ഹീമാറ്റോക്രിറ്റ്
| Hematocrit | |
|---|---|
| Intervention | |
 Blood components | |
| MeSH | D006400 |
ഒരു നിശ്ചിത രക്തവ്യാപ്തത്തിലെ ചുവന്ന രക്തകോശങ്ങളുടെ ശതമാനക്കണക്കിനെയാണ് ഹീമാറ്റോക്രിറ്റ് അഥവാ പ്യാക്ക്ട് സെൽ വോളിയം അഥവാ എറിത്രോസൈറ്റ് വോളിയം ഫ്രാക്ഷൻ എന്നുവിളിക്കുന്നത്. ഇത് പുരുഷൻമാരിൽ 45%വും സ്ത്രീകളിൽ 40% വുമാണ്. പ്ലേറ്റലറ്റ് എണ്ണം, വെളുത്ത രക്താണുക്കളുടെ എണ്ണം, ഹീമോഗ്ലോബിന്റെ അളവ് എന്നിവയ്ക്കൊപ്പം സവിശേഷ പ്രാധാന്യമുള്ള ഒന്നാണ് ഹീമാറ്റോക്രിറ്റ് മൂല്യവും. രക്തം എന്നർത്ഥമുള്ള ഗ്രീക്ക് വാക്കുകളായ ഹീമോ, ക്രൈറ്റീരിയൻ അഥവാ മാനദണ്ഡം എന്നീ വാക്കുകൾ ചേർന്നാണ് ഹീമാറ്റോക്രിറ്റ് എന്ന പദമുണ്ടായത്.
ഹീമാറ്റോക്രിറ്റ് മൂല്യം
[തിരുത്തുക]- നവജാതശിശുക്കൾ: 55%- 68%
- ഒരു വർഷം പ്രായമായ ശിശു: 29%- 40%
- പ്രായപൂർത്തിയായ പുരുഷൻ: 42%- 54%
- പ്രായപൂർത്തിയായ സ്ത്രീ: 38%- 46%
- ഗർഭാവസ്ഥ: 30%- 34%[1]
ഹീമാറ്റോക്രിറ്റ് കണക്കാക്കുന്ന വിധം
[തിരുത്തുക]
ഒരു ക്യാപ്പില്ലറ് ട്യൂബിൽ ഹെപ്പാരിൻ എന്ന ആന്റികൊയാഗുലന്റ് നിറച്ച രക്തത്തെ സെൻട്രിഫ്യൂഗേഷന് വിധേയമാക്കിയാണ് ഈ മൂല്യം നിശ്ചയിക്കുന്നത്. അഞ്ചുമിനിറ്റ് നേരത്തേയ്ക്ക് ഈ ട്യൂബിനെ മിനിറ്റിൽ 10000 തവണ എന്ന കണക്കിൽ കറക്കുമ്പോൾ ചുവന്ന രക്തകോശങ്ങൾ ട്യൂബിന്റെ അടിവശത്ത് അവക്ഷിപ്തപ്പെടുന്നു. ആധുനിക സാഹചര്യങ്ങളിൽ ഓട്ടോ അനലൈസറുകൾ ഹീമാറ്റോക്രിറ്റ് മൂല്യം കണക്കാക്കാൻ ഉപയോഗിക്കുന്നു.
ഹീമാറ്റോക്രിറ്റ് മൂല്യത്തിന്റെ പ്രാധാന്യം
[തിരുത്തുക]ഹീമാറ്റോക്രിറ്റ് ഉയർന്ന മൂല്യങ്ങൾ ഡെങ്കിപ്പനിയുടെ ആക്രമണത്തെ സൂചിപ്പിക്കുന്നു. ഡിഹൈഡ്രേഷൻ, എറിത്രോസൈറ്റോസിസ്, ഹൈപ്പോക്സിയ, പോളിസൈത്തീമിയ, ക്രോണിക് ഒബ്സ്ട്രക്ടീവ് പൾമണറി[2] രോഗം ഇവയെയും ഉയർന്ന ഹീമാറ്റോക്രിറ്റ് മൂല്യം സൂചിപ്പിക്കുന്നു. കടുത്ത അനീമിയയിൽ ഹീമാറ്റോക്രിറ്റ് മൂല്യം വളരെ താഴ്ന്ന നിലയിലെത്തി നിൽക്കുന്നു.