പണ്ഡിറ്റ് ജവഹർലാൽ നെഹ്‌റു മെമ്മോറിയൽ മെഡിക്കൽ കോളേജ്
| ജിഎംസി റായ്പൂർ | |
| പ്രമാണം:Pt. Jawahar Lal Nehru Memorial Medical College logo.png | |
| ആദർശസൂക്തം | सेवा साधना त्याग |
|---|---|
| തരം | സർക്കാർ |
| സ്ഥാപിതം | 1963 |
| ഡീൻ | ഡോ. തൃപ്തി നഗാരിയ |
| ബിരുദവിദ്യാർത്ഥികൾ | ഒരു ബാച്ചിൽ 180 |
| 130 | |
| സ്ഥലം | റായ്പൂർ, ഛത്തീസ്ഗഡ്, ഇന്ത്യ 21°15′08″N 81°38′23″E / 21.252262°N 81.639847°E |
| ക്യാമ്പസ് | അർബൻ |
| അഫിലിയേഷനുകൾ | പണ്ഡിറ്റ് ദീൻദയാൽ ഉപാധ്യായ മെമ്മോറിയൽ ഹെൽത്ത് ആൻഡ് ആയുഷ് യൂണിവേഴ്സിറ്റി ഓഫ് ഛത്തീസ്ഗഢ് |
| വെബ്‌സൈറ്റ് | http://www.ptjnmcraipur.in/ |
ഇന്ത്യയിലെ ഛത്തീസ്ഗഡിലെ റായ്പൂരിലുള്ള ഒരു സർക്കാർ മെഡിക്കൽ കോളേജും ആശുപത്രിയുമാണ് പണ്ഡിറ്റ് ജവഹർ ലാൽ നെഹ്‌റു മെമ്മോറിയൽ മെഡിക്കൽ കോളേജ്. ഇത് 1963 സെപ്റ്റംബർ 9 ന് സ്ഥാപിതമായി, 1969 ൽ മെഡിക്കൽ കൗൺസിൽ ഓഫ് ഇന്ത്യ അംഗീകരിച്ചു. ഛത്തീസ്ഗഢിലെ ഏറ്റവും പഴയ സ്ഥാപനങ്ങളിലൊന്നാണ് ഈ കോളേജ്. കോളേജ് കാമ്പസിൽ 1995-ൽ സ്ഥാപിതമായ ബിആർ അംബേദ്കർ മെമ്മോറിയൽ ഹോസ്പിറ്റൽ അഫിലിയേറ്റഡ് ടീച്ചിംഗ് ഹോസ്പിറ്റലാണ്. [1] ഈ മെഡിക്കൽ കോളേജിലെ റേഡിയോ തെറാപ്പി വിഭാഗം സർക്കാർ അംഗീകൃത റീജിയണൽ കാൻസർ സെന്ററാണ്. [2] [3] [4]
ചരിത്രം[തിരുത്തുക]
1963 സെപ്റ്റംബർ 9-ന് ആയുർവേദ കോളേജിലെ ഒരു ചെറിയ ഒപിഡി ബ്ലോക്കിൽ 60 വിദ്യാർത്ഥികളുമായി കോളേജ് ആരംഭിച്ചതോടെയാണ് പണ്ഡിറ്റ് ജെ.എൻ.എം. മെഡിക്കൽ കോളേജ്, റായ്പൂർ നിലവിൽ വന്നത്. കോളേജിന് 1969-ൽ മെഡിക്കൽ കൗൺസിൽ ഓഫ് ഇന്ത്യയുടെ അംഗീകാരം ലഭിച്ചു. 2009-ൽ MBBS സീറ്റുകൾ 100-ൽ നിന്ന് 150-ലേക്ക് വർദ്ധിപ്പിച്ചു, 2015-ൽ എല്ലാ 150 സീറ്റുകളും അംഗീകരിക്കപ്പെട്ടു. നിലവിൽ 2019 മുതൽ കോളേജിന് 180 MBBS സീറ്റുകളുണ്ട്.
പി.ജി. കോഴ്‌സുകൾ ആരംഭിച്ചത് 1971-72 വർഷത്തിലാണ്. കോളേജിൽ 2021-ലെ പിജി കോഴ്‌സിനായി വിവിധ വകുപ്പുകളിലായി 142 എംഡി/എംഎസ് സീറ്റുകളുണ്ട്.
1976 സെപ്റ്റംബർ 30-ന്, ഓഡിയോ വിഷ്വൽ സൗകര്യം, ഡിസെക്ഷൻ ഹാളുകൾ, ലബോറട്ടറികൾ, ലൈബ്രറി, സമ്പൂർണ ഇൻഡോർ ഔട്ട് ഡോർ സ്‌പോർട്‌സ് സൗകര്യങ്ങളോടുകൂടിയ നാല് ആധുനിക ലക്ചർ തിയേറ്ററുകൾ എന്നിവ സഹിതം പുതിയ കോളേജ് കെട്ടിടത്തിന്റെ നിർമ്മാണം പൂർത്തിയായി. കോളേജിന് രണ്ട് ഓഡിറ്റോറിയമുണ്ട്, ഒരു ഓഡിറ്റോറിയത്തിനു 500 കപ്പാസിറ്റിയും രണ്ടാമത്തേതിന് 750 കപ്പാസിറ്റിയും ഉണ്ട്.
1995 വരെ പ്രാദേശിക ജില്ലാ ആശുപത്രി (ഡി. കെ. ഹോസ്പിറ്റൽ) കോളേജിനോട് ചേർന്ന് അധ്യാപന ആശുപത്രിയായി പ്രവർത്തിച്ചു. 1995-ൽ 700 കിടക്കകളുള്ള ഡോ.ബി.ആർ. അംബേദ്കർ മെമ്മോറിയൽ ഹോസ്പിറ്റൽ കോളേജ് കാമ്പസിൽ നിലവിൽ വന്നു, കൂടാതെ കോളേജുമായി ഔദ്യോഗികമായി അധ്യാപന ആശുപത്രിയായി അഫിലിയേറ്റ് ചെയ്തു. പിടി ജെ.എൻ.എം. മെഡിക്കൽ കോളേജ് ഛത്തീസ്ഗഡ് സംസ്ഥാനത്തെ ഏകദേശം 2 കോടി ജനങ്ങൾക്ക് സ്പെഷ്യാലിറ്റി ആരോഗ്യ സേവനങ്ങൾ നൽകുന്ന ഏക തൃതീയ തലത്തിലുള്ള മെഡിക്കൽ, ആരോഗ്യ സ്ഥാപനമാണ്. ഒപിഡി സേവനം ദിവസവും രാവിലെ 8.30 മുതൽ ഉച്ചയ്ക്ക് 2.00 വരെ പ്രവർത്തിക്കുന്നു, 24 മണിക്കൂറും അടിയന്തര സേവനങ്ങൾ ലഭ്യമാണ്.
അവലംബം[തിരുത്തുക]
- ↑ Pt. Jawahar Lal Nehru Memorial Medical College. About Us.
- ↑ "Kidwai Memorial Institute of Oncology Official Website. 'Regional Cancer Centres in the Country'". Archived from the original on 7 November 2011. Retrieved 29 November 2011.
- ↑ WHO India. Archived 26 April 2012 at the Wayback Machine.
- ↑ Pt. Jawahar Lal Nehru Memorial Medical College. Department of Radiotherapy.
