വിക്കിപീഡിയ:ശൈലീപുസ്തകം/വാക്കുകളുടെ പൊതുശൈലി

ഒരു വാക്കുതന്നെ വ്യത്യസ്തമായ രീതിയിൽ എഴുതുന്നുണ്ടല്ലോ. (ഉദാഹരണത്തിന് ഓഗസ്റ്റ്, ആഗസ്റ്റ്, ആഗസ്ത്). ഭാഷയെ ശുദ്ധീകരിക്കുക എന്ന ദൗത്യം വിക്കിപീഡിയക്കില്ല. എന്നാൽ ഇത്തരം വാക്കുകൾക്ക് ഒരു പൊതുരീതി പിന്തുടരുന്നത്, എഴുത്തുകാർക്ക് ആശയക്കുഴപ്പം ഒഴിവാക്കുകയും, കണ്ണിചേർക്കൽ എളുപ്പമാകുകയും, ലേഖനങ്ങളുടെ നിലവാരം മെച്ചപ്പെടുത്തുകയും ചെയ്യുന്നു.

ഉപയോക്താക്കളുടെ ചർച്ചകളിലൂടെ ഉരുത്തിരിഞ്ഞ വിക്കിപീഡിയയിൽ ഉപയോഗിക്കാൻ അഭികാമ്യമായ പൊതുശൈലികളാണ് ഇവിടെ നൽകിയിട്ടുള്ളത്. പൊതുമണ്ഡലത്തിൽ സാർവത്രികമായി ഉപയോഗിക്കുന്ന രീതി പിന്തുടരുക, മൂലഭാഷയിലെ ഉച്ചാരണം തുടങ്ങിയ തത്വങ്ങളാണ് ഈ ശൈലികൾ രൂപീകരിക്കുന്നതിൽ മാനകമാക്കിയിരിക്കുന്നത്.

മാസങ്ങളുടെ പേരുകൾ

ഇംഗ്ലീഷ് ഉച്ചാരണത്തിനനുസരിച്ചുള്ള രീതിയിലാവണം മാസങ്ങളുടെ പേരുകൾ എഴുതേണ്ടത്.

അഭികാമ്യമായ രീതി	ഒഴിവാക്കേണ്ടുന്നവ
ജനുവരി	ജാനുവരി, ജനവരി
ഫെബ്രുവരി	ഫിബ്രവരി, ഫെബ്രവരി
മാർച്ച്
ഏപ്രിൽ	അപ്രീൽ, എപ്രീൽ, ഏപ്രീൽ
മേയ്	മെയ്, മെയ്യ്
ജൂൺ
ജൂലൈ	ജൂലായ്, ജുലായ്
ഓഗസ്റ്റ്	ആഗസ്റ്റ്, ആഗസ്ത്, ഓഗസ്ത്
സെപ്റ്റംബർ	സെപ്തംബർ, സെപ്റ്റമ്പർ, സെപ്തമ്പർ
ഒക്ടോബർ	ഒക്റ്റോബർ
നവംബർ	നവമ്പർ
ഡിസംബർ	ഡിസമ്പർ

രാജ്യങ്ങളുടെ പേരുകൾ

അഭികാമ്യമായ രീതി	ഒഴിവാക്കേണ്ടുന്നവ	മറ്റു വിവരങ്ങൾ
ഇന്ത്യ	ഇൻ‌ഡ്യ	സാർവത്രികമായി ഉപയോഗിക്കപ്പെടുന്ന രൂപം ഇന്ത്യ എന്നതാണ്
ഓസ്ട്രേലിയ	ആസ്ത്രേലിയ, ആസ്ട്രേലിയ
ഓസ്ട്രിയ	ആസ്ത്രിയ