സൂര്യഗ്രഹണം (2020 ഡിസംബർ 14)

2020 ഡിസംബർ 14 ന് ദക്ഷിണ അമേരിക്കയിൽ, ഒരു പൂർണ്ണ സൂര്യഗ്രഹണം ദൃശ്യമാകുന്നു. സൂര്യനും ഭൂമിക്കും ഇടയിൽ ചന്ദ്രൻ വരുമ്പോൾ സൂര്യൻ ഭാഗികമായോ,പൂർണ്ണമായോ മറയപ്പെടുന്ന പ്രതിഭാസമാണ് സൂര്യഗ്രഹണം. കാഴ്ചക്കാരനെ അപേക്ഷിച്ച്, ചന്ദ്രന്റെ വ്യക്തമായ വ്യാസം സൂര്യനേക്കാൾ വലുതാകുകയും സൂര്യപ്രകാശം നേരിട്ട് തടയുകയും പകൽ ഇരുട്ടായി മാറുകയും ചെയ്യുമ്പോൾ പൂർണ്ണ സൂര്യഗ്രഹണം സംഭവിക്കുന്നു. ഭൂമിയുടെ ഉപരിതലത്തിലുടനീളമുള്ള ഇടുങ്ങിയ പാതയിലൂടെയാണ് സമ്പൂർണ്ണ ഗ്രഹണം സംഭവിക്കുന്നത്, അതേസമയം ഭാഗിക സൂര്യഗ്രഹണം, ഈ പാതക്ക് ചുറ്റുമുള്ള പ്രദേശത്ത് ആയിരക്കണക്കിന് കിലോമീറ്റ്ററുകൾ വരെ ദൃശ്യമാകും. ചന്ദ്രന്റെ പ്രത്യക്ഷ വ്യാസം വലുതായിരിക്കും, കാരണം പെരിജീ കഴിഞ്ഞ് 1.8 ദിവസത്തിനുള്ളിൽ മാത്രമേ ഗ്രഹണം സംഭവിക്കുകയുള്ളൂ (2020 ഡിസംബർ 12 ന്).

2017 ഫെബ്രുവരി 26 ലെ സൂര്യഗ്രഹണത്തിന് സമാനമാണ് ഈ ഗ്രഹണ പാത. 2019 ജൂലൈ 2 ലെ സൂര്യഗ്രഹണം കഴിഞ്ഞ് 17 മാസത്തിന് ശേഷമാണ് സമാനമായ ഗ്രഹണം സംഭവിക്കുന്നത്, 2019 ലെ ഗ്രഹണം പോലെ ചിലിയിൽ നിന്നും അർജന്റീനയിൽ നിന്നും ഇത് ദൃശ്യമാണ്. ബൊളീവിയ, ബ്രസീൽ, ഇക്വഡോർ, പരാഗ്വേ, പെറു, ഉറുഗ്വേ എന്നിവിടങ്ങളിൾ ഭാഗിക സൂര്യഗ്രഹണം കാണാം.

ദൃശ്യത

ചിലി

അരോക്കാനിയ മേഖല, ലോസ് റിയോസ് മേഖല, ബിയൊ ബിയൊ മേഖലയുടെ വളരെ ചെറിയ ഭാഗങ്ങൾ എന്നിവീടങ്ങളിൽ പൂർണ്ണ ഗ്രഹണം ദൃശ്യമാകും. ടെമുക്കോ, വില്ലാറിക്ക, പുക്കോൺ എന്നി നഗരങ്ങൾ ഗ്രഹണ പാതയിൽ വരുന്നു . മൊച്ച ദ്വീപിലും ടോട്ടാലിറ്റി ദൃശ്യമാകും.

അർജന്റീന

വടക്കൻ പാറ്റഗോണിയ മേഖലയിലുടനീളം (പ്രത്യേകിച്ചും ന്യൂക്വിൻ, റിയോ നീഗ്രോ പ്രവിശ്യകൾ) ടോട്ടാലിറ്റി ദൃശ്യമാകും, പീഡ്ര ഡെൽ ഗ്വില, സിയറ കൊളറാഡ, മിനിസ്ട്രോ റാമോസ് മെക്സിയ, ജുനാൻ ഡി ലോസ് ആൻഡീസ് നഗരങ്ങളിൽ പൂർണഗ്രഹണവും, സാൻ മാർട്ടിൻ ഡി ലോസ് ആൻഡീസ്, സാൻ കാർലോസ് ഡി ബറിലോച്ചെ ഭാഗിക ഗ്രഹണവും ദൃശ്യമാകും.

ഗ്രഹണപാത