കെ.കെ. ചന്ദ്രൻ
മലയാള ചലച്ചിത്ര - ഡോക്യുമെന്ററി സംവിധായകനായിരുന്നു കെ.കെ. ചന്ദ്രൻ (മരണം : 25 മാർച്ച് 2014). നിരവധി ഡോക്യുമെന്ററികളും സിനിമകളും സീരിയലുകളും സംവിധാനം ചെയ്തു.
ജീവിതരേഖ[തിരുത്തുക]
വട്ടണാത്ര കാളിയൻ കൃഷ്ണനെഴുത്തച്ഛന്റെ മകനാണ്. പാലക്കാട്‌ വിക്ടോറിയ കോളേജിൽ പഠിച്ചു. പുണെ ഫിലിം ഇൻസ്റ്റിറ്റിയൂട്ടിൽനിന്ന് തിരക്കഥയിലും സംവിധാനത്തിലും സ്വർണ്ണമെഡലോടെ വിജയിച്ചു. 1978ൽ 'ആശ്രമം' എന്ന സിനിമ ചെയ്തുകൊണ്ടാണ് സംവിധാനരംഗത്തെത്തി. അദ്ദേഹത്തിന്റെ സൈലന്റ്വാലി എന്ന ഡോക്യുമെന്ററി നിരവധി വിദേശ മേളകളിൽ പ്രദർശിപ്പിച്ചിരുന്നു. സിനിമ - ടെലിവിഷൻ പഠനകേന്ദ്രമായ സതേൺ ഫിലിം ഇൻസ്റ്റിറ്റിയൂട്ടിന്റെ മേധാവിയായി പ്രവർത്തിച്ചു. വെനീസ് ഫിലിം ഫെസ്റ്റിവലിലും ഇന്ത്യൻ പനോരമയിലും 'കുടമാളൂർ' എന്ന ഡോക്യുമെന്ററി തെരഞ്ഞെടുക്കപ്പെട്ടിരുന്നു. ദൂരദർശനുവേണ്ടി കഥാന്തരം, മായാമാനസം, അനർഘം എന്നീ ടെലിസീരിയലുകൾ സംവിധാനം ചെയ്തു. [1]
കൃതികൾ[തിരുത്തുക]
- 'സിനിമ എങ്ങനെ ഉണ്ടാകുന്നു'
ഡോക്യുമെന്ററികൾ[തിരുത്തുക]
- 'വനഭൂമിയിലൂടെ' (കേരളത്തിലെ വനങ്ങളെപ്പറ്റി ദൂരദർശനുവേണ്ടി ചെയ്തത്)
- 'പമ്പയൊഴുകുന്ന ഭൂമി'
- 'കുടമാളൂർ' (കുടമാളൂർ കരുണാകരനാശാനെപ്പറ്റി ചെയ്തത് )
- 'ഫോക്ക് ആർട്‌സ് ഓഫ് കേരള' (കേരളത്തിലെ നാടൻ കലാരൂപങ്ങളെക്കുറിച്ച് )
- 'പോർട്രെയ്റ്റ് ഓഫ് എ ഫിലിം ഡയറക്ടർ'(അടൂർ ഗോപാലകൃഷ്ണനെക്കുറിച്ച് )
- 'ചുട്ടി' (കഥകളിയെക്കുറിച്ച് )
പുരസ്കാരങ്ങൾ[തിരുത്തുക]
- വെനീസ് ഫിലിം ഫെസ്റ്റിവലിലും ഇന്ത്യൻ പനോരമയിലും 'കുടമാളൂർ' എന്ന ഡോക്യുമെന്ററി തെരഞ്ഞെടുക്കപ്പെട്ടിരുന്നു.
അവലംബം[തിരുത്തുക]
- ↑ "സംവിധായകൻ കെ.കെ. ചന്ദ്രൻ അന്തരിച്ചു". മാതൃഭൂമി. Archived from the original on 2014-03-26. Retrieved 26 മാർച്ച് 2014.