ടാറാ കുന്നുകൾ

ഇംഗ്ലീഷ് വിലാസം

https://ml.wikipedia.org/wiki/Hill_of_Tara

ടാറാ കുന്നുകൾ
The Lia Fáil (Stone of Destiny) on the Hill of Tara, County Meath
ഉയരം കൂടിയ പർവതം
Elevation	197 m (646 ft)
Prominence	180 m (590 ft)
Coordinates	53°34′39″N 6°36′43″W
ഭൂമിശാസ്ത്രപരമായ പ്രത്യേകതകൾ
സ്ഥാനം	County Meath, അയർലണ്ട്

ടാറാ കുന്നുകൾ അയർലൻഡിലെ മേതാപ്രവിശ്യയിൽ ഉൾപ്പെടുന്ന ഒരു കുന്നിൻപ്രദേശമാണ്. നവാന് 10 കി.മീ. തെക്കായി സ്ഥിതിചെയ്യുന്നു. 154 മീറ്ററാണ് ടാറാ കുന്നുകളുടെ ശരാശരി ഉയരം. പുരാതന അയർലൻഡിന്റെ മത-രാഷ്ട്രീയ-സാംസ്കാരിക തലസ്ഥാനമായിരുന്നു ഈ പ്രദേശം.

ചരിത്രം

എ.ഡി. 560-നു മുമ്പ് വരെ അയർലൻഡ് രാജാക്കന്മാരുടെ ആസ്ഥാനമായിരുന്നു ടാറാ. 640 വരെ ദേശീയ അസംബ്ലികൾ ഇവിടെയാണ് സമ്മേളിച്ചിരുന്നത്. ഈ കുന്നിൻ പ്രദേശത്തിന്റെ ഏറ്റവും ഉയരമുളള ഭാഗത്ത് പൗരാണിക കാലഘട്ടത്തിൽ കിരീട ധാരണത്തിനായി ഉപയോഗിച്ചതെന്നു കരുതപ്പെടുന്ന ശിലയും, സെന്റ് പാട്രിക്കിന്റെ പ്രതിമയും കാണാം. സ്റ്റോൺ ഓഫ് ഡെസ്റ്റിനി (Stone of Destiny) എന്ന പേരിലറിയപ്പെടുന്ന സ്തംഭശിലയിൽ (pillar stone) വച്ചായിരുന്നു രാജാക്കന്മാർ രാജ്യാധികാരം ഏറ്റെടുത്തിരുന്നതെന്നാണ് വിശ്വാസം. ഇവിടെയുള്ള മൺകൂനകൾ രാജസഭ നിലനിന്നിരുന്ന പ്രദേശമാണെന്ന് വിശ്വസിച്ചുപോരുന്നു. 1952 മുതൽ ഈ പ്രദേശത്തു നടന്ന പുരാവസ്തുഗവേഷണങ്ങളുടെ ഫലമായി ഇവിടെനിന്നും വെങ്കലയുഗം മുതൽക്കുള്ള ശവകുടീരങ്ങൾ കണ്ടെടുത്തിട്ടുണ്ട്.

പുറംകണ്ണികൾ

• http://www.heritageireland.ie/en/midlandseastcoast/HillofTara/
• http://www.megalithicireland.com/Hill%20of%20Tara.htm

കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ ടാറാ കുന്നുകൾ എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.