ചെങ്ങന്നൂർ

ഇംഗ്ലീഷ് വിലാസം

http://ml.wikipedia.org/wiki/Chengannur

ചെങ്ങന്നൂർ
ചെങ്ങന്നൂർ
9.3178° N 76.6117° E
ഭൂമിശാസ്ത്ര പ്രാധാന്യം	പട്ടണം
രാജ്യം	ഇന്ത്യ
സംസ്ഥാനം	കേരളം
ജില്ല	ആലപ്പുഴ
ഭരണസ്ഥാപനങ്ങൾ	നഗരസഭ
ചെയർമാൻ
വിസ്തീർണ്ണം	132.70 ച.കി.മീ. ചതുരശ്ര കിലോമീറ്റർ
ജനസംഖ്യ	196547
ജനസാന്ദ്രത	/ച.കി.മീ
കോഡുകൾ   • തപാൽ   • ടെലിഫോൺ	689121 +0479
സമയമേഖല	UTC +5:30
പ്രധാന ആകർഷണങ്ങൾ	കായലുകൾ,കയർ ഉൽപ്പന്നങ്ങൾ

കേരളത്തിലെ ആലപ്പുഴ ജില്ലയിലെ ഒരു പട്ടണം ആണ് ചെങ്ങന്നൂർ. ആലപ്പുഴ ജില്ലയുടെ കിഴക്കേ അറ്റത്താണ് ചെങ്ങന്നൂർ സ്ഥിതിചെയ്യുന്നത്. ചെങ്ങന്നൂർ ഒരു മുനിസിപ്പാലിറ്റി ഭരണപ്രദേശമാണ്. ചെങ്ങണുർ ആസ്ഥാനമായി അതേ പേരിൽ തന്നെ ഒരു താലൂക്കും, ചെങ്ങന്നൂർ ബ്ലോക്ക് പഞ്ചായത്തും നിലവിലുണ്ട്.

ഐതിഹ്യം

പമ്പാ നദിക്കരയിലുള്ള പാണ്ഡവൻ പാറയിൽ പണ്ട് പാണ്ഡവർ തങ്ങിയിരുന്നു എന്ന് ഐതിഹ്യം ഉണ്ട്. ചെങ്ങന്നൂർ മഹാദേവ ക്ഷേത്രം പ്രശസ്തമാണ്. പാർവ്വതീദേവിയുടെ ത്രിപ്പൂത്ത്ആറാട്ട് ഉത്സവത്തിന് ആയിരക്കണക്കിനു ഭക്തജനങ്ങൾ ഇവിടെ എല്ലാ വർഷവും എത്തിച്ചേരുന്നു. ദക്ഷയജ്ഞത്തിലെ ഹോമകുണ്ഡത്തിൽ പാർവ്വതിയുടെ പൂർവജന്മമായ സതി വീണുപോയപ്പോൾ ശിവൻ സതിയുടെ ശരീരവും എടുത്ത് ക്രുദ്ധനായി താണ്ഡവനൃത്തം ചവിട്ടി എന്നും മഹാവിഷ്ണു സുദർശന ചക്രം കൊണ്ട് സതിയുടെ ശരീരം അരിഞ്ഞിട്ടു എന്നും അപ്പോൾ സതിയുടെ അടിവയറ് ഇവിടെ വീണു എന്നുമാണ് ഐതിഹ്യം. ദേവിക്ക് മാസമുറ വരുന്നതും അതിനായി തന്ത്രിയുടെ ഭാര്യ മാസത്തിൽ ചില ദിവസങ്ങൾ ദേവീ വിഗ്രഹം പ്രത്യേകമായി ശുശ്രൂഷിക്കുന്നതും ഈ ക്ഷേത്രത്തിലെ മാത്രം പ്രത്യേകതയായ ചടങ്ങ് ആണ്. ആസ്സാമിലെ കാമാഖ്യ ക്ഷേത്രവും ഇതേ ഐതിഹ്യം അവകാശപ്പെടുന്നുണ്ട്. ശബരിമലയിലെ അയ്യപ്പനെ കാണുവാനായി പോകുന്ന ഭക്തജനങ്ങൾ ഈ ശിവക്ഷേത്രത്തിൽ വന്ന് ദർശനം നടത്തുന്നു. ശിവന്റെ മകൻ ആണ് അയ്യപ്പൻ എന്നാണ് വിശ്വാസം. (അയ്യപ്പൻ പന്തളം കൊട്ടാരത്തിൽ ഒരു അനാഥ ബാലൻ ആയി വളർന്നു എന്നാണ് ഐതീഹ്യം).

ചരിത്രം

മാർത്താണ്ഡവർമ്മയുടെ ഭരണകാലത്ത് AD 1700നും AD 1800നും ഇടയിൽ കായംകുളവുമായുള്ള യുദ്ധത്തിൽ അദ്ദേഹം വിജയിച്ചു. കായംകുളം രാജാവുമായി സഖ്യത്തിലായിരുന്ന ബുധനൂരിലെ പ്രമാണിമാരെ ഒരു പാഠം പഠിപ്പിക്കുന്നതിനുവേണ്ടി‍ വെണ്മണി, ബുധനൂർ‍, പാണ്ടനാട് വഴി ഒഴുകിയിരുന്ന അച്ചൻകോവിലാർ വെണ്മണിയിലെശാർങ്ങക്കാവ് ക്ഷേത്രത്തിന് തൊട്ടുപടിഞ്ഞാറ് പുത്താറ്റിൻകര എന്ന സ്ഥലത്തുനിന്നും പുതിയ ആറുവെട്ടി ഗതിമാറ്റി വെട്ടിയാർ‍(വെട്ടിയ ആറ്) കൊല്ലകടവ് വഴി ഒഴുക്കുകയുണ്ടായി

ഭൂമിശാസ്ത്രം

തിരുവനന്തപുരം നഗരത്തിന് 117 കിലോമീറ്റർ വടക്കായി ആണ് ചെങ്ങന്നൂ‍ർ സ്ഥിതിചെയ്യുന്നത്. എം.സി. റോഡ് തിരുവനന്തപുരത്തിനെ ചെങ്ങന്നൂരുമായി യോജിപ്പിക്കുന്നു. പമ്പാനദി ചെങ്ങന്നൂർ കൂടി ഒഴുകുന്നു. പത്തനംതിട്ട ജില്ലയുടെ അതിരിലാണ് ചെങ്ങന്നൂർ. മുളക്കുഴ, വെണ്മണി, ചെറിയനാട്, ആലാ, പുലിയൂർ, ബുധനൂർ, പാണ്ടനാട്, തിരുവൻ‍വണ്ടൂർ. മാന്നാർ എന്നീ പഞ്ചായത്തുകളും ചെങ്ങന്നൂർ മുനിസിപ്പാലിറ്റിയും ആണ് ഇന്ന് ചെങ്ങന്നൂർ താലൂക്കിനു കീഴിലുള്ളത്.

ജനസംഖ്യ

2001-ലെ ഇന്ത്യൻ കാനേഷുമാരി അനുസരിച്ച് ചെങ്ങന്നൂരിലെ ജനസംഖ്യ 25,391 ആണ്. ഇതിൽ പുരുഷന്മാർ 48%-ഉം സ്ത്രീകൾ 52%-ഉം ആണ്. ചെങ്ങന്നൂരിലെ ശരാശരി സാക്ഷരതാ നിരക്ക് 88% ആണ്. ജനസംഖ്യയിലെ 9% ജനങ്ങൾ 6 വയസ്സിനു താഴെയുള്ള കുട്ടികൾ ആണ്.

ആരാധനാലയങ്ങൾ

• ചെങ്ങന്നൂർ മഹാദേവ ക്ഷേത്രം
• പഴയ സുറിയാനി പള്ളി, ചെങ്ങന്നൂർ
• ആറന്മുള പാർത്ഥസാരഥി ക്ഷേത്രം
• പരുമല പള്ളി
• പുത്തൻ‌കാവ് പള്ളി
• ശാർങ്ങക്കാവ് ദേവീക്ഷേത്രം, വെണ്മണി
• ഗന്ധർവമുറ്റം ദേവീക്ഷേത്രം, മുളക്കുഴ
• കാക്കനാട് ശ്രീധർമ്മശാസ്താ ക്ഷേത്രം
• കാക്കനാട് നേടിയത്തു ദേവി ക്ഷേത്രം
• കൊഴുവല്ലൂർ ദേവീക്ഷേത്രം
• അയ്യപ്പക്ഷേത്രം, പാറച്ചന്ത കൊഴുവല്ലൂർ
• മാന്നാർ ജുമാ മസ്ജിദ്
• ചെറിയനാട് ബാലസുബ്രഹ്മണ്യ ക്ഷേത്രം
• ഇലഞ്ഞിമേൽ വള്ളിക്കാവ് ദേവീക്ഷേത്രം
• കളിപ്പിൽ ദേവീ ക്ഷേത്രം
• കുതിരവട്ടം ശ്രീധർമ്മശാസ്താ ക്ഷേത്രം,കോടുകുളഞ്ഞി
• അടിച്ചിക്കാവ് ദേവീക്ഷേത്രം, പണ്ടനാട് വെസ്റ്റ്
• പുലിയൂർ മഹാവിഷ്ണു ക്ഷേത്രം
• തോനക്കാട്ട് സെന്റ് ജൊർജ് ചർച്ച്
• ചെങ്ങന്നൂർ ബഥേൽ മാർ ഗ്രീഗോറിയോസ് ഓർത്തഡോൿസ്‌ പള്ളി
• അരീക്കര പറയരുകാല ദേവി ക്ഷേത്രം
• അരീക്കര അഞ്ചു മലനടകൾ

വിദ്യാഭ്യാസ സ്ഥാ‍പനങ്ങൾ

• ചെങ്ങന്നൂർ ക്രിസ്ത്യൻ കോളെജ്
• ചെങ്ങന്നൂർ എഞ്ചിനീയറിംഗ്‌ കോളേജ്‌
• ഗവൺ‌മെ‌ന്റ് ഐ.ടി.ഐ. ചെങ്ങന്നൂർ
• ഗവൺ‌മെ‌ന്റ് ഐ.ടി.ഐ.(വുമൺ) ചെങ്ങന്നൂർ
• ശ്രീനാരായണ കോളെജ്,ആലാ, ചെങ്ങന്നൂർ
• ശ്രീ അയ്യപ്പ കോളെജ്, എരമല്ലിക്കര
• സെന്റ് ഗ്രിഗോറിയോസ് സ്കൂൾ, ചെങ്ങന്നൂർ
• എം.എം.എ.ആർ സ്കൂൾ
• കള്ളിശ്ശേരി ഹൈസ്കൂൾ
• പുത്തൻ‌കാവ് മെട്രോപ്പോളിറ്റൻ ഹൈസ്കൂൾ
• എബെനെസെർ ഇ.എം. ഹൈസ്കൂൾ, കല്ലിശ്ശേരി
• ഗവണ്മെന്റ് ബോയ്സ് സ്കൂൾ
• ഗവണ്മെന്റ് ഗേൾസ് സ്കൂൾ
• സെന്റ് ആൻസ് സ്കൂൾ
• തലപ്പനങ്ങാട് എൽ.പി. സ്കൂൾ
• S.H.V.H.S KARAKKAD'
• Govt. L.P.S KARAKKAD
• ശാലേം യു.പി. സ്കൂൾ, വെണ്മണി, കൊഴുവല്ലൂർ
• സെന്റ് ജോർജ്ജ് പബ്ലിക് സ്കൂൾ കൊഴുവല്ലൂർ
• സെന്റ് മേരീസ് റെസിഡെൻഷ്യൽ മൂലക്കര
• ദേവസ്വം ബോർഡ് ഹൈസ്കൂൾ, ചെറിയനാട്
• ശ്രീവിജയേശ്വരി ഹൈസ്കൂൾ, ചെറിയനാട്
• സെന്റ് ജൂഡ്സ് യു.പി. സ്കൂൾ, വെണ്മണി
• ഗവണ്മെന്റ് ഹൈസ്കൂൾ, പുലിയൂർ
• എസ്.എൻ.വി.എച്.എസ്. വന്മഴി
• സ്നേഹഗിരി യു.പി. സ്കൂൾ, പുലിയൂർ
• സി.എം.എസ്. യൂ.പി സ്കൂൾ, കോടുകുളഞ്ഞി
• ജോൺ മെമ്മോറിയൽ ഹൈ സ്കൂൾ, കോടുകുളഞ്ഞി
• ഗവണ്മെന്റ് VHSS മുളക്കുഴ
• ഗവണ്മെന്റ് LPS അരീക്കര
• SNDP . UPS അരീക്കര

ചിത്രങ്ങൾ

• 

  ക്രിസ്ത്യൻ കോളജ്

karakkad S.H.V.H.S

പുറത്തുനിന്നുള്ള കണ്ണികൾ

വിക്കിമീഡിയ കോമൺസിലെ Chengannur എന്ന വർഗ്ഗത്തിൽ ഇതുമായി ബന്ധപ്പെട്ട കൂടുതൽ പ്രമാണങ്ങൾ ലഭ്യമാണ്:

• ചെങ്ങന്നൂർ മഹാദേവ ക്ഷേത്രം
• ചെങ്ങന്നൂർ ചരിത്രം, ചെങ്ങന്നൂരിനെ കുറിച്ചുള്ള വിവരങ്ങൾ
• ചെങ്ങന്നൂർ ക്രിസ്ത്യൻ കോളെജ്