ഹാജറ
ഇബ്റാഹീം പ്രവാചകന്റെ (അബ്രഹാം) പത്നിയും ഇസ്മാഈൽ പ്രവാചകന്റെ മാതാവുമായിരുന്നു ഹാജറ, ഹാജർ എന്നും ഹാഗർ എന്നും ഉച്ചാരണങ്ങൾ നിലവിലുണ്ട്[1]. ഇസ്ലാമിക വിശ്വാസപ്രകാരം വിശ്വാസദൈർഢ്യത്തിന്റെ പേരിൽ ഏറെ ആദരിക്കപ്പെടുന്ന വ്യക്തിത്വമാണ് ഹാജറയുടേത്. ഇബ്റാഹീമിന്റെ മറ്റൊരു പത്നിയായിരുന്ന സാറയുടെ വേലക്കാരിയായിരുന്നു ഹാജറ എന്നാണ് കരുതപ്പെടുന്നത്[2]. വൃദ്ധയായിട്ടും കുട്ടികളില്ലാത്തതിനാൽ ഹാജറയെ ഭാര്യയായി സ്വീകരിക്കാൻ സാറ ഇബ്റാഹീമിനെ ഉപദേശിക്കുകയായിരുന്നു. പുത്രനായ ഇസ്മാഈലിനേയും കൂട്ടി ഹിജാസിലെ മക്കയിലേക്ക് കുടിയേറിയ ഹാജറ, പ്രവാചകൻ മുഹമ്മദിന്റെയും പൂർവ്വികരായി വരുന്നുണ്ട്.
മക്കയിലെത്തിച്ച സംഭവം
[തിരുത്തുക]ഇസ്ലാം മത വിശ്വാസ പ്രകാരം ഇബ്രാഹിം നബിക്ക് അല്ലാഹുവിന്റെ നിർദ്ദേശം വന്നു. ഹാജറ ബീവിയെയും മകനെയും ദൂരെ ഒരു ദിക്കിലേക്ക് കൊണ്ടു പോകുക. ബുറാഖെന്ന അത്ഭുത വാഹനം ആകാശത്ത് നിന്നും ഇറങ്ങി വന്നു. ഈ വാഹനത്തിലാണ് അവർ യാത്രയായത്. മക്കയിലെത്തിയപ്പോൾ മലക്ക് ആജ്ഞാപിച്ചു: ‘ഇവിടെ ഇറങ്ങുക’. ‘ഇവിടെയോ? ആൾ താമസമില്ലാത്ത ഈ മരുപ്പറമ്പിലോ?’. ‘അതേ, ഇവിടെയാണ് നിങ്ങളുടെ സന്താന പരമ്പരയിൽ നിന്ന് പ്രശസ്തനായ ഒരു നബി അയക്കപ്പെടുക, ആ നബിക്ക് നാഥന്റെ കലാം ഇവിടെ വെച്ച് പൂർത്തികരിച്ച് അവതരിക്കും’ മലക്ക് പറഞ്ഞു. കൈ കുഞ്ഞുമായി വിജനത മാത്രം കൂടെയുള്ള മരുഭൂമിയിൽ ഭാര്യയെയും കുഞ്ഞിനെയും ഉപേക്ഷിച്ചു പോരാനായിരുന്നു ഇബ്രാഹീമിന് അല്ലാഹുവിന്റെ കൽപന [3]
വിജനമായ മക്കയിൽ അന്ന് ജലസ്രോതസ്സുകളും ഉണ്ടായിരുന്നില്ല. അവരെ അവിടെ തനിച്ചാക്കിയ ശേഷം ഇബ്രാഹിം നബി കാൻൺ ദേശത്തേക്ക് തിരിച്ചുപോയി. ആരെ ഭാരമേൽപ്പിച്ചിട്ടാണ് അങ്ങ് ഈ ആൾത്താമസമില്ലാത്ത ദേശത്ത് ഞങ്ങളെ വിട്ട് പോകുന്നതെന്ന് ഹാജറ ബീവി ചോദിച്ചു. എല്ലാം ദൈവത്തിൻറെ കൽപ്പനയാണെന്നായിരുന്നു ഇബ്രാഹിം നബിയുടെ മറുപടി. അവർക്ക് വേണ്ടി പ്രാർത്ഥിച്ച ശേഷമാണ് ഇബ്രാഹിം നബി മക്കയിൽ നിന്ന് മടങ്ങിയത്.'[Qur'an, Ibraaheem 14:37][4]
കഅ്ബയുടെ പുനർ നിർമ്മാണാവശ്യാർത്ഥമാണ് അദ്ദേഹം വീണ്ടും തിരിച്ചുവന്നത്. തുടർന്ന് ഇബ്രാഹീമും മകൻ ഇസ്മാഈൽ നബിയും ചേർന്നാണ് പുനർ നിർമ്മമാണം നടത്തിയത്.[Qur'an, al-Baqarah 2:127] ഈ നിർമ്മാണവുമായി ബന്ധപ്പെട്ട് ഇബ്രാഹീം നബി കയറിയിരുന്ന കല്ല് പ്രശസ്തമാണ്. ഇബ്രാഹിം മഖാം എന്നാണ് ഇതറിയപ്പെടുന്നത്.
[Qur'an, al-Hajj 22:27][4]
അവലംബം
[തിരുത്തുക]- ↑ Parry, Lesley (2016). AQA GCSE religious studies. Specification A. Jan Hayes, Sheila Butler. London. ISBN 978-1-4718-6686-9. OCLC 963178846.
{{cite book}}: CS1 maint: location missing publisher (link) - ↑ Muhammad Ashraf Chheenah (2016). Hagar the Princess, the Mother of the Arabs and Ishmael the Father of Twelve Princes (2nd ed.). Islamabad: Interfaith Studies and Research Centre. ISBN 9789699704000. Archived from the original on June 29, 2020.
- ↑ http://sunnivoice.net/articles/814[പ്രവർത്തിക്കാത്ത കണ്ണി]
- 1 2 IslamQA website: "Ibraaheem (peace be upon him)" IslamQA retrieved June 22, 2013