അജ്‌മാൻ

ഇംഗ്ലീഷ് വിലാസം

https://ml.wikipedia.org/wiki/Ajman

Ajman إمارة عجمانّ
emirate
Emirate of Ajman
Aerial view of the city of Ajman
Flag
Country	United Arab Emirates (UAE)
Subdivisions	Towns and villages Ajman Masfut Al Manama Al Hamidiyah
ഭരണസമ്പ്രദായം
• Emir	Humaid bin Rashid Al Nuaimi
ജനസംഖ്യ  (2008)
• ആകെ	361,160
സമയമേഖല	UTC+4 (UAE Standard Time)

യു.എ.ഇ. യിലെ (ഐക്യ അറബ് എമിറേറ്റ്സ്) ഏഴ് എമിറേറ്റുകളിൽ ഏറ്റവും ചെറിയ എമിറേറ്റ്സ് ആണ്‌ അജ്മാൻ

ഒരു ഭാഗം പേർഷ്യൻ ഗൾഫ് സമുദ്ര തീരവും മറ്റു ഭാഗങ്ങൾ ഷാർജ, ഉം അൽ കുവൈൻ എന്നീ പ്രവിശ്യകളും അജ്മാന്റെ അതിർത്തി പങ്കിടുന്നു.

ഭൂമിശാസ്ത്രം

വിസ്തൃതി

460 ചതുരശ്ര കിലോമീറ്റർ വിസ്തൃതിയുള്ള അജ്മാൻ പ്രവിശ്യ, യു.എ.ഇ എന്ന രാജ്യത്തിന്റെ മൊത്തവിസ്തൃതിയുടെ 0 . 33 ശതമാനം മാത്രമേയുള്ളൂ.

ഭൂപ്രകൃതി

അജ്മാൻ ഉം അൽ കുവൈൻ അതിർത്തിയിലെ കോൾപാടങ്ങൾ

ചതുപ്പുനിലങ്ങളും, സമുദ്രതീരവും, വ്യവസായിക മേഘലകളും മരുപ്രദേശവും നിറഞ്ഞ ഭൂപ്രകൃതിയാണ്‌ അജ്മാൻ പ്രവിശ്യയ്ക്കുള്ളത്.

കിലോമീറ്ററുകളോളം നീളമുള്ള പേർഷ്യൻ ഗൾഫ് കടൽത്തീരം, അജ്മാൻ എമിറേറ്റിന്‌ മനോഹരമായ സമുദ്രതീര ദൃശ്യങ്ങൾ പകർന്നുനൽകുന്നു. അജ്മാൻ ബീച്ച് ഷാർജ, അജ്മാൻ ഭാഗത്തുള്ള സഞ്ചാരികളുടെ ഇഷ്ടകേന്ദ്രമാണ്‌.

ഗതാഗതം

റോഡ് മാർഗ്ഗം

ദുബായ് എമിറേറ്റ്സിൽ നിന്നും 25 കിലോമീറ്ററോളം റോഡ് മാർഗ്ഗം ഷാർജ വഴി അജ്മാനിലേയ്ക്ക് എത്തിച്ചേരാം. ഷാർജയും അജ്മാനുമായി അതിർത്തി പങ്കിടുന്നതിനാൽ നിരവധി ടാക്സികളും ഇന്റർ സിറ്റി ബസ് സർവ്വീസുകളും അജ്മാൻ - ഷാർജ ബോർഡർ വരെ സർവ്വീസ് നടത്തുന്നു അജ്മാൻ ഷാർജ അതിർത്തിയിൽ നിന്നും അജ്മാനിലെ പ്രധാന സിറ്റിയായ അജ്മാൻ സിറ്റിയിലേയ്ക്ക് ഒരു കിലോമീറ്റർ ദൂരം മാത്രമേയുള്ളൂ.

ദുബായ് റോഡ് ആൻഡ് ട്രാൻസ്പോർട്ട് അതോറിറ്റി (RTA)യുടെ ഇന്റർ എമിറേറ്റ്സ് ബസ്സുകൾ അജ്മാനിലേയ്ക്ക് സർവ്വീസ് നടത്തുന്നു. ദുബായ് കരാമ, ബർദുബായ്, സത്‌വ, ദുബായ് യൂണിയൻ മെട്രോ സ്റ്റേഷൻ തുടങ്ങിയ ബസ് സ്റ്റേഷനുകളിൽ നിന്ന് ഇവിടേയ്ക്ക് ബസ് സൗകര്യം ലഭ്യമാണ്‌. കൂടാതെ ഷാർജ ഇന്റർ എമിറേറ്റ്സ് ബസുകളും നിരവധി ടാക്സികളും അജ്മാനിലേയ്ക്കും തിരിച്ച് യു.എ.യി.ലെ മറ്റ് എമിറേറ്റുകളിലേയ്ക്കും സർവ്വീസ് നടത്തുന്നുണ്ട്.

വിമാനത്താവളം

അജ്മാൻ എമിറേറ്റ്സിൽ വിമാനത്താവള നിർമ്മാണത്തിന്റെ പ്രാരംഭനടപടികൾ പൂർത്തിയായിട്ടുണ്ടെങ്കിലും, ഷാർജ, ദുബായ് എന്നീ അന്താരാഷ്ട്ര വിമാനത്താവളങ്ങളാണ്‌ അജ്മാനിലേയ്ക്കുള്ള യാത്രയ്ക്കായി ഉപയോഗിക്കുന്നത്.

തുറമുഖം

ചരക്കുകടത്തുകൾക്കും മറ്റും വ്യാപകമായി ദുബായ് ഷാർജ എമിറേറ്റുകൾ വരെ ഉപയോഗിക്കുന്ന അജ്മാനിലെ പ്രശസ്തമായ തുറമുഖമാണ്‌ അജ്മാൻ തുറമുഖം. (Ajman Port)

ഭരണാധികാരികൾ

1928 കാലഘട്ടം മുതൽ 1981 വരെ നീണ്ട 54 വർഷം അജ്മാൻ ഭരിച്ചത് '''അൽഷെയ്ക്ക് റാഷിദ് ബിൻ ഹുമൈദ് അൽ നുഐമി''' എന്ന ഭരണാധികാരിയായിരുന്നു, അദ്ദേഹത്തിന്റെ മരണശേഷം ഭരണം അദ്ധേഹത്തിന്റെ പുത്രനും ഇപ്പോഴത്തെ ഭരണാധികാരിയുമായ അൽഷെയ്ക്ക് ഹുമൈദ് ബിൻ റാഷിദ് ബിൻ ഹുമൈദ് അൽ നുഐമി ഏറ്റെടുത്തു

വിദ്യാഭ്യാസ സ്ഥാപനങ്ങൾ

ഗൾഫ് മെഡിക്കൽ യൂണിവേഴ്സിറ്റി

യു.എ.ഇ.യിലെ പ്രശസ്തമായ മെഡിക്കൽ കോളേജ് ആയ ഗൾഫ് മെഡിക്കൽ യൂണിവേഴ്സിറ്റി (Gulf Medical University) സ്ഥിതി ചെയ്യുന്നത് അജ്മാനിലാണ്‌ 1998 ൽ സ്ഥാപിതമായ ഈ സ്ഥാപനത്തിൽ ബിരുദ, ബിരുദാനന്തര മെഡിസിൻ കോഴ്സുകൾ നടത്തിവരുന്നു....

അജ്മാൻ ശാസ്തസാങ്കേതിക സർവ്വകലാശാല

ശാസ്ത്ര സാങ്കേതികവിഷയങ്ങൾക്കായുള്ള അജ്മാൻ ശാസ്തസാങ്കേതിക സർവ്വകലാശാല (AUST) വിദ്യാഭ്യാസ രംഗത്തെ മറ്റൊരു മുന്നേറ്റമാണ്ണ്‌, അജ്മാൻ വിദ്യാഭ്യാസമേഘലയിൽനിന്ന് തെരഞ്ഞെടുത്ത വിദ്യാർത്ഥീ വിദ്യാർത്ഥിനികൾക്ക് അജ്മാൻ ഭരണാധികാരിയുടെ പ്രത്യേക സ്കോളർഷിപ്പ് നൽകുകയും അതനുസരിച്ച് അവർക്ക് അജ്മാൻ സർവ്വകലാശാലയിൽ പഠനത്തിനുള്ള സൗകര്യമൊരുക്കുകയും ചെയ്യുന്നതിലൂടെ ഭരണകർത്താക്കളുടെ നേരിട്ടുള്ള വിദ്യാഭ്യാസ പ്രോൽസാഹനത്തിന്റെ ഉത്തമ പേർഷ്യൻ മാതൃകയാകുകയാണ്‌ അജ്മാൻ എന്ന കൊച്ചു പ്രവിശ്യ.

പ്രെസ്റ്റോൺ സർവ്വകലാശാല

പാകിസ്ഥാൻ ആസ്ഥാനമായി പ്രവർത്തിക്കുന്ന പ്രെസ്റ്റോൺ Preston University സർവ്വകലാശാലയാണ്‌ അജ്മാനിലെ മറ്റൊരു പ്രധാന സർവ്വകലാശാല.

പുറത്തേക്കുള്ള കണ്ണികൾ

• http://www.ajman.ae/site/
• http://www.ajmanport.gov.ae/