സ്മൃതി ഇറാനി

വിക്കിപീഡിയ, ഒരു സ്വതന്ത്ര വിജ്ഞാനകോശം.
സ്മൃതി ഇറാനി


മാനവ വിഭവശേഷി വകുപ്പ് മന്ത്രി
നിലവിൽ
പദവിയിൽ 
26 May 2014
പ്രസിഡണ്ട് പ്രണബ് കുമാർ മുഖർജി
പ്രധാനമന്ത്രി നരേന്ദ്ര മോദി
മുൻ‌ഗാമി പല്ലം രാജു

ബി.ജെ.പി ദേശീയ ഉപാധ്യക്ഷ
നിലവിൽ
പദവിയിൽ 
2012
പ്രസിഡണ്ട് രാജ്നാഥ് സിംഗ്

പാർലമെന്റംഗം, ഗുജറാത്തിൽ നിന്നുള്ള രാജ്യസഭാംഗം
നിലവിൽ
പദവിയിൽ 
2011

ജനനം (1976-03-23) മാർച്ച് 23, 1976 (38 വയസ്സ്)
ന്യൂ ഡൽഹി, ഇന്ത്യ
രാഷ്ടീയകക്ഷി ഭാരതീയ ജനതാ പാർട്ടി
ജീവിതപങ്കാളി(കൾ) സുബിൻ ഇറാനി
ഭവനം മുംബൈ, മഹാരാഷ്ട്ര, ഇന്ത്യ
ബിരുദം ഹോളി ചൈൽഡ് ആക്സിലിയം സ്കൂളിൽ +2
തൊഴിൽ Politician
Actress

ബി.ജെ.പി ദേശീയ ഉപാധ്യക്ഷയും പതിനാറാം ലോക്സഭയിലെ മാനവ വിഭവശേഷി വകുപ്പ് മന്ത്രിയുമാണ് സ്മൃതി ഇറാനി (ജനനം :23 മാർച്ച് 1976). രാജ്യ സഭാംഗമാണ്. 2014 ലെ ലോക്സഭാ തെരഞ്ഞെടുപ്പിൽ ഉത്തർപ്രദേശിലെ അമേഠി ലോക്സഭാ മണ്ഡലത്തിൽ രാഹുൽ ഗാന്ധിക്കെതിരേ മത്സരിച്ചു പരാജയപ്പെട്ടു. സീരിയൽതാരവും മോഡലുമായിരുന്നു.

ജീവിതരേഖ[തിരുത്തുക]

ഹോളി ചൈൽഡ് ആക്സിലിയം സ്കൂളിൽ +2 വരെ പഠിച്ചു.[1] [2] സ്റ്റാർ ടി.വിയിലെ പ്രശസ്തമായ 'ക്യോംകി സാസ് ഭി കഭി ബഹു ഥീ' എന്ന പരമ്പരയിലൂടെ ശ്രദ്ധേയയായി. 2003-ൽ ബി.ജെ. പിയിൽ ചേർന്നു. 2004-ലെ തിരഞ്ഞെടുപ്പിൽ ഡൽഹിയിലെ ചാന്ദ്നി ചൗക്ക് ലോക്സഭാ മണ്ഡലത്തിൽ കപിൽസിബലിനെതിരെ മത്സരിച്ച് പരാജയപ്പെട്ടു. യുവമോർച്ചയുടെ സംസ്ഥാന ഉപാധ്യക്ഷയായും ബി.ജെ.പി ദേശീയസമിതിയംഗമായും പ്രവർത്തിച്ചു. 2011-ൽ ഗുജറാത്തിൽനിന്ന് രാജ്യസഭയിലെത്തി. [3]

ഭർത്താവ് സുബിൻ ഇറാനി. മകൻ സോഹർ.

വിവാദങ്ങൾ[തിരുത്തുക]

കേന്ദ്ര മാനവവിഭവശേഷി മന്ത്രിയായി സ്ഥാനമേറ്റതിനെത്തുടർന്ന് സ്മൃതി ഇറാനിയുടെ വിദ്യാഭ്യാസയോഗ്യത സംബന്ധിച്ച് വിവാദമുണ്ടായി. വിദ്യാഭ്യാസവകുപ്പ് കൈകാര്യംചെയ്യേണ്ട കാബിനറ്റ് മന്ത്രിക്ക് ബിരുദംപോലുമില്ലെന്ന് കോൺഗ്രസ് നേതാക്കൾ ആരോപിച്ചു. വിദ്യാഭ്യാസയോഗ്യത സംബന്ധിച്ച് തെറ്റായ വിവരം നൽകിയെന്നും ആരോപണമുണ്ടായി. മിനി സ്‌ക്രീൻരംഗം വിട്ടശേഷം ബി.ജെ.പിയിൽ ചേർന്ന സ്മൃതി ഇറാനി 2004-ലെ ലോക്‌സഭാ തിരഞ്ഞെടുപ്പിൽ ഡൽഹിയിലെ ചാന്ദ്‌നി ചൗക്കിൽനിന്ന് മത്സരിക്കുമ്പോൾ നൽകിയ സത്യവാങ്മൂലത്തിൽ, താൻ ഡൽഹി സർവകലാശാലയുടെ വിദൂരവിദ്യാഭ്യാസംവഴി 1996-ൽ ബി.എ പൂർത്തിയാക്കിയെന്നാണ് പറഞ്ഞിരുന്നത്. എന്നാൽ പതിനാറാം ലോക്‌സഭാ തിരഞ്ഞെടുപ്പിൽ അമേഠിയിൽ രാഹുൽഗാന്ധിക്കെതിരെ മത്സരിക്കുമ്പോൾ നൽകിയ സത്യവാങ്മൂലത്തിലാകട്ടെ, ഡൽഹി സർവകലാശാലയുടെ വിദൂരവിദ്യാഭ്യാസംവഴി 1994-ൽ കോമേഴ്‌സ് ബിരുദത്തിന്റെ ഒന്നാം പാർട്ട്, അഥവാ ഒന്നാംവർഷം പൂർത്തിയാക്കിയെന്നാണ് കാണിക്കുന്നതെന്ന് മാധ്യമങ്ങൾ റിപ്പോർട്ട് ചെയ്തിരുന്നു[4]

അവലംബം[തിരുത്തുക]

  1. "'Class 12 pass’ and education minister?". First Post. ശേഖരിച്ചത് 27 May 2014. 
  2. "Smriti goes back to school". TOI. 
  3. "ഇവർ കേന്ദ്രമന്ത്രിമാർ". www.mathrubhumi.com. ശേഖരിച്ചത് 28 മെയ് 2014. 
  4. "സ്മൃതിയുടെ യോഗ്യത: വിവാദം കൊഴുക്കുന്നു". www.mathrubhumi.com. ശേഖരിച്ചത് 29 മെയ് 2014. 

പുറം കണ്ണികൾ[തിരുത്തുക]

Persondata
NAME Irani, Smriti
ALTERNATIVE NAMES Tulsi
SHORT DESCRIPTION Indian actor
DATE OF BIRTH 23 March 1976
PLACE OF BIRTH Delhi, India
DATE OF DEATH
PLACE OF DEATH
"http://ml.wikipedia.org/w/index.php?title=സ്മൃതി_ഇറാനി&oldid=1951208" എന്ന താളിൽനിന്നു ശേഖരിച്ചത്