ക്ലെമന്റ് പിയാനിയസ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Clemente Peani എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search

വൈദികനും 1800നു മുൻപ് പൂർണ്ണമായും മലയാളഭാഷയിൽ ഇറങ്ങിയ ഒരേ ഒരു ഗ്രന്ഥമായ സംക്ഷേപവേദാർത്ഥത്തിന്റെ രചയിതാവുമാണ് ഫാദർ ക്ലെമന്റ് പിയാനിയസ് (ഏപ്രിൽ 1731 - 19 ഒക്ടോബർ 1782).

ജീവിതരേഖ[തിരുത്തുക]

ഇറ്റലിയിലെ പീദ്മോണ്ട് ദേശത്ത് ജനിച്ച ക്ലെമന്റ് പിയാനിയസ് 1749 ൽ കർമ്മലീത്താ സഭയിൽ ചേർന്നു. 1755 ൽ വൈദികനായി. റോമിൽ പ്രേഷിത ശാസ്ത്രവും ഗ്രീക്ക്, അറബി തുടങ്ങിയ ഭാഷകളും പഠിച്ചു. 1756 ഡിസംബറിൽ ഇന്ത്യയിലേക്കു തിരിച്ചു. 1757 ഏപ്രിലിൽ കേരളത്തിലെത്തി. വരാപ്പുഴയിൽ മിഷനറി പ്രവർത്തനത്തിൽ ശ്രദ്ധ കേന്ദ്രീകരിച്ചു. വൈദിക പഠനത്തിനായി ഇദ്ദേഹം സ്ഥാപിച്ച സെമിനാരിയാണ് ആലുവയിലെ പൊന്തിഫിക്കൽ സെമിനാരി.[1]

പത്തു വർഷത്തോളം മലയാളവും സംസ്കൃതവും പഠിച്ച് നിഘണ്ടു, വ്യാകരണ ഗ്രന്ഥം തുടങ്ങിയവ നിർമ്മിച്ചു. 1769 ൽ റോമിലേക്കു പുറപ്പെട്ടു. അഞ്ചു വർഷത്തോളം അവിടെ താമസിച്ചു. അതിനിടെയാണ് 1772 ൽ സംക്ഷേപവേദാർത്ഥം അച്ചടിച്ചത്. മലയാള ലിപിയെ കുറിച്ചുള്ള ആൽഫബെത്തും ഗ്രന്ഥാണിക്കോ മലബാറിക്കം എന്ന ലത്തീൻ കൃതിയും റോമിൽ അച്ചടിച്ചു.

സംക്ഷേപവേദാർത്ഥത്തിന്റെ പ്രതികളുമായി 1774 ൽ കേരളത്തിൽ വീണ്ടുമെത്തി. വരാപ്പുഴ മെത്രാന്റെ വികാരി ജനറലായി ജോലി ചെയ്തു. 1789 ൽ മട്ടാഞ്ചേരിയിൽ വച്ചു നിര്യാതനായി. വരാപ്പുഴയിലാണ് മൃതദേഹം സംസ്കരിച്ചത്

കൃതികൾ[തിരുത്തുക]

അവലംബം[തിരുത്തുക]

  1. ഫാ. ക്ലെമന്റ് പിയാനിയസ് (1980). സംക്ഷേപവേദാർത്ഥം. ഡി.സി.ബുക്ക്സ്. pp. prelims. 
"https://ml.wikipedia.org/w/index.php?title=ക്ലെമന്റ്_പിയാനിയസ്&oldid=2312848" എന്ന താളിൽനിന്നു ശേഖരിച്ചത്