ടാറാ കുന്നുകൾ

വിക്കിപീഡിയ, ഒരു സ്വതന്ത്ര വിജ്ഞാനകോശം.
ടാറാ കുന്നുകൾ
Tara stone.jpg
The Lia Fáil (Stone of Destiny) on the Hill of Tara, County Meath
ഏറ്റവും ഉയർന്ന ബിന്ദു
ഉയരം 197 മീ (646 അടി)
മലനിരയിലെ ഔന്നത്യം 180 മീ (590 അടി)
നിർദേശാങ്കം 53°34′39″N 6°36′43″W / 53.57750°N 6.61194°W / 53.57750; -6.61194Coordinates: 53°34′39″N 6°36′43″W / 53.57750°N 6.61194°W / 53.57750; -6.61194
ഭൂപ്രകൃതി
സ്ഥലം County Meath,  അയർലണ്ട്

ടാറാ കുന്നുകൾ അയർലൻഡിലെ മേതാപ്രവിശ്യയിൽ ഉൾപ്പെടുന്ന ഒരു കുന്നിൻപ്രദേശമാണ്. നവാന് 10 കി.മീ. തെക്കായി സ്ഥിതിചെയ്യുന്നു. 154 മീറ്ററാണ് ടാറാ കുന്നുകളുടെ ശ.ശ. ഉയരം. പുരാതന അയർലൻഡിന്റെ മത-രാഷ്ട്രീയ-സാംസ്കാരിക തലസ്ഥാനമായിരുന്നു ഈ പ്രദേശം.

ചരിത്രം[തിരുത്തുക]

എ.ഡി. 560-നു മുമ്പ് വരെ അയർലൻഡ് രാജാക്കന്മാരുടെ ആസ്ഥാനമായിരുന്നു ടാറാ. 640 വരെ ദേശീയ അസംബ്ലികൾ ഇവിടെയാണ് സമ്മേളിച്ചിരുന്നത്. ഈ കുന്നിൻ പ്രദേശത്തിന്റെ ഏറ്റവും ഉയരമുളള ഭാഗത്ത് പൗരാണിക കാലഘട്ടത്തിൽ കിരീട ധാരണത്തിനായി ഉപയോഗിച്ചതെന്നു കരുതപ്പെടുന്ന ശിലയും, സെന്റ് പാട്രിക്കിന്റെ പ്രതിമയും കാണാം. സ്റ്റോൺ ഓഫ് ഡെസ്റ്റിനി (Stone of Destiny)[1] എന്ന പേരിലറിയപ്പെടുന്ന സ്തംഭശിലയിൽ (pillar stone) വച്ചായിരുന്നു രാജാക്കന്മാർ രാജ്യാധികാരം ഏറ്റെടുത്തിരുന്നതെന്നാണ് വിശ്വാസം. ഇവിടെയുള്ള മൺകൂനകൾ രാജസഭ നിലനിന്നിരുന്ന പ്രദേശമാണെന്ന് വിശ്വസിച്ചുപോരുന്നു. 1952 മുതൽ ഈ പ്രദേശത്തു നടന്ന പുരാവസ്തുഗവേഷണങ്ങളുടെ ഫലമായി ഇവിടെനിന്നും വെങ്കലയുഗം മുതൽക്കുള്ള ശവകുടീരങ്ങൾ കണ്ടെടുത്തിട്ടുണ്ട്.

അവലംബം[തിരുത്തുക]

  1. http://www.flickr.com/photos/celtico/404384214/ Stone of Destiny , Lia Fáil , Tara/Teamhair, Ireland. | Flickr - Photo ...

പുറംകണ്ണികൾ[തിരുത്തുക]

Heckert GNU white.svg കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ ടാറാ കുന്നുകൾ എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.
"https://ml.wikipedia.org/w/index.php?title=ടാറാ_കുന്നുകൾ&oldid=1689022" എന്ന താളിൽനിന്നു ശേഖരിച്ചത്