സി.പി. ജോൺ

ഇംഗ്ലീഷ് വിലാസം

https://ml.wikipedia.org/wiki/C.P._John

സി.പി. ജോൺ
കേരളത്തിലെ ഗതാഗത വകുപ്പ് മന്ത്രി
പദവിയിൽ 18 മെയ് 2026
മുഖ്യമന്ത്രി	വി.ഡി. സതീശൻ
മുൻഗാമി	കെ.ബി. ഗണേഷ് കുമാർ
കേരള നിയമസഭാംഗം
പദവിയിൽ 04 മെയ് 2026
മുൻഗാമി	ആന്റണി രാജു
മണ്ഡലം	തിരുവനന്തപുരം നിയമസഭാമണ്ഡലം
വ്യക്തിഗത വിവരങ്ങൾ
ജനനം	ചെറുവത്തൂർ പൗലോസ് ജോൺ (1957-04-22) 22 ഏപ്രിൽ 1957 വയസ്സ്) കുന്നംകുളം തൃശൂർ ജില്ല
രാഷ്ട്രീയ കക്ഷി	സി.എം.പി(1986-തുടരുന്നു)
മറ്റ് രാഷ്ട്രീയ അംഗത്വം	സി.പി.എം(1977-1986)
മാതാപിതാക്കൾ(s)	CI Poulose & Rosa
ജോലി	Politician & Social Worker
As of 18 മെയ്, 2026 ഉറവിടം: The Hindu News

2026 മെയ് 18 മുതൽ സംസ്ഥാന ഗതാഗത വകുപ്പ് മന്ത്രിയായി തുടരുന്ന സി.എം.പി പാർട്ടിയുടെ നേതാവാണ് സി.പി.ജോൺ(22 ഏപ്രിൽ 1957) 2026 മെയ് നാല് മുതൽ തിരുവനന്തപുരം മണ്ഡലത്തിൽ നിന്നുള്ള നിയമസഭ സാമാജികനാണ്. എ.കെ.ആൻ്റണി, ഉമ്മൻചാണ്ടി മന്ത്രിസഭകളിൽ സംസ്ഥാന ആസൂത്രണ ബോർഡ് അംഗമായിരുന്നു. 1986-ൽ രൂപീകരിച്ച സി.എം.പി പാർട്ടിയുടെ സ്ഥാപക നേതാവാണ്.

ജീവിതരേഖ

തൃശൂർ ജില്ലയിലെ കുന്നംകുളത്ത് കൃഷി വകുപ്പ് അസിസ്റ്റൻ്റ് ഡയറക്ടറായിരുന്ന സി.എ. പൗലോസിൻ്റെയും ഹൈസ്കൂൾ അധ്യാപികയായിരുന്ന റോസയുടേയും മകനായി 1957 ഏപ്രിൽ 22 ന് ജനനം. ചെറുവത്തൂർ പൗലോസ് ജോൺ എന്നതാണ് ശരിയായ പേര്. രാഷ്ട്രീയത്തിൽ സജീവമായപ്പോൾ സി.പി.ജോൺ എന്നറിയപ്പെടാൻ തുടങ്ങി. പ്രാഥമിക വിദ്യാഭ്യാസത്തിനു ശേഷം ഭൗതിക ശാസ്‌ത്രത്തിൽ ബി.എസ്.സി ബിരുദവും കോഴിക്കോട് ലോ കോളേജിൽ നിന്നും നിയമ ബിരുദവും നേടി.

രാഷ്‌ട്രീയ ജീവിതം

കലാലയ ജീവിതത്തിൻ്റെ തുടക്കത്തിൽ തന്നെ കമ്മ്യൂണിസ്റ്റ് പ്രത്യയശാസ്ത്രം ഇഷ്‌ടപ്പെട്ട സി.പി.ജോൺ മാർക്സിസ്റ്റ് പാർട്ടിയുടെ വിദ്യാർത്ഥി സംഘടനയായ എസ്എഫ്ഐയിലൂടെ രാഷ്ട്രീയത്തിൽ എത്തി.

1980 മുതൽ 1983 വരെ സംഘടനയുടെ സംസ്ഥാന സെക്രട്ടറിയായും 1983 മുതൽ 1985 വരെയും ദേശീയ ഉപാധ്യക്ഷനായും പ്രവർത്തിച്ച ജോൺ 1986-ലെ ബദൽരേഖ വിവാദത്തിൽ എം.വി. രാഘവൻ മാർക്സിസ്റ്റ് പാർട്ടി വിട്ട് സി.എം.പി രൂപീകരിച്ചപ്പോൾ രാഘവനൊപ്പം അണിചേർന്നു.

അന്ന് മാർക്സിസ്റ്റ് പാർട്ടിയിലെ യുവജന വിഭാഗം നേതാവായിരുന്ന ജോൺ സിപിഎം വിട്ട് സി.എം.പി എന്ന പുതിയ രാഷ്ട്രീയ പാർട്ടി രൂപീകരിക്കുന്നതിൽ മുഖ്യ പങ്കാളിയായി.

2014-ൽ സ്ഥാപക നേതാവ് എംവിആറിൻ്റെ മരണശേഷം ഇടതു പശ്ചാത്തലമുള്ള കമ്മ്യൂണിസ്റ്റ് നേതാവായി യുഡിഎഫിൽ ഉറച്ചു നിൽക്കാനായിരുന്നു സിപി ജോണിൻ്റെ തീരുമാനം.

2015-ൽ പാർട്ടിയിൽ പിളർപ്പ് ഉണ്ടായപ്പോൾ അരവിന്ദാക്ഷൻ വിഭാഗം തിരിച്ച് സി.പി.എമ്മിൽ ചേർന്നെങ്കിലും ജോൺ യുഡിഎഫിൽ തന്നെ തുടർന്നു പാർട്ടി ജനറൽ സെക്രട്ടറിയായി. തുടർന്നുള്ള വർഷങ്ങളിൽ യു.ഡി.എഫിൻ്റെ ഔദ്യോഗിക വക്താവായി മാറി.

2001 മുതൽ 2004 വരെയും 2011 മുതൽ 2016 വരെയും നിലവിലിരുന്ന യു.ഡി.എഫ് മന്ത്രിസഭകളിൽ സംസ്ഥാന ആസൂത്രണ ബോർഡ് അംഗമായിരുന്നു.

2006-ൽ എം.വി.ആർ യു.ഡി.എഫ് മന്ത്രിസഭയിൽ നിന്ന് ഒഴിഞ്ഞ് 20 വർഷത്തിന് ശേഷമാണ് സി.പി.ജോൺ ആ പാർട്ടിയുടെ ഏക അംഗമായി ആദ്യമായി വിജയിച്ച് നിയമസഭയിലെത്തിയത്.

2011, 2016 നിയമസഭ തിരഞ്ഞെടുപ്പുകളിൽ കുന്നംകുളത്ത് നിന്ന് മത്സരിച്ചെങ്കിലും പരാജയപെട്ടു.

സാമ്പത്തിക വിദഗ്ധനും ഗ്രന്ഥരചയിതാവുമായ സി.പി.ജോൺ യു.ഡി.എഫിൻ്റെ ബൗദ്ധിക മുഖമായാണ് അറിയപ്പെടുന്നത്. നിലവിൽ മുന്നണിയുടെ സംസ്ഥാന സെക്രട്ടറിയാണ്.

2026-ലെ നിയമസഭ തിരഞ്ഞെടുപ്പിൽ തിരുവനന്തപുരം നിയമസഭ മണ്ഡലത്തിൽ നിന്നും വിജയിച്ച് ആദ്യമായി നിയമസഭാംഗമായ ജോൺ നിലവിൽ 2026 മെയ് 18ന് അധികാരമേറ്റ വി.ഡി. സതീശൻ മന്ത്രിസഭയിലെ ഗതാഗത വകുപ്പ് മന്ത്രിയാണ്.

സ്വകാര്യ ജീവിതം

• ഭാര്യ : അരുണ
• മക്കൾ : അപർണ, അഞ്ജന