സത്യവ്രതേശ്വരക്ഷേത്രം

തമിഴ്നാട്ടിലെ കാഞ്ചീപുരത്തിനു കിഴക്ക് തിരുക്കാലിമേട് എന്ന സ്ഥലത്ത് സ്ഥിതിചെയ്യുന്ന ക്ഷേത്രമാണ് സത്യവ്രതേശ്വരക്ഷേത്രം. ഈ ക്ഷേത്രത്തിനു ഇന്ദ്രപുരമെന്നും പേരുണ്ട്. സത്യവ്രതതീർത്ഥം എന്ന പേരിൽ തീർത്ഥക്കുളവും ഇതിനോട് അനുബന്ധിച്ച് കാണുന്നു.

ഐതിഹ്യം

ഇന്ദ്രപദവി ലഭിച്ച ശിബി ചക്രവർത്തി മോക്ഷം നേടുന്നതിനു ബൃഹസ്പതിയെ സമീപിയ്ക്കുകയും മോക്ഷലബ്ധിയ്ക്കു കാഞ്ചിയിൽ സത്യവിരാടക്ഷേത്രത്തിൽ ചെന്നു ധ്യാനിക്കുവാൻ ഉപദേശിയ്ക്കുകയും ചെയ്തത്രേ.അപ്രകാരം ചെയ്തു ശിബി ചക്രവർത്തി മോക്ഷം നേടിയെന്നാണ് വിശ്വാസം.