ഷേർ-ഇ-കശ്മീർ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ്
| പ്രമാണം:Sher-i-Kashmir Institute of Medical Sciences Logo.svg | |
| തരം | Semi-autonomous |
|---|---|
| സ്ഥാപിതം | 1977 1982 (as Sher-i-Kashmir Institute of Medical Sciences) |
| അദ്ധ്യക്ഷ(ൻ) | ജെ&കെ. ലഫ്റ്റനന്റ് ഗവർണർ |
| ഡീൻ | ഒമർ ജാവേദ് ഷാ |
| ഡയറക്ടർ | എ.ജി. അഹംഗാർ |
| സ്ഥലം | സൌറാ, ശ്രീനഗർ, ജമ്മു കാശ്മീർ, ഇന്ത്യ 34°8′8.4156″N 74°48′4.1976″E / 34.135671000°N 74.801166000°E |
| ക്യാമ്പസ് | Urban |
| അഫിലിയേഷനുകൾ | യൂണിവേഴ്സിറ്റി ഗ്രാന്റ്സ് കമ്മീഷൻ (UGC) മെഡിക്കൽ കൌൺസിൽ ഓഫ് ഇന്ത്യ (MCI) അസോസിയേഷൻ ഓഫ് ഇന്ത്യൻ യൂണിവേഴ്സിറ്റീസ് (AIU) |
| വെബ്‌സൈറ്റ് | skimsmc |
ഷേർ-ഇ-കശ്മീർ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് (SKIMS) ഇന്ത്യൻ യൂണിയൻ പ്രദേശമായ ജമ്മു കശ്മീരിലെ നിയമസഭാ നിയമത്തിനു കീഴിലുള്ള ഏറ്റവും വലിയ മെഡിക്കൽ ഇൻസ്റ്റിറ്റ്യൂട്ടാണ്.[1][2] ജമ്മു കശ്മീരിലെ കേന്ദ്രഭരണ പ്രദേശത്തെ ഏക മെഡിക്കൽ സർവ്വകലാശാലയായ SKIMS സർക്കാരിന്റെ എക്സ്-അഫീഷ്യോ സെക്രട്ടറി കൂടിയായ ഒരു ഡയറക്ടറുടെ നേതൃത്വത്തിൻകീഴിലാണ് പ്രവർത്തിക്കുന്നത്. ഗവൺമെന്റിന്റെ എക്സ്-അഫീഷ്യോ സ്പെഷ്യൽ സെക്രട്ടറി കൂടിയായ ഒരു അഡീഷണൽ ഡയറക്ടറെക്കൂടി (സിവിൽ സർവീസസ് അംഗം) ഇവിടെ സർക്കാർ നിയമിക്കുന്നു. ജെ & കെ ലഫ്റ്റനന്റ് ഗവർണർ ചെയർപേഴ്‌സൺ ആയ SKIMS ഭരണ സമിതി, സെമി ഓട്ടോണമസ് സൂപ്പർ-സ്പെഷ്യാലിറ്റി ഹോസ്പിറ്റലിനും ഡീമിഡ് യൂണിവേഴ്സിറ്റിക്കുമായി ക്യാബിനറ്റിന്റെ പങ്ക് നിർവഹിക്കുന്നു. ബെമിനയിൽ നഗര പ്രാന്തപ്രദേശത്ത് ഇൻസ്റ്റിറ്റ്യൂട്ടിന് ഒരു അനുബന്ധ മെഡിക്കൽ കോളേജും ആശുപത്രിയും ഉണ്ട്. ഉയർന്ന യോഗ്യതയുള്ള ഡോക്ടർമാർ, നഴ്സുമാർ, പാരാമെഡിക്കൽ ഉദ്യോഗസ്ഥർ എന്നിവരുടെ സൃഷ്ടിക്കുള്ള ഒരു വ്യവസായമായി SKIMS പ്രവർത്തിക്കുന്നു. ഈ മെഡിക്കൽ സർവകലാശാലയിലെ ബിരുദധാരികളിൽ ചിലർ ഇപ്പോൾ അമേരിക്കൻ ഐക്യനാടുകൾ, ഓസ്‌ട്രേലിയ, യു.കെ., കാനഡ തുടങ്ങിയ രാജ്യങ്ങളിൽ അനുമതിയുള്ള ചികിത്സകരായി ജോലി ചെയ്തുകൊണ്ട് ഈ സ്ഥാപനത്തിന് പെരുമയുണ്ടാക്കിയിട്ടുണ്ട്.
ചരിത്രം[തിരുത്തുക]
1976 ൽ നിർമ്മാണം ആരംഭിച്ച മെഡിക്കൽ ഇൻസ്റ്റിറ്റ്യൂട്ട് 1982 ഡിസംബർ 5 ന് ഭാഗികമായി കമ്മീഷൻ ചെയ്യപ്പെട്ടു. 1983 ഓഗസ്റ്റ് 19 ന് ഷേർ-ഇ-കശ്മീർ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിന് ഒരു ഡീമിഡ് യൂണിവേഴ്സിറ്റി പദവി ലഭിച്ചു. എല്ലാ വർഷവും ഇൻസ്റ്റിറ്റ്യൂട്ട് ഷെയ്ഖ് മുഹമ്മദ് അബ്ദുള്ളയുടെ ജന്മദിനത്തോടനുബന്ധിച്ച് അതിന്റെ സ്ഥാപക ദിനം ഡിസംബർ 5 ന് ആഘോഷിക്കുന്നു.
വകുപ്പുകൾ[തിരുത്തുക]
സംസ്ഥാനത്തെ ഈ പ്രഥമ മെഡിക്കൽ ഗവേഷണ സ്ഥാപനത്തിൽ ഏകദേശം 5000+ ജീവനക്കാരെക്കൂടാതെ മെഡിസിൻ അനുബന്ധ, സർജറി അനുബന്ധ വകുപ്പുകൾ, മറ്റ് വകുപ്പുകൾ എന്നിവ ഉൾപ്പെടുന്ന 50 ലധികം വകുപ്പുകൾ ഉൾക്കൊള്ളുന്നു. ഓരോ വകുപ്പിലെയും മെഡിക്കൽ ഫാക്കൽറ്റിയിൽ പ്രൊഫസർമാർ, അധിക പ്രൊഫസർമാർ, അസോസിയേറ്റ് പ്രൊഫസർമാർ, അസിസ്റ്റന്റ് പ്രൊഫസർമാർ എന്നിവർ ഉൾപ്പെടുന്നു.
അവലംബം[തിരുത്തുക]
- ↑ Kashmir’s dream hospital has seen 12,860 deaths in last 5 years: CAG
- ↑ GreaterKashmir.com (Greater Service). "SKIMS Medical College students suspend classes". greaterkashmir.com. Retrieved 2014-08-07.