ഒന്നിലധികം തവണ രോഗം പിടിപെടാറില്ല.[3] സംശയാസ്പദമായ കേസുകളിൽ മീസിൽസ് വൈറസിന്റെ പരിശോധന പൊതുജനാരോഗ്യരംഗത്തിനു പ്രധാനമാണ്.[5] മറ്റ് മൃഗങ്ങളിൽ സാധാരണയായി അഞ്ചാംപനി കണ്ടുവരാറില്ല.[4]

രോഗബാധിതർക്ക് പ്രത്യേക ചികിത്സ ലഭ്യമല്ല.[4] എന്നാലും ശ്രദ്ധയോടെയുള്ള പരിചരണ ആരോഗ്യനില മെച്ചപ്പെടുത്തും.[3] അത്തരം പരിചരണത്തിൽ ഓറൽ റീഹൈഡ്രേഷൻ ലായനി, ആരോഗ്യകരമായ ഭക്ഷണം, പനി നിയന്ത്രിക്കാനുള്ള മരുന്നുകൾ എന്നിവ ഉൾപ്പെടാം.[3][7] ചെവി അണുബാധയോ ന്യുമോണിയയോ പോലുള്ള ബാക്ടീരിയ അണുബാധകൾ ഉണ്ടായാൽ ആൻറിബയോട്ടിക്കുകൾ നിർദ്ദേശിക്കണം.[3][4] കുട്ടികൾക്ക് വിറ്റാമിൻ എ സപ്ലിമെന്റേഷനും ശുപാർശ ചെയ്യുന്നു.[4] 1985 നും 1992 നും ഇടയിൽ യു.എസ്.എയിൽ റിപ്പോർട്ട് ചെയ്യപ്പെട്ട കേസുകളിൽ 0.2% കേസുകളിൽ മാത്രമാണ് മരണം സംഭവിച്ചത്.[5] എന്നാൽ പോഷകാഹാരക്കുറവുള്ളവരിൽ മരണനിരക്ക് 10% വരെയാകാം.[3] അണുബാധ മൂലം മരിക്കുന്നവരിൽ ഭൂരിഭാഗവും അഞ്ച് വയസ്സിന് താഴെയുള്ളവരാണ്.[4]

അഞ്ചാംപനി വാക്സിൻ രോഗം തടയാൻ ഫലപ്രദവും സുരക്ഷിതവുമാണ്.[3][8] മറ്റ് വാക്സിനുകളുമായി സംയോജിപ്പിച്ചാണ് ഇത് നൽകുന്നത്. 2000-നും 2017-നും ഇടയിൽ വാക്സിനേഷൻ അഞ്ചാംപനി മൂലമുള്ള മരണങ്ങളിൽ 80% കുറവുണ്ടാക്കി.[4] പ്രതിവർഷം ഏകദേശം 2 കോടി ആളുകളെ അഞ്ചാംപനി ബാധിക്കുന്നു. ഇത് പ്രധാനമായും ആഫ്രിക്കയിലും ഏഷ്യയിലുമാണ്.[9][10][11] 1980-ൽ 26 ലക്ഷം പേർ അഞ്ചാംപനി ബാധിച്ച് മരിച്ചു.[3] 1990-ൽ 545,000 പേർ ഈ രോഗം മൂലം മരിച്ചു. 2014 ആയപ്പോഴേക്കും ആഗോള വാക്സിനേഷൻ പ്രോഗ്രാമുകൾ അഞ്ചാംപനി ബാധിച്ച് മരിച്ചവരുടെ എണ്ണം 73,000 ആയി കുറച്ചു.[12][13] ഈ പ്രവണതകൾ ഉണ്ടായിരുന്നിട്ടും, പ്രതിരോധ കുത്തിവയ്പ്പിലെ കുറവ് കാരണം 2017 മുതൽ 2019 വരെ രോഗത്തിന്റേയും മരണങ്ങളുടെയും നിരക്ക് വർദ്ധിച്ചു.[14][15][16]

രോഗലക്ഷണങ്ങൾ[തിരുത്തുക]

രോഗലക്ഷണങ്ങൾ സാധാരണയായി രോഗബാധിതരുമായി സമ്പർക്കം കഴിഞ്ഞ് 10-14 ദിവസങ്ങൾക്ക് ശേഷം ആരംഭിക്കുന്നു.[17][18] പനി, കണ്ണിൽനിന്നും മൂക്കിൽ നിന്നും വെള്ളമെടുപ്പ്, ചെറിയ ചുമ, ശബ്ദമടപ്പ് തുടങ്ങിയവയാണ് പ്രാരംഭലക്ഷണങ്ങൾ. നാലഞ്ചു ദിവസങ്ങൾക്കകം ചുവന്ന ത്വക്ക്-ക്ളോമങ്ങൾ പ്രത്യക്ഷമാകുന്നു. വായ്ക്കകത്ത് സ്ഫോടങ്ങൾ ഇതിനു മുമ്പുതന്നെ പ്രത്യക്ഷമായിട്ടുണ്ടായിരിക്കും. ഈ സ്ഫോടങ്ങൾ ദേഹമാസകലം വ്യാപിക്കുകയും ത്വക്ക് ചുവന്നു തടിക്കുകയും ചെയ്യുന്നു. രോഗത്തിന്റെ തീവ്രത കുറയുന്നതോടെ ഈ പുള്ളികൾ മങ്ങി തവിട്ടുനിറമാകുകയും ക്രമേണ മായുകയും ചെയ്യുന്നു. ഒരാഴ്ചയോളം നീണ്ടുനിൽക്കുന്ന പനി സാധാരണമാണ്. അഞ്ചാംപനിയുടെ ഭാഗമായുള്ള പനി പലപ്പോഴും 40 ഡിഗ്രി സെൽഷ്യസോളും (104 °F) ഉയർന്നിരിക്കും.[19]

വായയ്ക്കുള്ളിൽ കാണുന്ന കോപ്ലിക്കിന്റെ പാടുകൾ അഞ്ചാംപനിയുടെ രോഗനിർണ്ണയത്തിനുപയോഗിക്കാമെങ്കിലും അവ താൽക്കാലികമായതിനാൽ അപൂർവ്വമായേ രോഗനിർണ്ണയത്തിനുതകുന്നുള്ളൂ.[20]

പനി ആരംഭിച്ച് ദിവസങ്ങൾക്ക് ശേഷം കാണപ്പെടുന്ന ചുവന്ന ചുണങ്ങുകളാണ് അഞ്ചാംപനിയുടെ സവിശേഷത. ഇത് ചെവിയുടെ പിൻഭാഗത്ത് ആരംഭിക്കുകയും ഏതാനും മണിക്കൂറുകൾക്ക് ശേഷം തലയിലും കഴുത്തിലും വ്യാപിക്കുകയും ശരീരത്തിന്റെ ഭൂരിഭാഗവും മൂടുകയും ചെയ്യുന്നു.

ശ്വേതമണ്ഡലത്തിലെ പുണ്ണ്, വായ്പ്പുണ്ണ് ബ്രോങ്കോന്യൂമോണിയ, മധ്യകർണശോഥം, വയറിളക്കം എന്നിവ സങ്കീർണതകളായി ഇതിനോടൊപ്പം ഉണ്ടാകാറുണ്ട്.

ചികിത്സ[തിരുത്തുക]

പ്രത്യേക ചികിത്സ ഇല്ല. ലാക്ഷണിക പ്രതിവിധികൾ സ്വീകരിക്കുകയും സങ്കീർണത വരാതെ സൂക്ഷിക്കുകയും ആണ് ചെയ്യേണ്ടത്. രോഗിയെ രോഗാരംഭം മുതൽ മാറ്റിത്താമസിപ്പിക്കേണ്ടതാണ്.

രോഗപ്രതിരോധം[തിരുത്തുക]

ആന്റിമീസിൽസ് വാക്സിൻ സജീവരോഗപ്രതിരോധമായും ഗാമാഗ്ളോബുലിൻ നിഷ്ക്രിയപ്രതിരോധശക്തി നല്കാനായും ഉപയോഗിക്കുന്നു. 1958-ൽ എൻഡേഴ്സും (Enders) സഹപ്രവർത്തകരുംകൂടിയാണ് ആന്റിമീസിൽസ് വാക്സിൻ ആദ്യമായി പരീക്ഷിച്ചുനോക്കിയത്. മറ്റൊരു മൃതവൈറസ് വാക്സിനും ലഭ്യമാണ്. ആജീവനാന്തപ്രതിരോധത്തിന് ജീവനുള്ള നിഷ്ക്രിയവൈറസുകളുടെ വാക്സിനാണ് പറ്റിയത്. മൃതവൈറസ് വാക്സിൻ താത്കാലികപ്രതിരോധശക്തി മാത്രമേ നല്കുന്നുള്ളു. ഈ വാക്സിനുകൾ എല്ലാം 1960 മുതൽ ഉപയോഗത്തിൽ വന്നു തുടങ്ങിയിട്ടുണ്ട്.

അവലംബം[തിരുത്തുക]

  1. ↑ Guerra FM, Bolotin S, Lim G, Heffernan J, Deeks SL, Li Y, Crowcroft NS (December 2017). "The basic reproduction number (R0) of measles: a systematic review". The Lancet Infectious Diseases. 17 (12): e420–e428. doi:10.1016/S1473-3099(17)30307-9. PMID 28757186.
  2. ↑ "Measles". മൂലതാളിൽ നിന്നും 2010-07-06-ന് ആർക്കൈവ് ചെയ്തത്.
  3. ↑ 3.0 3.1 3.2 3.3 3.4 3.5 3.6 3.7 "Measles Fact sheet N°286". World Health Organization. November 2014. മൂലതാളിൽ നിന്നും 3 February 2015-ന് ആർക്കൈവ് ചെയ്തത്. ശേഖരിച്ചത് 4 February 2015.
  4. ↑ 4.0 4.1 4.2 4.3 4.4 4.5 4.6 "Measles fact sheet". World Health Organization. മൂലതാളിൽ നിന്നും 2019-06-01-ന് ആർക്കൈവ് ചെയ്തത്. ശേഖരിച്ചത് 2019-05-20.
  5. ↑ 5.0 5.1 5.2 5.3 Atkinson W (2011). Epidemiology and Prevention of Vaccine-Preventable Diseases (12 പതിപ്പ്.). Public Health Foundation. പുറങ്ങൾ. 301–23. ISBN 9780983263135. മൂലതാളിൽ നിന്നും 7 February 2015-ന് ആർക്കൈവ് ചെയ്തത്. ശേഖരിച്ചത് 5 February 2015.
  6. ↑ Chen S.S.P. (22 February 2018). Measles (Report). Medscape. മൂലതാളിൽ നിന്നും 25 September 2011-ന് ആർക്കൈവ് ചെയ്തത്. ശേഖരിച്ചത് 13 May 2020.
  7. ↑ Bope, Edward T.; Kellerman, Rick D. (2014). Conn's Current Therapy 2015. Elsevier Health Sciences. പുറം. 153. ISBN 9780323319560. മൂലതാളിൽ നിന്നും 2017-09-08-ന് ആർക്കൈവ് ചെയ്തത്.
  8. ↑ Russell, SJ; Babovic-Vuksanovic, D; Bexon, A; Cattaneo, R; Dingli, D; Dispenzieri, A; Deyle, DR; Federspiel, MJ; Fielding, A; Galanis, E (September 2019). "Oncolytic Measles Virotherapy and Opposition to Measles Vaccination". Mayo Clinic Proceedings. 94 (9): 1834–39. doi:10.1016/j.mayocp.2019.05.006. PMC 6800178. PMID 31235278.
  9. ↑ Caserta, MT, സംശോധാവ്. (September 2013). "Measles". Merck Manual Professional. Merck Sharp & Dohme Corp. മൂലതാളിൽ നിന്നും 23 March 2014-ന് ആർക്കൈവ് ചെയ്തത്. ശേഖരിച്ചത് 23 March 2014.
  10. ↑ Kabra SK, Lodha R (August 2013). "Antibiotics for preventing complications in children with measles". The Cochrane Database of Systematic Reviews. 8 (8): CD001477. doi:10.1002/14651858.CD001477.pub4. PMC 7055587. PMID 23943263.
  11. ↑ "Despite the availability of a safe, effective and inexpensive vaccine for more than 40 years, measles remains a leading vaccine-preventable cause of childhood deaths" (PDF). ശേഖരിച്ചത് 16 February 2019.
  12. ↑ GBD 2015 Mortality and Causes of Death Collaborators (October 2016). "Global, regional, and national life expectancy, all-cause mortality, and cause-specific mortality for 249 causes of death, 1980-2015: a systematic analysis for the Global Burden of Disease Study 2015". Lancet. 388 (10053): 1459–1544. doi:10.1016/S0140-6736(16)31012-1. PMC 5388903. PMID 27733281.
  13. ↑ GBD 2013 Mortality Causes of Death Collaborators (January 2015). "Global, regional, and national age-sex specific all-cause and cause-specific mortality for 240 causes of death, 1990-2013: a systematic analysis for the Global Burden of Disease Study 2013". Lancet. 385 (9963): 117–71. doi:10.1016/S0140-6736(14)61682-2. PMC 4340604. PMID 25530442.
  14. ↑ "Measles cases spike globally due to gaps in vaccination coverage". World Health Organization (WHO). 29 November 2018. ശേഖരിച്ചത് 21 December 2018.
  15. ↑ "U.S. measles cases surge nearly 20 percent in early April, CDC says". Reuters. 16 April 2019. ശേഖരിച്ചത് 16 April 2019.
  16. ↑ "Measles – European Region". World Health Organization (WHO). മൂലതാളിൽ നിന്നും 8 May 2019-ന് ആർക്കൈവ് ചെയ്തത്. ശേഖരിച്ചത് 8 May 2019.
  17. ↑ "Pinkbook Measles Epidemiology of Vaccine Preventable Diseases". Centers for Disease Control and Prevention (CDC). 15 November 2016. ശേഖരിച്ചത് 6 May 2018.
  18. ↑ "Measles". Merck Manuals Professional Edition. January 2018. ശേഖരിച്ചത് 6 May 2018.
  19. ↑ Ludlow M, McQuaid S, Milner D, de Swart RL, Duprex WP (January 2015). "Pathological consequences of systemic measles virus infection". The Journal of Pathology. 235 (2): 253–65. doi:10.1002/path.4457. PMID 25294240.
  20. ↑ Biesbroeck L, Sidbury R (November 2013). "Viral exanthems: an update". Dermatologic Therapy. 26 (6): 433–8. doi:10.1111/dth.12107. PMID 24552405. S2CID 10496269.

പുറത്തേക്കുള്ള കണ്ണികൾ[തിരുത്തുക]

Measles എന്ന വിഷയവുമായി ബന്ധപ്പെട്ട ചിത്രങ്ങൾ വിക്കിമീഡിയ കോമൺസിലുണ്ട്.

രോഗങ്ങളുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പ്.


കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ അഞ്ചാംപനി എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.
"https://ml.wikipedia.org/w/index.php?title=അഞ്ചാംപനി&oldid=3984066" എന്ന താളിൽനിന്ന് ശേഖരിച്ചത്