കോടോകു-ഇൻ
ജപ്പാനിലെ കനഗാവയിലെ കാമകുര എന്ന സ്ഥലത്തുള്ള ബുദ്ധമത ക്ഷേത്രമാണ് കോടോകു-ഇൻ (高徳院). ജോഡോ-ഷു എന്ന വിഭാഗത്തിന്റെ ക്ഷേത്രമാണിത്.
അമിഡ ബുദ്ധന്റെ 1252-ൽ കാമകുര കാലഘട്ടത്തിൽ പണിയിക്കപ്പെട്ടു എന്ന് വിശ്വസിക്കുന്ന ഒരു വലിയ ഓട്ട് പ്രതിമയാണ് ഈ ക്ഷേത്രത്തിന്റെ പ്രത്യേകത. ജപ്പാനിലെ ഏറ്റവും പ്രധാനപ്പെട്ട ഐക്കണുകളിലൊന്നാണിത്. ഒരു വലിയ മരപ്രതിമയാണ് ഈ സ്ഥാനത്തുണ്ടായിരുന്നത്. അത് നശി‌ച്ചശേഷമാണ് ഓട്ടുപ്രതിമ പണികഴിപ്പിച്ചത്. ഓട്ടുപ്രതിമയ്ക്ക് സംരക്ഷണമായി ഉണ്ടായിരുന്ന ഹാൾ പലവട്ടം നശിച്ചുപോയിട്ടുണ്ട്. നൂറ്റാണ്ടുകളായി തുറന്നന്നിലയിലാണ് പ്രതിമ.
ബുദ്ധപ്രതിമ[തിരുത്തുക]
അമിതാഭ ബുദ്ധന്റെ ഒരു വലിയ ഓട്ടുപ്രതിമയാണ് കമാകുരയിലെ വലിയ ബുദ്ധപ്രതിമ എന്നറിയപ്പെടുന്നത്. കമാകുരയിലെ കോടോകു ഇൻ ക്ഷേത്രത്തിലാണ് ഇത് സ്ഥിതി ചെയ്യുന്നത്. ജപ്പാനിലെ കനഗാവ പ്രിഫെക്ചറിലാണ് ഈ ക്ഷേത്രം സ്ഥിതി ചെയ്യുന്നത്. ഒരുപക്ഷേ 1252-ൽ കാമകുര കാലഘട്ടത്തിലായിരിക്കാം ഈ ഓട്ടുപ്രതിമ പണികഴിപ്പിക്കപ്പെട്ടത്. ഇതാണ് ക്ഷേത്രത്തിലുള്ള വിവരങ്ങൾ സൂചിപ്പിക്കുന്നത്. ഈ പ്രതിമ പണികഴിപ്പിക്കുന്നതിന് മുൻപ് ഇവിടെ മരത്തിൽ നിർമിച്ച ഒരു വലിയ ശിൽപ്പമുണ്ടായിരുന്നു. 1243-ൽ പത്ത് വർഷ‌ത്തെ അദ്ധ്വാനത്തിനുശേഷമാണ് മരത്തിന്റെ പ്രതിമയുടെ പണി തീർന്നത്. ഇനാഡ എന്ന കുലീനസ്ത്രീയും ബുദ്ധമതസന്യാസിയായ ജോകോ എന്നയാളുമാണ് ഇതിനായുള്ള പണം ശേഖരിച്ചത്. ഒരു കൊടുങ്കാറ്റിൽ 1248-ൽ ഈ പ്രതിമയ്ക്ക് നാശനഷ്ടം സംഭവിച്ചു. പ്രതിമ സൂക്ഷിച്ചിരുന്ന വലിയ ഹാളും നശിച്ചുപോയി. അടുത്ത ശിൽപ്പം ഓടിൽ നിർമ്മിക്കാമെന്ന് ജോകോ നിർദ്ദേശിച്ചു. പ്രതിമയ്ക്കും പ്രതിമ സൂക്ഷിക്കാനുള്ള കെട്ടിടത്തിനും വേണ്ടിയുള്ള പണം ശേഖരിക്കപ്പെട്ടു.[1] ഓനോ ഗോറോമോൺ എന്നയാളാകാം മൂശയിൽ ശിൽപ്പം തയ്യാറാക്കിയത്.[2] താൻജി ഹിസാടോമോ എന്ന വ്യക്തിയാകാനും സാദ്ധ്യതയുണ്ട്/[3] ഇവർ രണ്ടാളുമായിരുന്നു അക്കാലത്ത് ഓട്ട് നിർമിതികൾ ഉണ്ടാക്കുന്നതിൽ പ്രമുഖർ.[4] ഒരുസമയത്ത് പ്രതിമയിൽ ഗിൽഡ് പണികളുണ്ടായിരുന്നു. പ്രതിമയുടെ ചെവികൾക്കടുത്ത് ഇപ്പോഴും സ്വർണ്ണത്തിന്റെ അംശങ്ങളുണ്ട്.[5]
1334-ൽ ഒരു കൊടുങ്കാറ്റിൽ പ്രതിമ സൂക്ഷിച്ചിരുന്ന കാൾ നശിച്ചു. ഇത് പുതുക്കിപ്പണിയപ്പെട്ടുവെങ്കിലും 1369-ൽ മറ്റൊരു കൊടുങ്കാറ്റിൽ വീണ്ടും നശിച്ചു. ഇത് വീണ്ടും നിർമ്മിക്കപ്പെട്ടു.[1] ഇവിടെയുണ്ടായിരുന്ന അവസാന കെട്ടിടം 1498 സെപ്റ്റംബർ 20-നുണ്ടായ സുനാമിയിൽ ഒഴുകിപ്പോയി. മുരോമാച്ചി കാലഘട്ടത്തിലായിരുന്നു ഇത്.[6] അതിനുശേഷം ഈ പ്രതിമ തുറസായ സ്ഥലത്താണ് നിൽക്കുന്നത്.[6]
അടിസ്ഥാനമുൾപ്പെടെ 13.35 മീറ്റർ ഉയരമാണ് പ്രതിമയ്ക്കുള്ളത്.[7] ഏകദേശം 93 ടൺ ഭാരവും പ്രതിമയ്ക്കുണ്ട്. അകം പൊള്ളയായ പ്രതിമയാണിത്. സന്ദർശകർക്ക് ഉൾഭാഗം കാണാവുന്നതാണ്. വർഷങ്ങളായി പല സന്ദർശകരും ഉള്ളിൽ ചുവരെഴുത്തുകൾ നടത്തിയിട്ടുണ്ട്.[8] ഒരുകാലത്ത് ശിൽപ്പത്തിന്റെ താഴെ ഭാഗത്തായി ഓട്ടിൽ നിർമിച്ച മുപ്പത്തിരണ്ട് താമരമൊട്ടുകൾ ഉണ്ടായിരുന്നു. ഇന്ന് ഇവയിൽ നാലെണ്ണമേ നിലവിലുള്ളൂ.[9]
1923 -ലെ ഭൂകമ്പം പ്രതിമയുടെ അടിസ്ഥാനം നശിക്കാനിടയാക്കി. ഇത് 1925-ൽ പുനർനിർമിച്ചു.[1] 1960–61 കാലത്ത് പ്രതിമയുടെ അറ്റകുറ്റപ്പണികൾ നടത്തപ്പെട്ടു. കഴുത്ത് സംരക്ഷിക്കുകയും ഭൂകമ്പങ്ങളിൽ നിന്ന് ഇതിനെ സംരക്ഷിക്കാനുള്ള നടപടികൾ എടുക്കുകയും ചെയ്തു.[1]
2016-കളുടെ തുടക്കത്തിൽ കൂടുതൽ ഗവേഷണങ്ങളും അറ്റകുറ്റപ്പണികളും നടത്തുകയുണ്ടായി.[10]
വിശദാംശങ്ങൾ[തിരുത്തുക]
- ഭാരം: 121 ടൺ[11]
- ഉയരം: 13.35 metres (43.8 ft)
- മുഖത്തിന്റെ നീളം: 2.35 metres (7 ft 9 in)
- കണ്ണിന്റെ നീളം: 1.0 metre (3 ft 3 in)
- വായുടെ നീളം: 0.82 metres (2 ft 8 in)
- ചെവിയുടെ നീളം: 1.90 metres (6 ft 3 in)
- രണ്ട് മുട്ടുകൾ തമ്മിലുള്ള അകലം: 9.10 metres (29.9 ft)
- കയ്യിലെ തള്ളവിരലിന്റെ ചുറ്റളവ്: 0.85 metres (2 ft 9 in)
റുഡ്യാഡ് കിപ്ലിങ്ങിന്റെ കവിത[തിരുത്തുക]
റുഡ്യാഡ് കിപ്ലിംഗ് 1901-ൽ രചിച്ച കിം എന്ന നോവലിന്റെ ആദ്യ അദ്ധ്യായങ്ങൽക്ക് മുന്നിലായി കൊടുത്തിട്ടുള്ള കവിതാശകലങ്ങളിൽ ഈ പ്രതിമയെ "ദ ബുദ്ധ അറ്റ് കാമകുര" എന്നാണ് വിശേഷിപ്പിക്കുന്നത്. കിപ്ലിംഗ് 1892-ൽ ഈ ക്ഷേത്രം സന്ദർശിച്ചതിനുശേഷം എഴുതിയ കവിതയിൽ നിന്നാണ് ഈ വരികൾ എടുത്തിട്ടു‌ള്ളത്.[12] കവിതയുടെ പൂർണ്ണരൂപം 1903-ലെ "ദ ഫൈവ് നേഷൻസ്" എന്ന കൃതിയിൽ പ്രത്യക്ഷപ്പെടുന്നുണ്ട്.[12]
ചിത്രശാല[തിരുത്തുക]
-
വലിപ്പം മനസ്സിലാക്കുവാൻ പ്രാവിനെ ശ്രദ്ധിക്കുക -
പിൻഭാഗം. തുറന്ന ജനാലകളോടെ -
ബുദ്ധന്റെ ചെരിപ്പുകൾ -
ബുദ്ധപ്രതിമയുടെ ഉൾഭാഗം -
നിർമ്മാണരീതി വിശരീകരിക്കുന്ന പ്ലേറ്റ്
ഇവയും കാണുക[തിരുത്തുക]
- ജപ്പാനിലെ ബുദ്ധമതം സംബന്ധിച്ച ഗ്ലോസ്സറി - ജപ്പാനിലെ ബുദ്ധമതം, ജപ്പാനിലെ ബുദ്ധമതസംബന്ധമായ കല, ജപ്പാനിലെ ബുദ്ധമതക്ഷേത്രങ്ങളുടെ രൂപകൽപ്പന എന്നിവ സംബന്ധിച്ച പദങ്ങളുടെ വിശദീകരണത്തിന്.
- ജപ്പാനിലെ അമൂലയ് ദേശീയ സ്വത്തുക്കളുടെ പട്ടിക
- ടിയാൻ ടാൻ ബുദ്ധ - ഹോങ്ക് കോങ്ങിൽ സ്ഥിതി ചെയ്യുന്ന ഈ പ്രതിമയാണ് ലോകത്തിലെ ഏറ്റവും ഉയരമുള്ളത്.
- ടോഡായ്-ജി - നാരയിലെ ക്ഷേത്രം. ജപ്പാനിലെ ഏറ്റവും വലിയ ബുദ്ധ ശിൽപ്പം.
- ഉഷികു ഡൈബാറ്റ്സു - ജപ്പാനിലെ ഏറ്റവും ഉയരമു‌ള്ള ബുദ്ധപ്രതിമ. ഉഷികു എന്ന സ്ഥലത്തുള്ളത്.
അവലംബം[തിരുത്തുക]
- ↑ 1.0 1.1 1.2 1.3 Takao Sato (ed.). Daibutsu: The Great Buddha of Kamakura. Hobundo. p. 7.
- ↑ Frédéric, Louis. Japan Encyclopedia Harvard University Press (2005). p.755
- ↑ Kate Tsubata (May 25, 2008). "The Great Buddha at Kamakura". The Washington Times.
{{cite news}}: Italic or bold markup not allowed in:|publisher=(help) Retrieved 2011-09-20. - ↑ The New Official Guide, Japan Japan Travel Bureau (1975) p.404
- ↑ "Kotoku-in (The Great Buddha)". Kamakura Today. 2002. Archived from the original on 2012-06-07. Retrieved 2016-11-20.
{{cite web}}: Italic or bold markup not allowed in:|publisher=(help) Accessed 2011-09-20. - ↑ 6.0 6.1 Tsuji, Yoshinobu (1983). "Study on the Earthquake and the Tsunami of September 20, 1498". In Iida, Kumiji; Iwasaki, Toshio (eds.). Tsunamis: Their Science and Engineering, Proceedings of the International Tsunami Symposium, 1981. Tokyo: Terra Scientific Publishing (Terrapub). pp. 185–204. ISBN 90-277-1611-0.
- ↑ "An Overview of the Great Buddha" Kotoku-in Official Website. Accessed 2011-09-20.
- ↑ Takao Sato (ed.). Daibutsu: The Great Buddha of Kamakura. Hobundo. p. 14.
- ↑ Takao Sato (ed.). Daibutsu: The Great Buddha of Kamakura. Hobundo. p. 16.
- ↑ Waku Miller (March 11, 2016). "A Clean Bill of Health for Kamakura's Great Buddha". Nippon.com.
{{cite news}}: Italic or bold markup not allowed in:|publisher=(help) Retrieved 2016-11-10. - ↑ "Information about Daibutsu onsite". Archived from the original on 2012-06-30. Retrieved 2016-11-20.
- ↑ 12.0 12.1 Rudyard Kipling, "The Buddha at Kamakura". Retrieved 2011-09-20.
പുറത്തേയ്ക്കുള്ള കണ്ണികൾ[തിരുത്തുക]
- Kotoku-in Homepage Archived 2010-12-03 at the Wayback Machine. (in English)
- Kamakura Today website Archived 2012-06-07 at the Wayback Machine. "Kotoku-in (The Great Buddha)" page
- Kamakura Trip website Archived 2016-10-25 at the Wayback Machine. "Kamakura Daibutsu (Great Buddha of Kamakura)" page (in English)
