ബികാനേറി ഭുജിയ

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Bikaneri Bhujia എന്ന താളിൽ നിന്നും തിരിച്ചുവിട്ടതു പ്രകാരം)
ബികാനേറി ഭുജിയ
ബികാനേറി ഭുജിയ വിൽക്കുന്ന ജയ്‌പൂരിലെ ഒരു കട
Origin
Alternative name(s)ഭുജിയ
Place of originഇന്ത്യ
Region or stateരാജസ്ഥാൻ, ഗുജറാത്ത്
Details
Courseലഘുഭക്ഷണം
Main ingredient(s)Moth bean, നിലക്കടല എണ്ണ

ധാന്യമാവിൽ സുഗന്ധവ്യഞ്ജനങ്ങൾ ചേർത്ത് എണ്ണയിൽ വറുത്തെടുക്കുന്ന ഒരു ഭക്ഷണപദാർത്ഥമാണ് ബികാനേറി ഭുജിയ. രാജസ്ഥാനിലെ ബികാനേർ പ്രദേശത്ത് നിർമ്മാണം ആരംഭിച്ച ഈ പലഹാരം ഇന്ത്യയിൽ പ്രത്യേകിച്ച് ഉത്തരേന്ത്യയിൽ ഏറെ പ്രശസ്തമാണ്. 2010-ൽ ബികാനേറി ഭുജിയക്ക് ഭൂപ്രദേശ സൂചിക പദവി ലഭിച്ചു.

വിവരണം[തിരുത്തുക]

1877-ൽ ബികാനീർ നാട്ടുരാജ്യത്തിലെ ഭരണാധികാരിയായിരുന്ന മഹാരാജ ശ്രീ ദംഗാർ സിംഗിന്റെ കാലത്താണ് ബികാനീറിൽ ആദ്യമായി ഭുജിയ നിർമ്മാണം നടന്നത്.[1] ഇന്ന് ഏകദേശം 25 ലക്ഷത്തോളം ബികാനേർ നിവാസികൾ ഭുജിയ നിർമ്മാണത്തെ അവരുടെ കുടിൽ വ്യവസായമായി ഇപ്പോഴും നിലനിർത്തിയിരിക്കുന്നു.[2] രാജ്യത്തിന്റെ വിവിധ ഭാഗ്യങ്ങളിൽ കടല മാവിൽ നിർമ്മിക്കപ്പെടുന്ന ഭുജിയകളിൽ നിന്ന് വ്യത്യസ്തമാണ് ബികാനേർ ഭുജിയ. ബികാനേർ-ജോധ്പൂർ പ്രദേശങ്ങളിൽ മാത്രം ഉത്പാദിപ്പിക്കപ്പെടുന്ന മട്കി (moth lentils) എന്ന ധാന്യത്തിൽ നിന്നാണ് ഈ ഭുജിയ നിർമ്മിക്കപ്പെടുന്നത്. അങ്ങനെ ഭുജിയയുടെ വ്യാപാരം നിർമ്മാണക്കാർക്കും വിതരണക്കാർക്കും വില്പനക്കാർക്കും പുറമേ ഗണ്യമായ എണ്ണം കർഷകർക്ക് കൂടി ജീവിതമാർഗ്ഗമാകുന്നു.

അവലംബം[തിരുത്തുക]

  1. In search of Bikaneri Bhujia ദ ഹിന്ദു, 2012 സെപ്റ്റംബർ 29
  2. The whole world's bhujia, ഇന്ത്യാ ടുഗദെർ വെബ്‌സൈറ്റ്, 2005 ജൂലൈ 26
"https://ml.wikipedia.org/w/index.php?title=ബികാനേറി_ഭുജിയ&oldid=2429268" എന്ന താളിൽനിന്ന് ശേഖരിച്ചത്